مياه الرادياتير

**MohammedAladel** · 21-07-2012 11:40 PM

السلام عليكم بصيت على القربة ملقتش فيها مياه خالص يادوب حاجة بسيطة من تحت والقربة الجدران بتاعها مزيتة كدا المهم أنا جبت علبة موبيل 4 لتر ب 67 جنيه إيه رأيكم ف السعر ؟ ودلوقتى ناوى أزودها أزودها الصبح بدرى قبل ما تدور ولا أزودها والعربية سخنة وشغالة عادى ؟؟

**Hany Saad** · 21-07-2012 11:45 PM

المشاركة الأصلية كتبت بواسطة mohammedaladel

السلام عليكم بصيت على القربة ملقتش فيها مياه خالص يادوب حاجة بسيطة من تحت والقربة الجدران بتاعها مزيتة كدا المهم أنا جبت علبة موبيل 4 لتر ب 67 جنيه إيه رأيكم ف السعر ؟ ودلوقتى ناوى أزودها أزودها الصبح بدرى قبل ما تدور ولا أزودها والعربية سخنة وشغالة عادى ؟؟

حضرتك عندك كوعة الميه تقريبا فيه مشكلة.....بدل متحط الميه الخضراء على الفاضى....حط مياه حنفيه الصبح و العربية باردة.....إحذر من تزويد المياه و العربية دايرة و إلا هيخش هواء داخل دايرة التبريد و هتبقى مشكلة....

بعد متحط الميع العادية...تكشف على الكوع و تغيره لو بايظ و بعدين تحط الميه الخضراء و إبقى طمنا

**drmagieed** · 22-07-2012 12:18 AM

متابع

**Hany Saad** · 22-07-2012 01:14 AM

المشاركة الأصلية كتبت بواسطة mohammedaladel

وعايز أعرف إيه نوع المياه اللى بيتحط فى التوكيل خصوصا إنى لقيت إن موبيل صناعة مصرية وكان فيه نوع سعودى بس أنا فضلت النوع دا

لو دورة المياه مظبوطة فى العربية....مش المفروض تنقص سنتى واحد حتى.....الميه الخضراء بتتغير كل 60000 كم....أنا لسه مغيرها عندى من أسبوع.

التوكيل بيستخدم توتال معبأة فى مصر و دى سعرها نفس الموبيل تقريبا و عنده نوع فرنساوى رينو و ده تقريبا فى حدود 150 جنيه أو أزيد شويه......

**Hany Saad** · 22-07-2012 02:24 AM

المشاركة الأصلية كتبت بواسطة mohammedaladel

القربة طالع منها مخرجين واحد رايح لتحت والتانى رايح للرادياتير من فوق أنهى فيهم الكوعة ؟؟

الكوع بيبقى راكب فى الردياتير نفسه و فيه ترموستات جواه بتبقى قافله دورة التبريد طول ما العربية باردة علشان تسخن العربية بسرعة فى الجو البارد و بتفتح لما العربية تسخن.....