‏50 %‏ زيادة في تعريفة التليفون الثابت

**meza** · 26-06-2008 01:02 AM

نفسى أعرف .... هما الناس دول محترفيين تضليل إزاى كده؟

يعنى إلنهاردة قريت عالنيل للأخبار إن الوزير قرر تخفيض تكلفة تركيب التليفون الثابت 50% ... لتشجيع الناس على إستعمال التليفون الثابت.

لكنه كلام منقوص .... مكتبوش إنه كمان قرر زيادة سعر الدقيقة.

محترفين محترفين يعنى !!! ...... ليهم حق ما بقالهم 20 سنة بيضحكوا عالشعب .... أخدوا خبرة يعنى.

**mahmoud6060** · 26-06-2008 02:51 AM

المشاركة الأصلية كتبت بواسطة meza

نفسى أعرف .... هما الناس دول محترفيين تضليل إزاى كده؟

يعنى إلنهاردة قريت عالنيل للأخبار إن الوزير قرر تخفيض تكلفة تركيب التليفون الثابت 50% ... لتشجيع الناس على إستعمال التليفون الثابت.

لكنه كلام منقوص .... مكتبوش إنه كمان قرر زيادة سعر الدقيقة.

محترفين محترفين يعنى !!! ...... ليهم حق ما بقالهم 20 سنة بيضحكوا عالشعب .... أخدوا خبرة يعنى.

يا باشا عادي لو تفتكر يوم زيادة البنزين نظيف طلع الساعة 11 الصبح و نفي اي زيادة في الاسعار و الساعة 6 أقر الزيادة ... زمان كنت لما اسمع زيادة بتعصب دلوقتي بضحك

**Eng.Mohamed Amen** · 26-06-2008 03:21 AM

لاحول و لا قوة الا بالله
اللهم ارفع عنا الغلاء و البلاء
اللهم لا تؤخذنا بما فعل السفهاء منا

أحسن حاجه إن الواحد يشيل التليفون المنزلى طلما الواحد شايل موبايل وعمال يشحن .يبقى اللى عايزنى يتصل على الموبيال .

**Mido80** · 02-07-2008 07:24 AM

انتوا عارفين ان هنا في قطر مكالمات الخط الارضي ببلاش انشالله تتكلم طول النهار. اللي بتدفعة فقط هو قيمة الاشتراك الشهري وهي 33 ريال قطري يعني حوالي 45 جنية مصري فقط لاغير. وكمان الفترة اللي فاتت كانت كيوتيل عاملة عروض تركيب خط ارضي مجاناً.

**Dr Ahmed** · 02-07-2008 08:06 AM

وغير الاشتراك المتعسف ضريبة مبيعات!!! 10 - 15 %

تفتكروا الهدف ممكن يكون دفع الناس انهم يبطلوا كلام شوية؟؟؟

وللا دعوة للتخلى عن التليفون وانزل زور اللى عايز تكلمه؟؟

**tutankhamoun** · 02-07-2008 08:19 AM

دي الحاجة الوحيدة التي لا يجب ان تزيد في سعرها
نصابين ........... نصابين يعني

الإتصالات في العالم كله رخيصة جدا
في أوروبا
تكلم أي دولة أوروبية تقريبا

ب 5 سنت من اليورو أو بنس انجليزي
و بتتفاوت يعني ممكن تبقى 7 أو 3 أو 4 حسب البلد
و المكالمات الداخلية مجانا
و مفيش اشتراكات شهرية
يعني لو قعدت تتلكم محلي بس
مش بتدفع حاجة
بس لازم الأنترنت يكون مع نفس الشركة
و المصيبة تكلم أمريكا
ب 4 سنت ......................
و لما تيجي تكلم مصر ............... 20 سنت و 25 سنت
يعني أمريكا اللي في أخر الدنيا تكلمها ب 4 سنت و ساعات مجانا
و مصر اللي لاصقة في أوروبا
الشركة المصرية للإتصالات دي ................ حرام عليهم بجد

لو فيه كمان شركتين أو ثلاثة معاهم ............ يظبطوه الأسعار شوية
زي ما حصل مع المحمول
من ساعة اتصالات ما نزلت ........
و الأسعار و العروض بقت حقيقة و في صالحنا كمستخدمين

المنافسة هي الحل الوحيد ............ االمنافسة

و لا و ألف لا للإحتكار و المحتكرين

و حسبي الله و نعم الوكيل في الشركة المصرية للإتصالات
ده الواحد بيلاقين نفسه دافع فاتورة ب 45 جنيه من غير ما يرفع سماعة التليفون
و لو أتكلم كلمتين في التليفون يلاقي الفاتورة بتلعب كمال أجسام و بتتضخم مش عارف ازاي

, تحيا ج ع ع

انتوا عارفين ان هنا في قطر مكالمات الخط الارضي ببلاش انشالله تتكلم طول النهار. اللي بتدفعة فقط هو قيمة الاشتراك الشهري وهي 33 ريال قطري يعني حوالي 45 جنية مصري فقط لاغير. وكمان الفترة اللي فاتت كانت كيوتيل عاملة عروض تركيب خط ارضي مجاناً.

دي قطر .............. مش ج ع ع

.......... لنا الله

يا جماعة بلاش تظلمو الحكومة
سعر الدقيقة زاد لأنها دقيقة .....
يعني من الدقيق ....
والدقيق من القمح ...
والقمح سعره العالمي زاد ....
شوفتو بقى الحكومة مظلومة ازاي

يبقى لازم نزرع قمح يا أستاذ أحمد ............ صح و لا أيه ؟

**pendodo2002** · 02-07-2008 08:46 AM

واحد بيتكلم موبايل ال 3 شهور بحوالي 1200-1600 جنيه
مع انخفاض التعرفه 30% (من الثابت للمحمول)... يعني انخفاض الفاتوره ما يقارب ال 650 جنيه و الرقم مش سهل
وطبعا انتو عارفين الرقم المدعم ده رايح لفين و لمين
اللي معاهم موبايلات كتيييييييييييير
وبيقضوها طول الليل ... ايوه يا ميتو ... هتصيف في بورتو مارينا السنه دي ولا تيجي عندي شرم الشيخ ...

عرفتوهم ؟؟
شاطرين ...