العربية مكتووومة ...

**engvandyke** · 22-07-2012 02:01 AM

انا معايا فيرنا 2007 جايبها مستعملة و عاملها سيرفس من 5 الاف كيلو بس من ساعة ما جبتها و انا بشم رائحة عادم و الدواسة بتاعت البنزين كانت ثقيلة دلوقتى العربية مكتومة و فى رائحة عادم و لما احرق عليها بحس انها بتنتش مع العلم انا لسة منظف البوابة و الانجيكشن ؟؟؟ منتظر الرد

**Land_Cruiser** · 22-07-2012 03:00 AM

غالبا المشكله من البوجيهات و محتاجه تغيير بالاضافه الى رداءه البنزين فحاول تحط بنزين من بنزينه مختلفه و غير البوجيهات

**engvandyke** · 22-07-2012 02:08 PM

شكرا لردك بس انا مغير بوجيهات من 5000 كم ممكن تكون باظت ؟؟

**chiko** · 22-07-2012 05:18 PM

اكشف علي طرومبة البنزين و بالمره البوجيهات .. و هات الدانسون و ابعد عن ال ان جي كي

**Land_Cruiser** · 22-07-2012 07:32 PM

المشاركة الأصلية كتبت بواسطة engvandyke

شكرا لردك بس انا مغير بوجيهات من 5000 كم ممكن تكون باظت ؟؟

احتمال تكون كانت متخزنه بطريقه سيئه فخدت رطوبه او مضروبه و ده يخلليها تعمل كده و لما تطلع البوجيه هتلاقيه عليه هباب اسود و محروق و ده بالاضافه الى ان البنزين كمان ممكن يكون ردئ و علشان كده اكشف. على البوجيهات و غيرها بنوع كويس و كمان حط بنزين من محطه تانيه

**engvandyke** · 11-08-2012 08:52 PM

تم تغيير البوجيهات اليوم و مشكلة التقطيع لسة موجودة ؟؟!!
من كام يوم كنت ماشى و ركنت جيت ادور بعديها بدقيقتين العربية مش عاوزة تدور مع وجود كهرباء و المارش كويس ؟ ممكن طرمبة بنزين تعمل كدة ؟

**chiko** · 12-08-2012 05:37 AM

اه طبعآ تعمل كده .. تقطيع و صعوبه في الدواره و العربيه مفيهاش عافيه و تيجي تدوس بنزين تلقيها هتبطل ... فك الطرومبه و غير القلب .. و هات الماني او تركي او ياباني .. و خلي بالك فيه تقليد كتير اليومين دول

**engvandyke** · 13-08-2012 01:15 AM

المشاركة الأصلية كتبت بواسطة engvandyke

انا معايا فيرنا 2007 جايبها مستعملة و عاملها سيرفس من 5 الاف كيلو بس من ساعة ما جبتها و انا بشم رائحة عادم و الدواسة بتاعت البنزين كانت ثقيلة دلوقتى العربية مكتومة و فى رائحة عادم و لما احرق عليها بحس انها بتنتش مع العلم انا لسة منظف البوابة و الانجيكشن ؟؟؟ منتظر الرد

انا سألت لاقيت البوش المانى ب 110 ده كويسة ؟؟