اسعار السيور والفلاتر وطرمبه الميا ؟

**amraction** · 22-07-2012 04:08 PM

السلام عليكم..

الكبير كبير برضه.. طنانى كان قالى فى اخر موضوع كتبته (( http://www.nilemotors.net/Nile/299036-a.html )) لما اشتكيت ان فيه خرفشه فى الموتور ان ممكن السبب يكون طرمبه الميا.. اينعم هو فك من الموضوع .. بس يلا.. رمضان كريم برضه

النهارده رحت للميكانيكى اسئله.. قالى غالبا طرمبه الميا.. اعمل صيانه كامله .. هات سيور وفلاتر وطرمبه ميا ونشوف بعدها.. بس غالبا هيا طرمبه الميا

دلوقتى بقا.. ايه اسعار سيور الكاتينه و الدينامو وبليه الكاتينه وفلاتر بنزين وزيت وهوا و طرمبه الميا و البوجيهات وايه احسن انواع

عربيتى فيكترا b2 1600 مانيوال

**ahmedharoon** · 22-07-2012 08:44 PM

هوا صوت الخرفشه ده ممكن يكون حجات كتيير علي فكره ممكن بلية الشداد وممكن بلية الدنمو مش شرط طرمبة الميه وممكن برده بليه التكييف

**ahmedharoon** · 22-07-2012 08:48 PM

هاؤلك علي حاجه عشان تحدد اللي انا بقولك عليه ( هتجيب حتت خشبه عصايا يعني تكون شبه الشومه كده وبعدان تدور العربيه وتحط العصايا ديه علي الاماكن اللي بقولك عليها سواء التكييف او الدنمو او الشداد وتحط ودنك علي العاصيا وتسمع هيبان هل من الحاجات اللي بقولك عليها ديه ولا لا ) الميكانيكي اللي يقولك اعمل صيانه كامله يبقي مش عارف يحدد العيب

**amraction** · 22-07-2012 09:47 PM

يا باشا اقرا الموضوع اللى انا حاطط لينكه الاول .. هتلاقينى بقول ان الصوت اساسا مش مستمر وبيروح وبييجى وما بيظهرش غير لما لعربيه تكون مشيت شويه حلوين.. ساعه مثلا.. تبدأ بقا الصوت مع كل حوده شمال و مع المطالع.. زى المطبات مثلا

**tananybasha** · 22-07-2012 11:29 PM

طرمبة المية يا ريت تجيب الهيبو ممتازه ب 200 جنيه
سيور هات جيتس السير ب 75 جنيه
بلية الكاتينه انزل لحد بتاع دايو و قوله عايز الجى ام الكندى بتاعت الليجانزا ب 200 جنيه
الفلاتر لو لقيت توبران يبقى زى الفل

**tananybasha** · 23-07-2012 12:28 AM

سرور كويس
و اسعاره ارحم من امريكان ستارز

**tananybasha** · 23-07-2012 01:35 AM

شغال فى الدايو
خش عليه الأول و قوله عايز بلية الليجانزا الجى ام الأصلية المتحركة مش الثابته
هتلاقيها اخت بتاعتنا و اعرف سعرها
و بعد كده
اطلب منه باقى حاجتك عادى