أفضل مساعدين للكريستالة

**أبو_حمزة** · 25-06-2008 12:07 PM

أخوانى
اخوكم هايز مشورة ضرورى
اثناء الكشف الدورى على العفشة اللى متعود اعمله كل شهر او 2 بالكتير العفشجى اشار عليا بتغيير المساعدين الامامى
مع العلم ان العفشجى شاطر وامين و اخويا الكبير و اصحابه بيعاملوه من اكتر من 10 سنين
المساعدين الحاليين هما الاصلى وعاملين حوالى 140 ألف
انا عارف ان الاصلى هو الافضل بس من الاخر السيولة غير متوفرة حاليا و كمان و احد زى حالتى معاه نفس الموديل ومغير مساعدين قريب قال ان اللى فى التوكيل مش اصلى و هم بيجيبوا نوع يابانى كويس بس مش الاصلى
الله اعلم بمدى صحة الكلام ده و خلينا فى المهم
العفشجى اشار عليا ب Kyb و قال انهم فى جودة الاصلى و سعرهم مش ها يعدى 450 و قال بلاش مونرو عشان ناشفين
اللى له تجربة مع تغيير مساعدين يا ريت يقول لى تقييمه
و كمان اللى يعرف اسعار يا ريت يقول لى

**casper1500** · 25-06-2008 05:04 PM

كل اللي اقدر اقولة ان المونرو ناشفين فعلا بس كويسيين , هما عندى

**nobody** · 25-06-2008 06:49 PM

والله اللي اعرفه ان Kyb ماركة محترمة جدا جد جدا توكل على الله وهاتهم

**Ahmed Selim** · 25-06-2008 08:10 PM

لو حضرتك عاوز تحسن ثبات العربية جيب المونرو ( أو كونى ) بس ده هيبقى فى مقابل شوية نشوفية تحس بيها فى المطبات
لو مش فارق معاك موضوع الثبات هات Kyb

**SAbuhashem** · 25-06-2008 09:32 PM

KYB

Thanks
Eng.Sherif Shaker

**مصراوي جدا** · 26-06-2008 09:07 AM

المشاركة الأصلية كتبت بواسطة sabbagh

انا عارف ان الاصلى هو الافضل بس من الاخر السيولة غير متوفرة حاليا و كمان و احد زى حالتى معاه نفس الموديل ومغير مساعدين قريب قال ان اللى فى التوكيل مش اصلى و هم بيجيبوا نوع يابانى كويس بس مش الاصلى
الله اعلم بمدى صحة الكلام ده و خلينا فى المهم

يا جماعة الله يكرمكم انا زهقت بأه من كتر الاشاعات السخيفة اللي الناس بتطلعها دي

المساعدين الأمامي الأصلي في التوكيل للانسر الكريستالة الواحد بـ 685 ج + 10% ض.م. يعني الاتنين بـ 1507 ج شامل يعني اكتر من 3 أضعاف KYB وبعدين يقول لك مش اصلي وياباني .. طيب يثبت انه مش اصلي ولا هو كلام وخلاص
دي حاجه تفلق والله

**مصراوي جدا** · 26-06-2008 10:27 AM

المشاركة الأصلية كتبت بواسطة sabbagh

اخويا الكبير الباشمهندس طارق
انا قلت انى ما اعرفش مدى صحة الكلام ده و احد اسباب ذكره ان حضرتك موجود معانا و لو مش صحيح ها تكدبه زى ما عملت كده و بالتالى الاشاعة تنتهى هنا
وانا كمان قلت ان السبب الاساسى فى انى مش ها اروح التوكيل هو الفلوس و فرق السعر اللى مش ها اقدر عليه حاليا وان اكيد الاصلى هو الافضل فى الاداء بلا منازع فى كل قطع الغيار
يا ريت ما يكونش فى زعل

يا ابو حمزة انا مش زعلان منك .. انا متضايق من الاشاعات السخيفة اللي الناس بتطلعها بدون علم وانا لما قريت الموضوع امبارح سكت ومعلقتش خاصة لما قلت (خلينا في المهم) فقلت خلاص مش هاعلق على النقطة دي

لغاية النهارده الصبح لما دخلت ولقيت التعليق ده من الاستاذ اسلام

المشاركة الأصلية كتبت بواسطة islamaboelnaga

بس بصراحه لو اللى فى التوكيل ده مش اصلى تبقى مشكله

دا الواحد يروح ل اى عفشجه و خلاص تبقى كده مساويه بعضها و التوكيل اغلى بمراحل كمان

فقلت كده يبقى فيه اعضاء هتصدق الاشاعة دي ولازم أرد عليه

ببساطة يا جماعة أي توكيل ميقدرش يبيع قطع غيار مش أصلية لأنه كده بيعرض نفسه ان الشركة الأم لو عرفت تسحب منه الوكالة فورا ، وده اكيد شرط واضح وصريح في جميع عقود وكالات شركات السيارات في مصر

فمين مستعد يضحي بالتوكيل بالكامل (ده أولا ويسوء سمعته ثانيا) علشان يكسب اكتر في صنف ولا اتنين ما هو من الأصلي كسبان كويس برضه

انما طبعا يا أبو حمزة حضرتك اخ عزيز وبالمناسبة فعلا انا سمعت ان KYB كويس جدا بس المهم تتأكد انه الأصلي لأن فيه منه مضروب في السوق

-

-

الموضوع: أفضل مساعدين للكريستالة

LinkBack

أدوات الموضوع

عرض

أفضل مساعدين للكريستالة - انشر الموضوع فى :

-

-

-

-

-

المواضيع المتشابهه

أفضل أنواع مساعدين لانسر كريستالة؟؟؟

ما هو أفضل نوع مساعدين للأوبترا المونرو أو kyb أو bat

ما هو أفضل نوع مساعدين

أفضل أنواع مساعدين السويفت ؟؟

مساعدين أى نوع أفضل

الكلمات الدلالية لهذا الموضوع

المفضلات

المفضلات

ضوابط المشاركة