دينامو دايو لانوس 2

**osra26** · 05-09-2012 03:08 PM

محدش قال عندى دينامو للبيع

**Eng.Geo** · 05-09-2012 03:14 PM

المشاركة الأصلية كتبت بواسطة osra26

محدش قال عندى دينامو للبيع

أيوة يا باشا عندي واحد
انا مغير موتور وعندي بتاع الموتور القديم لو محتاجه هبعتلك رقمي عالخاص

**Magoda** · 05-09-2012 03:20 PM

المشاركة الأصلية كتبت بواسطة i_samy

الحقيقة معرفش لكن العربية أثناء إنتهائى من المحور بدء عداد الحرارة يرتفع والتكيف يفصل مع إرتفاع وإنخفاض صوت الأر بى إم فرحت للميكانيكى بتاعى قالى باللفظ خلينا نعمل صيانة شاملة ونشوف وكانت كالتالى : طقم بوجيهات - طقم سلوك بوجيهات - منظف دورة إنشيكشن - منظف حساس البواب (أعتقد ده إللى إسمه أيدل ليرن) - فلتر هواء - فلتر بنزين ..... وبعد شوية إكتشف إن البطارية منتهية أو بتودع .... وعند هذه النقطة تحديدا قالى إن البطارية لما تكون فى أيامها الأخيرة ممكن عدم ثبات التيار يؤدى إلى تلف أو إحتراق الدينامو وأنه لن ينفع معه إصلاح .... وكان عنده موتور نوبيرا لسه محلول من عربية .... فقام ببيع الدينامو لى بمبلغ 200 جنيه وطبعا لإنى فى 6 أكتوبر وكنت عاوز أخلص لإنى ورايا مليون حاجة قولتله ركب وإشتغل ياريس

بس أدى الحكاية كلها

مبروووووك ياباشا على الدينامو الجديد
بس السعر حلو مش اضحك عليك ولا حاجه هو ده سعره فى السوق كدته بس المفروض كنت غيرت بطاريتك الأول وبعد كدته كنت تقيس الدينامو لأن لو البطارية بايظة مش هتجيبلك قرايه كويسة للدينامو

**tarek_2005** · 05-09-2012 09:21 PM

المشاركة الأصلية كتبت بواسطة magoda

مبروووووك ياباشا على الدينامو الجديد
بس السعر حلو مش اضحك عليك ولا حاجه هو ده سعره فى السوق كدته بس المفروض كنت غيرت بطاريتك الأول وبعد كدته كنت تقيس الدينامو لأن لو البطارية بايظة مش هتجيبلك قرايه كويسة للدينامو

الكلام ده معكوس لان البطارية لو ضعيفة هتدي قراءة ديناموا عالية
المفروض قياس الديناموا علي البطارية القديمة الاول وبعدين تحديد العطل من الديناموا ولا البطارية