سير الكاتينة اتقطع

**mdgazy** · 03-09-2012 08:04 PM

امبارح بالليل نازل من كوبري عبــود سمعت صوت حاجة اتقطعت و العربية بطلت ركنت على جنب ومرضتش أدور ليكون سير الكاتينة .. بصيت لقيت سير الدينامو سليم اتصلت بواحد قريبي جالي و حاول يدور مرة واحدة مدارتش .. قطرني بعربيته لحد الميكانيكي والنهاردة الصبح الميكانيكي لقى سير الكاتينة فعلا مقطوع ( مشيت بيه 27000 كم بس والله ) بس هو كان نوع ردئ مش مكتوب عليه أي حاجة وكان طالع ناشف جدا ومشقق .. للأسف أول ما جبت العربية سبتها لأخويا هو اللي غير السيور والفلاتر وكده فواضح انه جاب نوع أي كلام ..
المهم عشان ماطولش أكتر من كده .. جبت سير دايكو و ركبته وتمام الحمد لله بس المشكلة إني حاسس إن صوت الموتور علي شوية .. أو مش حكاية علي .. في صوت زي تكتكة كده بسيط مستمر على طول ..حتى سألت الميكانيكي قاللي لأ صوت المكنة طبيعي و احمد ربنا إن محصلش حاجة للصبابات ( للعلم ده الميكانيكي اللي قريبي بيتعامل معاه .. مش اللي أنا بتعامل معاه )
السؤال بقى ( و آسف على الإطالة ) : هل ممكن يكون حصل حاجة للصبابات من 3 محاولات لتدوير العربية ( مرتين قريبي , ومرة الميكانيكي ) ؟؟؟ ويا ترى الميكانيكي يقدر يجزم إن الصبابات محصلهاش حاجة من غير ما يشوفها ؟؟
قريبي ده بيقوللى طالما العربية ماشية معاك خلاص ولو الصوت علي عن كده نكشف عليه .. بس أنا مش مقتنع بصراحة ..
أرجو الإفادة و شكرا جزيــلا

**mo3tazanas** · 03-09-2012 09:05 PM

الحمد للة انها جت على قد كدة

**MohammedAladel** · 03-09-2012 09:44 PM

الحمد لله

**akmm** · 03-09-2012 09:44 PM

الحمد تته وشوف الميكانيكى بتاعك

**rasboten** · 03-09-2012 10:06 PM

اعتقد انك تروح لحد افضل يكشف عشان لو فى حاجه متكبرش وتبقى سهله ان شاء الله بدل ما تكون حاجه صغيره وتتساب تكبر

**MMamdouh** · 04-09-2012 04:32 AM

البساتم اكيد لطشت الصبابات و الصوت دة صوت خبط الصباب و هو بيقعد على قاعدتة و هو معووج

الحق ضبط العربية قبل م الصباب يتكسر و يبهدل الموتور

MMamdouh

**engwael** · 04-09-2012 12:02 PM

الموقف ده حصل معايا واعتقد ان الصوت ده اما من بلية الكاتينة طالما انت مغيرتهاش خصوصا البلية الثابتة اما فعلا يكون حصل اعوجاج الصبابات وانصحك ان لو اضطريت تغير الصبابا متغيرهاش واشتري بلوك موتور استيراد افضل وتقريبا نفس التكلفة

**tarek_2005** · 04-09-2012 02:22 PM

المشاركة الأصلية كتبت بواسطة mohammedaladel

أكشف عليها كمبيوتر الأول عند حد فاهم قوى لو ما جابش حاجة فك الموتور وشوف إيه اللى حصل

الأستاذ محمد ممدوح دايما تلاقيه بيتكلم عن تجربه كلام صح ويارب كلامه يطلع مش صح بس انت مش هتخسر حاجة لما تكشف ميكانيكا ع الموتور حتى لو فكيته عشان تطمن

ايه علاقة (( أكشف عليها كمبيوتر الأول )) بالي حصل عنده المفروض يقيس كبس موتور لو قليل يبقي في تهريب من الصبابات

المشاركة الأصلية كتبت بواسطة engwael

الموقف ده حصل معايا واعتقد ان الصوت ده اما من بلية الكاتينة طالما انت مغيرتهاش خصوصا البلية الثابتة اما فعلا يكون حصل اعوجاج الصبابات وانصحك ان لو اضطريت تغير الصبابا متغيرهاش [color="rgb(0, 255, 255)"]واشتري بلوك موتور[/color] استيراد افضل وتقريبا نفس التكلفة

الراجل بيتكلم في الصبابات ايه علاقة البلو ك المفروض تنصحه يشتري وش سلندر

-

الموضوع: سير الكاتينة اتقطع

LinkBack

أدوات الموضوع

عرض

-

-

-

-

المواضيع المتشابهه

سير الكاتينة اتقطع يا جدعاااااااااااااان

سير الكاتينة اتقطع وانا ماشى بالعربية

سير الكاتينة اتقطع...وما بعد ذلك...

سير الكاتينة الجديد اتقطع في الويرا 2004

سير الكاتينة اتقطع!!

الكلمات الدلالية لهذا الموضوع

المفضلات

المفضلات

ضوابط المشاركة