رقم العضوية : 98504
تاريخ التسجيل : 10May2011
المشاركات : 863
النوع : ذكر
الاقامة : Egypt
السيارة: Elantra
السيارة[2]: Lancer
دراجة بخارية: klkhhjh
الحالة :
انا من المنصوره
وعايز اروح القلعه او نادى المقاولون او مستشفى الصدر هناك فى المنطقه دى
انا رحتها مره من عند المللك الصالح دخلت يمين وكملت علطول عديت على القلعه والمقاولين وبعدين وصلت مستشفى الصدر
طبعا المللك الصالح من شبرا حوالى 12 كيلو
هل فيه طريق مختصر او اسهل من الدخول للملك الصالح ادخله من شبرا او من الدائرى
ياريت حد يفيدنى
رقم العضوية : 57630
تاريخ التسجيل : 01Jan2010
المشاركات : 4,129
النوع : ذكر
الاقامة : Cairo / Port Said
السيارة: Kia Carens 1.6 2010
السيارة[2]: Nissan Sunny 2014
دراجة بخارية: -
الحالة :
انت عايز القلعه ولا مستشفى الصدر؟
مش مشكله ... المشكله ان اى وصفه هيكون فيها زخانيق و انت ممكن تتوه ... نصيحتى خليك فى اللى انت عارفه
ممكن اديك وصفه تانيه قد تكون الزحمه فيها اقل شويه بس برضه طويله و هتعتمد على انت هتروح فى حدود الساعه كام ؟
بص يا باشا انت تطلع دائرى فى اتجاه مدينة السلام (هتعدى من تحت الدائرى و تاخد اول مطلع يمين) و تفضل ماشى و تنزل نفق السلام و تمشى حوالى 10 كيلو هتلاقى مدخل للمطار و بعديه نزلة يمين تنزلها (نزلة الماظه) و تكمل شويه و تطلع كوبرى و تكمل هتعدى من تحت كوبرى و تاخد يوترن و ترجع من جنب الكوبرى يمين (كأنك دخلت شمال من اتجاهك الاصلى) كده انت فى الاوتوستراد هتمشى طوالى شويه حلوين هتعدى من عند سيتى ستارز و اول عباس و اشارة رابعه (شارع الطيران) و المنصه و متطلعش كوبرى اكتوبر و تكمل من تحته
و اول ما تعدى من تحته هتلاقى فندق الجبل الاخضر للقوات المسلحه وبعديه مستشفى الصدر فى اليمين
ممكن و انت فى شبرا تسأل ازاى تطلع على رمسيس و من هناك تاخد شارع رمسيس على العباسيه و تطلع الكوبرى فى العباسيه و تنزل عند اكاديمية الشرطه القديمه و طوالى تحت كوبرى اكتوبر لحد الاوتوستراد تخش يمين هتكون وصلت
ربنا معاك ... لو هتيجى فى الصيام و الصبح يبقى الدنيا هتكون سهله ان شاء الله
[justify]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/justify]
المفضلات