الموضوع: قواعد اختيار زيت الموتور.. إزاي تعرف الزيت المناسب؟؟؟

ان الاساس في اختيار ماركة زيت معينة لمحرك سيارة معينة هو اتباع الارشادات والتعاليم الموضوعة للتشغيل تأتي مرفقة في دفتر من قبل مصنعي محركات السيارات ، لكن كيف يتم الاختيار لماركة الزيوت اذا كانت السيارة قديمة او ان البيانات المرفقة فيها والارشادات من حيث التشغيل غير كافية او انها فُقدت ، في هذه الحالة يجب ان يختار الشخص بنفسة ماركة الزيت لمحركه لكي يعمل المحرك بالصورة الصحيحة دون الاخلال بعمل المحرك وذلك عن طريق الآتي : اختيار الزيت من حيث اللزوجة حسب جمعية مهندسي السيارت الامريكية
SOCIETY OF AUTOMOTIVE ENGINEERS (SAE)، وفئات الزيوت من حيث الجودة ( الاداء) حسب معهد البترول الامريكي API (AMERICAN PETROLEUM INSTITUTE).او حسب الجمعية الاوروبية لمصنعي السيارات (ASSOCIATION DES CONSTRUCTERS EUROPEANS D>AUTOMOBILES) ACEA))

API SERVICE SYMBOL
1 - زيوت المحركات والاختيار حسب التصنيف من حيث اللزوجة : SAE .
تأسس هذا التصنيف عام 1911 م ويعتبر معياراً عالمياً ينظم لزوجة الزيوت وليس له أي علاقة من حيث جودة الزيوت واستخدامها لمحركات معينة - للمحركات المختلفة - هذا التصنيف يحتوي على ست فئات شتوية وخمس فئات صيفية لزيوت المحركات فئات اللزوجة الشتوية هي
( 0W ,5W, 10W, 15W, 20W, 25W ) SAE
فئات اللزوجة الصيفية هي ( 20, 30,40,50,60 ) SAE
وللتوضيح نأخذ هذا المثال : SAE 10W-40 وهو عادة يكتب على علبة الزيت ، ماذا تعني هذه الرموز الموجودة على علبة الزيت ؟
SAE 40 - درجة اللزوجة الصيفية الرقم (40) يعني استخدام الزيت في الصيف
فكلما كان الرقم كبيرا كلما كان الزيت وبدرجة كبيرة سوف يحافظ على لزوجته عند التسخين الزائد عند درجات الحرارة المرتفعة للهواء الخارجي كذلك المحرك يتأثر بارتفاع درجات الحرارة ومن مهام استخدام الزيوت إنها عند درجات الحرارة المرتفعة تحافظ وبدرجة كبيرة على لزوجتها من أجل المحافظة على المحرك .

أما وجود SAE 10W – درجة اللزوجة في الشتاء يعطينا معلومات عن استخدام الزيت لفصل الشتاء W- تعني « WINTER» «شتاء» فكلما كان الرقم صغيرا كلما كان الزيت وبصورة كبيرة سوف يحافظ على سيولته في الطقس البارد عند بداية تشغيل المحرك ويمكن كتابة الحرف( ش) بدلا من الحرف Wؤهو يعني شتاء كذلك.
أما الزيوت العامة ( التي يمكن استخدامها في فصل الصيف والشتاء ) فيرمز لها:
SAE 10W – 40 حيث تجمع درجة اللزوجة الشتوية والصيفية معاً
بمعنى ان الاختيار الصحيح لهذا التصنيف تعتمد علية عدة تسهيلات أهمها أنه باستطاعتنا تشغيل محرك السيارة في المناطق الباردة التي قد تصل درجة حرارتها في فصل الشتاء الى سالب 7 -10 درجة مئوية كما هو الحال في كل من صنعاء وذمار وبعض المناطق الأخرى ، ذلك عن طريق الاختيار الصحيح للرقم الموجود قبل الحرف (W) ، كذلك الحال بالنسبة لفصل الصيف يكون الاختيار الصحيح للرقم بعد العلامة(- ) في المثال الرقم هو 40 هذا يعني انة بمقدورنا تشغيل المحرك في المناطق الحارة التي تصل درجة حرارتها أثناء الصيف الى موجب 40-45 درجة مئوية كما هو الحال في بعض المحافظات مثل الحديدة ،عدن ، حضرموت وغيرها من المحافظات التي يتميز جوها أثناء الصيف بدرجات حرارة مرتفعة .
هنا يجب ان ننوه انه ليس من الضروري تحميه (تسخين) المحرك في المناخ البارد او المناخ الحار عند بداية تشغيل المحرك اذا تم اختيار الزيت حسب اللزوجة اختيارا صحيحاَ ، اذ ان الاختيار الخاطئ لهذا التصنيف سوف يؤدي الى بلى وتآكل المحرك اثناء بداية التشغيل للمحرك ، فمثلا اختيار زيت المحرك بفئة اللزوجة 40 فقط حسب SAE وأثناء بداية التشغيل للمحرك في المناطق الباردة سيتطلب الأمر فترة زمن من اجل ان تسحب المضخة الزيت الى نظام التزييت حتى تلتحق بكل أجزاء المحرك العاملة ، وفي هذه الحالة سوف يعمل المحرك بما يسمى ( بنظام الامتناع ) عن ضخ الزيت لان لزوجة الزيت في هذه الحالة ستكون عالية وقد يكون متجمدا في حوض التزييت مما يعني أنة يجب تحميه المحرك ( تسخينه ) ، في هذه اللحظات من تسخين المحرك سيعمل المحرك دون تزييت عند ذلك سوف يزداد الاحتكاك وبصورة كبيرة بين اجزائة المختلفة وبالتالي بلى المحرك وتآكله يوما بعد يوم . لذلك كلما كان الزيت اكثر قدرة للمحافظة على السيولة عند درجات الحرارة المنخفضة واكثر قدرة للمحافظة على اللزوجة بحيث يكون كافياَ لتكوين طبقة زيتية عند درجات الحرارة المرتفعة ، كلما كان سحب الزيت والتحاقه بنظام التزييت أسرع عند انخفاض درجات الحرارة ويعمل على تبريد بخار الاحتكاك عند درجات الحرارة المرتفعة ، بذلك نضمن حماية المحرك من التأثر وبالتالي حمايته من التآكل والبلى عند الاختيار الصحيح لفئة اللزوجة حسب التصنيف SAE




المهم... الزيت اللي بنستخدمه في معظم عربياتنا هو زيت متعدد درجات اللزوجة

إزاي؟؟

يعني زيت بيديك أداء وكأن فيه خليط زيوت..خفيف وتقيل ! ! ! ! ! ! ! ! ! ! ؟ ؟ ؟ ؟

إنما هي في الواقع زيت خفيف وعليه إضافات من البوليمرز بيسموها محسنات مؤشر اللزوجة (Viscosity Index Improvement) وهدفها إن الزيت يحتفظ بلزوجته ويخفش مع ارتفاع درجة الحرارة

ليه كده؟؟؟

الغرض من الزيت متعدد اللزوجة إنه لما تيجي تشغل عربيتك وهي باردة.. الزيت بيبقى له لزوجة معينة بتخليه يوصل لأجزاء الموتور المختلفة ويبقى فيه طبقة تزييت مناسبة للتشغيل.. ولما الموتور يسخن... الطبيعي إن الزيت يبدأ يخف مع ارتفاع درجة الحرارة.. بس ده حيخلي طبقة الزيت ضعيفة، فالبوليمرز بتخلي الزيت محتفظ بنفس درجة اللزوجة لما كان بارد... الزيت في الحالة دي بيتصرف وكإن فيه زيت تقيل سخن، وده سبب وضع درجتين لزوجة على العبوة.

عشان كده الزيت بيبقى مكتوب عليه درجة اللزوجة بتاعة خليط الزيوت (المفترض)
مثلا: 20W-50 الزيت الخفيف درجة لزوجته 20 ... والزيت التقيل درجة لزوجته 50
5W-30 الزيت الخفيف درجة لزوجته 5 ... والزيت التقيل درجة لزوجته 30
15W-40 الزيت الخفيف درجة لزوجته 15 ... والزيت التقيل درجة لزوجته 40

الأرقام دي بتتحدد حسب حرارة الجو ....... مش درجة حرارة الموتور

طب إزاي نعرف إن الزيت ده لزوجته تنفع لجو مصر؟؟؟
دى صورة من كتالوج نيسان صنى 2013 فى كندا


Uploaded with ImageShack.us
مش معنى انهم اختارو درجة اللزوجة دى اننا نعمل زيهم عميانى
بالعكس الدرجة دى ما تنفعش مع الحر فى مصر خاااالص

و دى صورة من كتالوج نفس العربية بس فى مصر


Uploaded with ImageShack.us
قصة تانية خالص

الجو في مصر درجة الحرارة فيه عالية نسبيا.. وفي الشتا صعب توصل لتحت الصفر (لو اتكلمنا عن الصعيد في الشتا .. فيه بعض أماكن صحراوية ممكن توصل درجة الحرارة الصغرى لحوالي صفر)


لاحظ درجات الحرارة (حرارة الجو) ومدى التشغيل بتاع كل زيت



زي ما إنت شايف... مفيش زيت محدد... اشتري أقرب زيت مناسب تلاقيه في السوق يكون مناسب للجو في مصر


طيب .... مادام كل الزيوت دي ممكن تشتغل ...هل فيه فرق في كفاءة التشغيل؟؟؟

- ميزة الزيت الـ15w-50 عن 15w-30 مثلا ... إن الزيت الأثقل (الـ50) حيديك حماية أكبر لأجزاء الموتور وبالتالي الموتور عمره حيبقى أطول... إنما الزيت الأخف (الـ30) حيديك توفير أعلى في البنزين

- الزيت الـ10w-40 على وجه الخصوص يفضل عدم استخدامه لإن نسبة البوليمرز اللي فيه عالية قوي، والبوليمرز ماهياش مواد تزييت.

و القول الفصل فى هذا الجزء هو
كلمــــا كان الزيت اكثر لزوجة فى درجة الحرارة العالية
واكثر قدره على السيولة فى الجو البارد و درجة الحرارة المنخفضة
كان أكثر قـــدره في المحافظة على المحرك وأدائه

طيب... إيه اللي بيخللي بعض الزيوت تقعد في العربية 1000.. 3000... 5000... 10000 كيلو؟؟؟؟؟؟


ده اللي بنسميه مستوى الخدمة


الموضوع ده متشعب شوية

بس أهم حاجة فيه درجة الزيت نفسه

ودي ليها كود ورقم بيتعرف منه نوع الزيت (دي كمان؟؟؟)

بس المرة دي بكذا طريقة... بس أشهر كود مكتوب على علب الزيوت في مصر هو كود الـAPI
إيه الـAPI دي؟؟ دي معهد البترول الأمريكي American Petroleum Institute

وبيحدد حاجة إسمها رمز الخدمة (Service Symbol) اللي منها بيحدد عمر الخدمة بتاع الزيت ده حوالي كام كيلو

وبيعمل على كل زيت رمزين...(S) للمواتير البنزين.. و(C) للمواتير الديزل (السولار)

مثلا:

زيت مكتوب عليه API SJ/CF
يعني إيه الكلام ده؟؟؟
يعني الزيت ده مستواه (J) لمواتير البنزين... ومستواه (F) لمواتير الديزل

وده كويس ولا وحش؟؟؟؟

كل ما كان الحرف اللي مكتوب متأخر في الأبجدية الانجليزية.. كان الزيت ده أحسن
يعني (G) أحسن من (F)... و(M) أحسن من (L)

طبعا.. كل ما كان الرمز ده أعلى ... الزيت يبقى أغلى

أحسن زيت حاليا مستواه (N) لمواتير البنزين.. و(J) لمواتير الديزل
مفيش حاليا أقل من SF لمواتير البنزين... وCD لمواتير الديزل


طيب... ليه بيبقى الزيت مكتوب عليه يقعد 10000 كيلو واحنا نغيره على 5000 بس؟؟؟

راجع أي كتالوج عربية وحتلاقيه بيقوللك.. إن لو العربية بتشتغل في ظروف الخدمة الشاقة.. يبقى لازم تغيره أسرع

وظروف الخدمة الشاقة هي:

1- القيادة في الزحام
2- مشاوير قصيرة (أقل من 15 كيلو)
3- تدوير متكرر للسيارة على البارد خلال اليوم (تدويرها بعدما تبرد تماما)
4- القيادة في جو بارد جدا أو في جو حار جدا
5- القيادة في جو مغبر
6- القيادة في الرمل أو الطين
7- ترك السيارة على السلانسيه لمدد طويلة
8- أحمال عالية أو قطر سيارات أخرى
9- تدوير المحرك على دوران عالي لمدد طويلة


عموما... أقل زيت حاليا (SF) مناسب للعربيات اللي اتعملت قبل سنة 1985، وكل ما كانت العربية جديدة لازم يتحط فيها زيت أعلى
أمال يعني إيه زيوت تخليقية؟؟؟؟



بالنسبة لأنواع الزيوت... ففيه نوعين من الزيوت بشكل أساسي

زيت معدني... وزيت تخليقي

الزيت المعدني Mineral Oil
هو زيت مصدره البترول المستخرج من باطن الأرض (وده سبب تسميته "معدني" لإنه بييجي عن طريق التعدين)
وبيتم تكريره وتنقيته وممكن بيتحط عليه إضافات تحسن من خواصه


الزيت التخليقي Synthetic Oil
هو زيت... تكوينه الكيماوي معدل في المعمل من زيوت لها خواص مختلفة عن الزيت الناتج.. (زي فكرة السمن النباتي.. هو زيت نباتي بس مهدرج وتحول إلى سمن)

مش بالضرورة يكون مصدره الزيت المعدني.. فيه منه نوعين

1- نوع تخليقي 100% من زيوت غير معدنية.. ودي في منها كذا نوع.. بس مش عايز أصعّب الموضوع أكتر من كده
2- نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%

مميزات الزيوت التخليقية:

1- سرعة تدفق أعلى من الزيت العادي، فيقدر يزيت الموتور أحسن
2- أداء أحسن في درجات الحرارة العالية قوي والمنخفضة قوي
3- ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
4- معدل بخر أقل
5- مضاد للتأكسد والتحلل الحراري وتكون الرواسب، لإنه خالي من الشوائب والمواد الضارة
6- مش محتاج يتغير بسرعة، وده حيوفر في الفلوس ويحافظ على البيئة
7- موفر في الوقود لإنه بيساعد الموتور يتحرك بسهولة أكبر
8- بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
9- عمر أطول للموتور

في اختبارات زيت موبيل 1 على سبيل المثال.. العربية اللي كانوا بيختبروه فيها مشيت حوالي 200 ألف كيلومتر من غير ما الزيت يحصله حاجة

عيوب الزيوت التخليقية

1- لازم يشتغل على مواتير بتستخدم بنزين خالي من الرصاص (كل البنزين 90، 92، 95 في مصر خالي من الرصاص)
2- غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)
3- لو العربية اللي حتستخدمه شغالة طول اليوم (زي التاكسيات والميكروباصات)، مش حيبقى فيه فرق محسوس بينه وبين الزيت العادي، لإن ميزة الزيت التخليقي الأساسية هي لما بتيجي تدور الموتور.




من وجهة نظري.. الزيت التخليقي أحسن بكتير.. وممكن تغير الزيت مع الفلتر مرة واحد في السنة.. مهما كانت عدد الكيلومترات اللي بتمشيها في السنة..

مع إنه أغلى بكتير (يمكن ضعف الزيت العادي) بس كده فعلا يبقى موفر، وبيحافظ على العربية

بس لو عربيتك بتاكل زيت.. انسى الموضوع ده تماما.. لإنك حترمي فلوسك على الأرض


الموضوع هو تجميعة جزء منه منقول من اكثر من مقال و اكثر من موقع و جزء اخر شاركت انا فى كتابته و رفع صوره للافادة

و اترككم الان لان دماغى وجعتنى من كثرة التفاصيل و اعدكم بانى حكمل كتابة فى هذا الموضوع للوصول لافضل الزيوت اللى ممكن نستخدمها فى مصر بعد تطبيق كل المعايير دى على الانواع الموجودة فى السوق المصرى

الله ينور ياكبير موضوع 100000000000 الميه