يا جماعة قرار الشراء عايز تأييد من اللي مجرب و قالك أسأل مجرب يا ريت حد مجرب الشيفورلية لانوس و يقول بأمانة مستريح و لا أتمنى يشتري حاجة تانية بعد ما ركبها - أرجو الإفادة و المساعدة.:11:
عرض للطباعة
يا جماعة قرار الشراء عايز تأييد من اللي مجرب و قالك أسأل مجرب يا ريت حد مجرب الشيفورلية لانوس و يقول بأمانة مستريح و لا أتمنى يشتري حاجة تانية بعد ما ركبها - أرجو الإفادة و المساعدة.:11:
نصيحتى ليك
بلاش لانوس زيرو
قدامك اختيارات تانيه احسن فى نفس الرينح او اكتر شويه
لوجان
او حتى byd
او لو تزود شويه وتجيب صنى مانيوال ولو كانت حتى كسر زيرو
لو إنت فيه فدماغك حاجة تانية اولها يمكن نعرف نساعدك
بس كلام عم مفيش سبب مايخليكش تشتري ال عربية
ملكش غير اللانوس في هذه الفئة السعرية
لو هاتيجبها كاش هات حاجو اعلى كسر زيرو
ولو قسط فهى شغالة واختيار كويس فى الفئة دى
بص يا باشا للأمانه انا اشتريت لانوس زيرو سيفورليه 2010 و بعتها بعد سنه و نصف ة جبت لوجان 2012
اللوجان بالنسبالى كانت أفضل بكتير بل بمراحل عن الشيفورليه لانوس
انا شايف ان اللانوس افضل من اللوجان
كل االلى معاة لوجان تحس بعد فترة مش بتستحمل وشكلها بيتغير
ولو فى حاجة اكسرت فانوس مثلا بيسبوة كدة
لان قطع غيرها قليلة وغالية
اجزاء كتير اللى هى الطلمبة و البوبينة... دول يخللوك تستبدلها بعربية كلها صينى؟؟؟
MMamdouh
الأختيار بقى صعب و مش عارف أجيب أفضل سعر من أنهي معرض
وجة نظر تحترم
بس من وجه نظرى قطع غيارها مش غاليه و لا حاجه يعنى خد عندك مثلا انا اتخبطت العربيه من ورا و اتكسر العاكس و بيتباع ب 25 جنيه اصلى بره التوكيل و فى التوكيل ب 65 جنيه الفانوس الاصلى الخلفى فى التوكيل ب 200 جنيه و بره التوكيل التركى ب 130 جنيه
و بعدين اللوجان حماله قسيه أكتر من اللانوس و بالذات العفشه و كفايه علوها
حضرتك متنساش انى اللانوس كانت معايا سنه و نص و حفظتها عن ظهر قلب و الحمد لله
انا جبت لانوس 2012 .........بس بجد وحشة اوى و كلها مشاكككل
كلها مشاكل كلها مشاكل زي أيه دي عربية زيرو لحقت تظهر ليها مشاكل معاك طمني الله يخليك أحسن أنا على وشك الدخول في مغامرة الانوس
لأ متخافس مابزعلش
وبلنسبة للكلام لأ مش واضح إنت مقلتش أي حاجة مفيدة للراجل ولا حتى مقارنة ولا إيه العيوب في اللانوس ولا حتى مميزات اللوجان
يبقى فين الرد
إيه الفايدة اللي عادت على المجتمع من الرد ده. مفهمناش إنت جبت وبعت ليه ؟! عشان عيوب عربية ولا عشان مزاجك كده
مش ناقصاك هي كمان
اشرب جردل بريل كده وتعالالي بعضويتك الأصلية
ياعم إنت هاتصدق واحد جاي باول مشاركة ليه يرازينا بيها, وبعدين متقلقش فيه ناس جبانات كتير بيخافوا يتكلموا بالعضويات بتاعتهم
فيه هنا ناس كتير معانا جايبة 2011 و 2010 ومشتكوش منها
وجاري جايب 2012 واللي جالي البيت شافها واقفة تحت
صلي استخارة الاول وربنا يكرمك بيها أو بغيرها بس متسلمش دماغك لحد اللي إنت عايزها هاتها عشان ماتندمش فالاخر وعشان تبقى إنت متحمل مسئولية قرارك.
[QUOTE=mailo;3874456540]لأ متخافس مابزعلش
وبلنسبة للكلام لأ مش واضح إنت مقلتش أي حاجة مفيدة للراجل ولا حتى مقارنة ولا إيه العيوب في اللانوس ولا حتى مميزات اللوجان
يبقى فين الرد
إيه الفايدة اللي عادت على المجتمع من الرد ده. مفهمناش إنت جبت وبعت ليه ؟! عشان عيوب عربية ولا عشان مزاجك كده
هو انا مش خايف و لا حاجه و أدام مابتزعلش يبقى برجاء قراءة التالى
من الواضح من كلامى ان فى فايده عادت على الراجل مش المجتمع و كلامى موحه لشخص بيسأل عن النصيحه فديته رأى و المفروض هو اللى يستفيد مش المجتمع و بعدين حضرتك اللى سألت أعتقد لأ يبقى متقيمش رأيى و تقول مافيهوش فايده و لا لأ لأن ممكن يكون صاحب السؤال فهم أو لأ
و مش معنى انى بعت لانوس و جبت لوجان يبقى اللانوس وحشه لكن يعنى ان اللوجان أفضل بمراحل كتيييييير
و ده من وجهة نظرى
و مش عاوززين نخرج من الموضوع و متنصبش نفسك قاضى و تحكم على أراء الناس
و كل سنه و انتا طيب
يا جماعة الفيصل فى شراء اى عربية هو طليات المستخدم نفسه يعنى اللى ينفع معايا مش شرط انه يكون مناسب لغيرى
ولولا اختلاف الاذواق لبارت السلع
وكل سنه وانتم طيبون
ارجع لردك الأول أو حتى التاني وحاول كده تطلع منه نصيحة أو فايدة واحدةاقتباس:
من الواضح من كلامى ان فى فايده عادت على الراجل مش المجتمع و كلامى موحه لشخص بيسأل عن النصيحه فديته رأى و المفروض هو اللى يستفيد مش المجتمع و بعدين حضرتك اللى سألت أعتقد لأ يبقى متقيمش رأيى و تقول مافيهوش فايده و لا لأ لأن ممكن يكون صاحب السؤال فهم أو لأ
إنت بتقول جبت العربية زيرو وبعتها و مقلتش على سبب واحد بس حد يقدر يستفيد منه
الكلام اللي بيتكتب هنا بيبقى عام وموجة لكل الناس اللي بتشوفه سواء كانوا من المنتدى أو من بره
لو عايز تنصح حد بحاجة شخصية ابعتهاله pm
كده بقى إنت ابتديت تتكلماقتباس:
و مش معنى انى بعت لانوس و جبت لوجان يبقى اللانوس وحشه لكن يعنى ان اللوجان أفضل بمراحل كتيييييير
و ده من وجهة نظرى
مع إن فيه كلام أنا مش مقتنع بيه بس كده ممكن يكون بداية نقاش أو افاده
لحد دلوقتي مخرجناش بره الالموضوع قاضي مش قاضي بقى أنا ماحكمتش على ارائكاقتباس:
و مش عاوززين نخرج من الموضوع و متنصبش نفسك قاضى و تحكم على أراء الناس
يافندم إنت مقلتش رأي أصلا عشان أحكم عليه
وأنت طيباقتباس:
و كل سنه و انتا طيب
لو علي الاختصار كان الراجل جاب اللي في دماغه من غير مايسأل أصلا ولا إيهاقتباس:
لأ انا ممكن أقولك على اسباب كتيره جدا جدا بس انا حبيت ابدى رأى بإختصار
الراجل عايز يعرف من الناس كل ل معلومات اللي يقدر يجمعها عشان تفيده
إنت اللي خدت الكلام على جوه مش أنااقتباس:
فعلا الكلام موجه لكل الناس بس لما تسأل عن تفاصيل فى كلامى يكون بأسلوب غير ده
إنت كده مفهمتش الجملة اللي أنا كتبتها قصدي بيها إيهاقتباس:
يا باشا عدم اقتناعك بكلامى مش هدف و انتا حر تقتنع أو ماتقتنعش انا مش هجبرك عليه
مش معنى كده بقى إني اتخانق معاك
اقتباس:
عاوز تعرف الإختلافات دور كده فى قسم المقارنات مش فى موضوع عادى زى ده
مش أنا اللي عايز ادور
صاحب الموضوع هو اللي عايز يعرف
ولو كان يعرف المقارنات كان راحوا
ويمكن راحوا واستقر على لانوس وجاي هنا يكتب آخر كلمتين قبل مايشتري
و برضه ماتحولش تكون قاضى و حاور الناس باسلوب النقاش و ليس الحكم
و دى نصيحه ليك و انتا حر تاخد بيها او ماتخدش بيها
أنا سألتك أول مرة "فين الرد "
ده دعوة للنقاش مش حكم
سيادتك بقى جيت من عالشمال ورميت كلمتين وخلاص
و كل عام و انتم بخير جميعا
نصيحة لوجه الله
لو عايز حاجة شبيهه بالعربيات واعطالها الضخمه تقريبا غير موجوده وصيانتها بقرشين صاغ يبقى هات اللانوس
عايز موتور قوى يعيش معاك فوق ال 100.000 كيلو - عايز ثبات عالى -عايز جنوط 14 أو 15 اللى اصبحت استاندرد من وجهة نظرى- عايز ارتفاع من على الارض - عايز رفاهيه اثناء القيادة - عايز صوت ناعم اثناء القيادة - عايز شكل جديد - عايز صاج قوى- عايز يعدى عليك شهر كامل من غير ما تسمع صوت زنه جديد فى العربية أو نقره أو ونه أو نحرة.............. عايز اى حاجة من اللى فات يبقى أكيد انت مش هاتجيب لانوس
وبرضو يا ريت تفكر فى كسر الزيرو
اعتقد لو اى عربية لسه معملتش 30.000 كيلو فابريكه بره وجوه اكيد هاتبقى حالتها احسن بمراااااحل من الرائعة اللذيذة الكتكوتة الامورة المنيله بستين نيلة - اللانوس
اشتريت يا وحوش أشتريت أنا بشجع صناعة بلدي و أشتريت لانوس 2013 ب 69500 بعد فصال السنين و الحمد لله العربية كويسة بشكل مبدئي و لسه لم تخضع للأختبار لأني لسه هرخصها و بعد أستعملها بقى و التجربة هي اللي هتقول كلمتها
شاكر لكل اللي أفادوني بس أنا حسيت من كلامكوا أني هاجيب 128 العصر الحديث و أنا مقتنع بأن ال 128 من العربيات الناجحة في مرحلة من مراحل السيارات بمصر
طبعاً محدش يتحفز لموضوع نجاح ال 128 هي بداية أي سواق فمصر هههه
سوف أوافيكم بس فموضوع جديد عن ركوب لانوس من الزيرو و دا هيبقى فموضوع تجارب الملاك
ده سؤال العضو المحترم
يا جماعة قرار الشراء عايز تأييد من اللي مجرب و قالك أسأل مجرب يا ريت حد مجرب الشيفورلية لانوس و يقول بأمانة مستريح و لا أتمنى يشتري حاجة تانية بعد ما ركبها - أرجو الإفادة و المساعدة
و ده ردى على العضو المحترم
بص يا باشا للأمانه انا اشتريت لانوس زيرو سيفورليه 2010 و بعتها بعد سنه و نصف ة جبت لوجان 2012
اللوجان بالنسبالى كانت أفضل بكتير بل بمراحل عن الشيفورليه لانوس
يبقى لو عاوز تتناقش يكون سؤالك طبيعى على سبيل المثال
ممكن نعرف أفضل إزاى ؟ ممكن نعرف بعتها ليه ؟
لكن سؤالك (فين الرد) مش دعوه للنقاش خالص ده نوع الاستهتار
و مع ذلك وضحت ردى انتا بقى نأيت الرد بتاعى و علقت عليه زى ما يكون جه على الجرح
و كان عندك رد زميل أخر
نصيحتى ليك
بلاش لانوس زيرو
قدامك اختيارات تانيه احسن فى نفس الرينح او اكتر شويه
لوجان
او حتى byd
او لو تزود شويه وتجيب صنى مانيوال ولو كانت حتى كسر زيرو
متكلمتش ليه
على العموم انا هقفل باب النقاش فى الموضوع ده و حتى لو رديت بأى حاجه مش هعتبر انى شوفته اصلا
1000 مبروك يا باشا ربنا يديك خيرها ويكفيك شرها
مبرووووووووووك ياباشا اللهم يعطيك خيرها ويكفيك شرها ..... قول اميييييييييييين
يا باشا احنا مش بنشتكى من اللانوس لكن الشيفورليه هيا اللى بنتكلم عليها بسبب ان منصور بدأ يسترخص بعض المكونات ده انا مكنتش مقتنع بيه لحد ما بدأت تحصل معايا مشاكل فى العربيه زى تغيير بكرة و شداد التكييف اكتر من مرتيين و كذلك سير الدينامو و غيير سرة عجله شمال و كل شويه ترصيص و عفشه خفت من 25000 كم ده غير كاوتش باب خلفى يمين و سماعات الابواب اللى كل صيانه اروح اعير واحده مع الصيانه لكن الدايو لانوس فعلا برقبتها
و مع كل المشاكل دى انا كنت حابيبها لحد ما ركبت اللوجان بعت العربيه فى ساعة زمن و خدت فلوسها و فى نفس اللحظه دفعتها فى لوجان 2012 من عند سمير ريان لكن مش معنى كده انها عربيه وحشه او فيه مشاكل تخلينى مشترهاش
هوا انا بتكلم عن مسالة ضمير لدى التوكيل لا أكثر
العربية تقدر تاخدها بالسعر ده من أي معرض للعلم بس فاصل معاهم و قولهم إنك وصلت للسعر ده مع معارض غيرهم بره و شوف أخرهم أيه و عموما السعر ده هتلاقيه فالأبيض اللي على أول فيصل و معرض الروضة فأحمد عرابي و الغلبان على الكورنيش فأغاخان
تقيمي المبدئي للعربية سحبها قالولي بعد ما تمشي شوية هيتظبط و المكنة صوتها عالي قوليلي هتهدى و الصيانة الأول بعد 5000 أو ثلاث شهور و بعد كده كل 5000 أو 6 شهور صيانة و ربنا يستر أحسن باين عليهم حراقيين فالتوكيل و كمان لو عديت الفترة تخرج برة الضمان يا ريت حد ينصحني أكمل معاهم و أكع و لا أشوفلي مركز صيانة ثقة و أبعد عن النصب
السحب وصوت الموتور هيظبط كتير بعد صيانة ال 5000 اللى هى بصراحة الصيانة الوحيدة اللى الواحد حس بفرق فى الاداء بعدها
تصحيحا لمعلوماتك الصيانة كل 5000 كم او اربعة شهور ايهم اقرب بس ممكن تزود شوية فى المدة
انا شخصيا باروح كل 5 شهور
موضوع انك تكمل معاهم او تسيبهم نصيحتى ليك خلي القرار فيه بعد ماتوصل لل 10000 كم عشان لو لاقدر الله فيه عيب فى العربية يكون بان ومتكنش خرجت من الضمان
وانصحك تعمل الصيانة فى فرع منصور اللى فى التجمع الخامس -شارع ال 90 داخل بنزينة شل امام مستشفى القوات الجوية
منصور عموما طالما مفيش مشاكل هتلاقى احلى معاملة وخلى بالك ان اول صيانة مجانية بس فى مراكز خدمة منصور
اشترى افيو
حبيبي اتوكل علي الله واشتري اللانوس زيرو وريح دماغك بس أرفعها من الخلف لانها واطية مع التحميل في المطبات وكفاية ان قطع غيارها موجودة واي ميكانيكي بيشتغل فيها لان انتشارها كبير وخصوصا في التكسيات بي ياريت تجبها كاملة احسن وانا محرب الشيفورليه لانس 2009 والحمد لله ماشي حالها وربنا يعطيك خرها ويكفيك شرها