الموضوع: محتاج حميير ضرورى

المشاركة الأصلية كتبت بواسطة dr_mohamed16

الف الف شكر على النصائح الغالية ديه
انا فعلا موضوع انى اسيب العربية سنه ده عاملى هسهس فى دماغى و مخوفنى
و انا فعلا ناوى اعملهم خشب اعتقد افضل
بس اسمحولى اطمع فى شوية اسأله كمان
بالنسبة لماء الريداتير ده يتفضى ازاى ؟؟؟
البطاريه جافة : هل لما اشيلها بيبقى ليها طريقة تخزين او شحن ؟؟ و لا اشيلها و اسيبها فى البيت و خلاص ؟
بالنسبه لزيت الموتور انا لسه مغيره فى صيتانة ال 10000 و انا دلوقتى عامل 11000 .. فا اعتقد ممكن اسيبه ؟

انا قصدى بـ "تغير زيت وبوجيهات حتى لو كانوا جداد قبل الرفع"

الكلام ده بعد ما تنزل العربية وتدورها تانى ، تغير الزيت والبوجيهات اي كان كنت ماشى عليه كام كيلو لان هيكون عدى مدة كبيرة وحصل تغيير في خواص الزيت ، وبالنسبة للبوجيهات هتلاقيها برضه رطبت ومش نافعة ..

انما وانت بترفع العربية هتسيب الزيت اللى فيها زي ماهو عادى جدا
وموضوع مية الردياتير اعتقد بيبقى فيه طبة او حنفية من تحت الردياتير بتفتحها وتحط جردل تحت العربية تنزل المية اللى فيها ، ومش مهم اوى موضوع المية ده ، لو انت ضامن المية اللى في العربية انها ما فيهاش املاح او مش هتعمل صدأ

بالنسبة للبطارية الجافة مش عارف ظروفها ايه ، بس انت افصلها وسيبها بقى بظروفها لما ترجع ، يا تشتغل وتقبل شحن يا ما تشتغلش