واحد صاحبي قال لي لو شغلت التكييف و انت ماشي و خصوصاً على سرعة عالية ...ده هيبوظ التكييف
لازم أبقى واقف عشان أشغله و بعدين أمشي بالعربية
هل صحيح الكلام ده؟؟؟
عرض للطباعة
واحد صاحبي قال لي لو شغلت التكييف و انت ماشي و خصوصاً على سرعة عالية ...ده هيبوظ التكييف
لازم أبقى واقف عشان أشغله و بعدين أمشي بالعربية
هل صحيح الكلام ده؟؟؟
متابع بس معتقدش إنه صحيح
مش فاكر قريت فين إن لازم علشان تشغل التكييف يكون الموتور وصل لدرجة حرارته الطبيعية وتكون سرعة العربية أقل من 40 كم بعد كدة عادي يعني ما تبقاش ماشي 80-100 كم مثلا وبعدين تشغل التكييف تهدي سرعتك لأقل من 40 كم وبعدين تشغله ودوس بعد كدة ... والله أعلم
متابع
الكلام ده صح طبعا بس انت لو ماشي على 80 مثلا مش لازم تهدي سرعتك خالص عشان تشغل التكييف لكن ممكن تشيل رجلك من عالبنزين بس بحيث تكون لفات الماتور قليله عشان ماتفاجئش الكباس بسرعة دوران عالية تقوم تبوظ البلي
في حاجة مهمة لازم تعرفها اولا غلط جدا تشغيل التكييف و انتا ماشى و سايق و واخد غيار و دايس بنزين .. الكلام ده غلط جدا
لما تيجى تشغل التكييف وانتا واقف بالعربية لسه متحركتش تشغل عادى جدا و تدى الاول و تتحرك بالسياره ده تمام و هتسمع صوت التكه بتاعت الكلاتش بتاع الكومبروسور و هتلائى صوت العربية عالى سنة يعني RPM زاد شويه..
نيجى و انتا ماشى على الطريق و واخد غيار و قارص فى العربية (عشان الكلام ده مهم)
لازمممممممممم تمور العربيه الاول و لحد ما rpm ينزل للعادى بتاعه بتاع التمويير (يعني فوق الواحد بشويه)
و بعدين تشغل التكييف و يفضل بالتدريج من 1 ولو حبيت تزود عادي مش لازم تمور تاني..و بعدين تاخد غيارك تانى اللى انتا كنت واخده بعد كده و تدوس بنزين . لانك و انتا ماشى على السرعات العاليه سرعه دوران الموتور اعلى بكتيير من و هيا مموره و بتالى لما تشغل التكييف الكمبروسور هأخد سرعة الموتور مره واحد و الكلاتش بتاعه مع الخطفة السريعة دى ممكن يبوز او يتصلب ( كأنك بتخطف الكباس للتشغيل بسرعه عاليه جدا مرة واحده) و ده خطر جدا..
منقول بتصرف
الف شكر
الكباس بيدور بالسير بتاعة مع دوران الموتور .
انا مبشغلش التكيف غير وانا ماشي .
دة صح ولا غلط لا اعلم . بس من الواضح بالنسبالي انة عادي
الكلام مقنع
بس اعتقد انه غلط
لان التكييف مثلا لما بيشتغل وبعد ما توصل درجه التبريد للدرجة المطلوبه
الكباس بيفصل اوتوماتيك
وبيرجع يشتغل تانى بعد فتره اوتو برده
وقتها هيحصل نفس القصه لانك اكيد هتكون ماشى بسرعتك
الكلام ده لو صح لازم يكون تنبيه في كتالوج العربية و أنا عمري ما شفته في كتالوج أي عربية.
و كلام الأخ Blazer مقنع تماماً لإن التكييف ممكن يفصل و يشتغل كذا مرة و إحنا ماشيين على طريق سفر بسرعة عالية و كدا محدش هيقدر يحكمها..
و بالتالي في رأيي الشخصي الكلام ده مش مظبوط.
الكلام ده إنت قريته هنا فيه واحد كان عمل موضوع عن الكلام ده قبل كده
لما تشيل رجلك من على البنزين ال rpm مش هينزل يبقى إنت كده معملتش حاجة
هو موضوع الخطفة وال كلام ده ممكن يكون كلام سليم بس اللي مش مخليني مقتنع بيه إن معنى الكلام ده إن الكباس بيتأثر بسرعة الموتور يعني لو أنا بجري بالعربية التبريد هيكون أحسن أو بمعنى ادق لو شغلت التكيف والعربية واقفة مثلا ودوستين بنزين لحد rpm 6 مثلا ثواني ولعربية هتبـقي فريزر عشان الكباس شغال بسرعة
هتفرق في إيه
لا ضرر من تشغيل التكيف في اي وضع والا الي صنع العربية كان حيحط تحزير علي مفتاح التشغيل
ثانياً في سيارات كثيرة غير اللانوس كباسها بيفصل ثرموستات ويرجع يشتغل ثرموستات لما بيشتغل بيوطيله ال rpm طبعاً لاء يعني طبيعي انك تشغل التكيف والار بي ام عالي
لازم لما تشغل التكييف تبقى لفات الموتور قليلة عشان ضغط الفريون ميرتفعش بشكل فجائى داخل دورة التبريد و خرطوم يضرب
MMamdouh
خرطوم هو مش كله مواسير حديد ؟اقتباس:
لازم لما تشغل التكييف تبقى لفات الموتور قليلة عشان ضغط الفريون ميرتفعش بشكل فجائى داخل دورة التبريد و خرطوم يضرب
وبعدين لفات قليلة دي يعني كام 4000 مثلا ولا قليلة بالنسبه لنا احنا
يا باش مهندس / ممدوح نسيت بلف معادلة الضغط الموجود في الكباس ولا ايه ههههههههههه
والخرطوم مصمم ل 350 psi طبعاً وهوا جديد لما بيقدم بيقل عن كدا
والخرطوم الوحيد الي ممكن يتاثر هوا الوصلة بين الكباس والمكثف ودا بيبقي قصير ومكبوس بدقة ويتحمل ضغوط عالية بجانب ان الكباس مش هيطلع الضغط مرة واحدة علشان الكلاتش هيفوت شوية صغيرة الاول وفي حدود الطبيعي والمسموح
خلاص المقابلة الجاية نجرب فى عربيتك نشغل التكييف على 6500 و نشوف هيحصل ايه :36_6_3[1]:
MMamdouh
طيب بالمناسبة يا شباب ايه اللى بيخلى الكباس يفصل اما اغير السرعات بتاعة المروحة ياعنى من الأول للتانى يفصل ويشتغل من التانى للتالت يفصل ويشتغل وهكذا؟؟؟
اللي أعرفه إنه مبيعملش كده
مش عارف ! بقالى سنة على الحال دا التكيف كويس جدا بس هى المشكلة دى اللى عملالى تربنة عشان ازود سرعة المروحة يقوم الكباس فاصل ويشتغل تانى على طول..
ازاى التكييف فى اللانوس مش بيفصل؟
الكلام ده صحيح فعلا مينفعش تشغل التكيف وانت على سرعة عالية كدا التكيف ممكن يبوظ..
المفروض تشغله وهي واقفة أو ممكن وانت على سرعة عالية تمور وتشيل رجلك من على البنزين وتشغله..ويستحسن لو
تهدي السرعة وتركن على جمب مش هتخسر حاجة..
وعلى فكرة حصلت معايا زمان كان معايا عربية كابس وكنت ماشي على 140 وشغلته مرة واحدة راح الكومبيريسور طار :blabla:
يعني الكلام مظبوط
متابع
اظن الموضوع ده اتناقش قبل كده ومفيش حد قدر يوصل لحل سليم
خد اللينك ده ونزل الفيديو وانتا هتعمله بنفسك
http://img814.imageshack.us/img814/1662/7g4.mp4
دا الموضوع كبير بقي يا رجالة
up...........