كيا ريو 2012 حادثة

**Noda123** · 26-07-2012 06:01 AM

المشاركة الأصلية كتبت بواسطة manola

المشكلة أن عربيات الحوادث دى أسعارها بتبقى واقعة أوى و دا نظرا لمصاريف التصليح
و زى ماشوفت الغزالى بيقولك مش هتساوى أكتر من 20 ألف
و طبعا لو تاجر هيقولك رقم ممكن يصدمك و يخليك تتعقد فى حياتك

بص الأفضل بما أن قطع غيارها فى التوكيل بس و ممكن تبقى غاليه جدا
أنت حلك الوحيد أنك تجيب نصف أستيراد سواء كانت الحادثة أدام أو ورا حسب الأحتياجات يعنى
و تركب الحاجات إلى أنت عايزها و تخلى الباقى عندك

نص ورانى للعربيه دى يكلف كاام وهل هترجع زى الاول واله لا وكمان عايزه سقف والشغل ده ممكن يكلف كاام

**MaNoLa** · 26-07-2012 06:21 AM

المشاركة الأصلية كتبت بواسطة noda123

نص ورانى للعربيه دى يكلف كاام وهل هترجع زى الاول واله لا وكمان عايزه سقف والشغل ده ممكن يكلف كاام

والله ماعارفة بس عمتا عايزة أقولك أن أسعار الأنصاص دة بيبقى رخيص جدا
يعنى الجيب شيروكى 1993 النصفين كاملين أخر سعر شوفتة قبل كدة كان 12 ألف جنيه يتهئ لى
بس ركـــــــز أوى فى النقطة دى
العربيه لازم يكون الشاسية بتاعها مظبوط جدا عشان أنت مش هتقطعها و تلحم النص كلة
أنت يا دوب هتشيل البايظ و تركب السليم
لأنك لو قطعت العربيه و لحمت النص إلى ناوى تشتريه أولا هتبقى جودة العربيه مش كويسة
ثانيا لو فكرت تبيع هتخسر أوى أوى أوى

المشاركة الأصلية كتبت بواسطة noda123

خلى بالكم العربيه دى مش بتاعتى دى معروضه للبيع وانا بفكر اخدها

طلاما ناوى تاخدها يبقى على حسب تسعير الغزالى تتكلم فى حدود 16 عشان فى الفصال توصل لحد 18 أو 19 أو 20 كمان والله أعلم
و على فكرة متستغربش أن تلاقى واحد أشتراها بمبلغ أكبر لأن سيارات الحوادث تقديرها من غير كشف عن الخساير دة يعتبر شئ وهمى و بما أن الكشف أهم حاجة يبقى لازم يكون معاك سمكرى محترف جدا جدا جدا فى الكيا و يكون شغال فى قطع غيارهم النصفين المستوردين و يفضل أن يكون الراجل دة نفس الشخص إلى ناوى تجيب من عنده النص الخلفى بس طبعا لازم تصحصح معاة عشان التكلفة و تسئل برة على الأسعار من وراة لأنه ممكن يكون بيسمسر عليك

و ياما عربيات شكلها متدمر و بتتباع بأسعار عاليه لأنها فى الأخر هتتصلح بتمن بسيط
و ياما عربيات شكلها سليم شوية و بتتباع بأسعار واقعة عشان كل حاجة فيها متدمرة