اقتباس المشاركة الأصلية كتبت بواسطة amrelsaqqa مشاهدة المشاركة
كلام سواقين التاكسى ودول اكتر ناس هيقيموا العفشة ، ان الفيرنا بتستحمل اكتر واللانوس بتفك بسرعة ، وسألت اكتر من واحد ومن ملاك العربيتين .. بس بعض سواقين اللانوس برضه بينحازوا للانوس ، وده شيء طبيعى بس الاغلب قال ان الفيرنا احسن ..



طبعا الفيرنا ، وتقدر تبص في الشارع وشوف التاكسى اللانوس والتاكسى الفيرنا ( عشان دول اعمارهم متقاربة ، كلهم بعد 2009 ) وشوف برضه الملاكى ، بس الملاكى هتلاقى لانوس 2000 و 99 بعكس الفيرنا اللى اغلبها فوق ال2007 فمش هتعرف تحكم، بس زي ما قلت بص على التاكسى وشوف مين بتستحمل اكتر وبتحافظ على شكلها ، وبعدين اللانوس اخف في الوزن من الفيرنا وده مؤشر ان الفيرنا صاجها ممكن يكون اتقل ،و الخطوط الحادة بتاعت الفيرنا بتزود الانطباع عن قوة الصاج



فتيس الفيرنا ناعم جدا جدا ، واللانوس رخم جدا جدا





معرفش بالظبط بس موتور الفيرنا سعته اكبر ولو حاجة بسيطة وجبار بيجر الالنترا والماتريكس ، فنظريا هيكون مرتاح جدا مع الفيرنا وعمره طويل ، موتور اللانوس جيد ايضا ومقدرش ادي حكم قاطع في المسألة دى بس برضه برجح الفيرنا ولو نظريا
معاك يا باشا فى فتيس الفيرنا انعم كتير و احلى من اللانوس ,, و عفشة الفيرنا نسبيا انعم من اللانوس , بس الفيرنا اوطى من اللانوس فى التحميل و دا بيبقى ملحوظ جدا ,, الفيرنا اتقل من اللانوس بس اللانوس اثبت من الفيرنا بكتير , بالنسبة لعمر الموتور ف الانوس افضل بمراحل و دا لو حبينا نعمل مقارنة و نشوف فى كام هيونداى اكسل و اكسنت مواتيرها موفوتة مقابل اللانوس 1 , موتور الفيرنا جبار و قوى جدا بس دا عيب مش ميزة لانه عفى اوى على العربية , موتور اللانوس نفسه طويل اوى على الطوالى ممتاز جدا
مع انى افضل اللوجان عن الاتين دول جدا