الموضوع: اليكــــم اختبار تصادم لنيسان صنى الجديده على سرعة 15 كيلو متر وانظر ماذا حدث

المشاركة الأصلية كتبت بواسطة DarkMagician

قبل ما ابدا ردي انا اكدت قبل انا مش بحب الصني الجديدة
عشان محدش يتخيل ان بدافع وخلاص
لكن انا بحترم القيمة مقابل السعر فيها

خلينا نبدا بشوية صور كده ممكن الناس تفهم يعني ايه حماية المقصورة الداخلية


حد شاف اكصدام ؟

حد شاف شنطة؟
حد شاف كبوت ؟

ببساطة الاكصدام والكبوت لو اقوى زيادة عن اللزوم فهو ضررو اكبر من نفعو
حتقولي ازاي
حقولك في حاجة اسمها fail point
طبعا كلنا عارفين مبدا نيوتن
لكل فعل رد فعل يساويه في المقدار ويعاكسه في الاتجاه
الطاقة لا تفنى ولا تستحدث من العدم لكن تتحول من صورة لاخرى
المبدا التاني مش عاوز منو غير ان الطاقة لا تفنى
المبدا الاولاني لكل فعل رد فعل
ناخد مثال صغير
عربية واقفة في امان الله دخلت فيها عربية من قدام
حيحصل اي؟
طبعا العربية اللي واقفة حيحصل فيها انعواج في صاج الخ..

طب ليه حصل كده
حضرتك الصدمة دي تحولت كلها الى صورة انبعاجات في الكبوت

طب ما دي حاجة وحشة
طبعا حاجة وحشة في حالة العشوائية في توظيف الانبعاجات دي
وده كان بيحصل في العربيات القديمة
الناس كانت بتفرح لما تخبط على 40 وميحصلش حاجة في العربية

لكن لما الباشا يخبط في نص نقل يلاقي نفسو مات
ليه يا باشا لان اضعف نقطة في السيارات القديمة هي هيكل المقصورة وبالتالي الصدمة كلها بتتحول ان العربية تبقى علبة سردين على اللي جواها
حتقولي ماالجديد بيحصل فيه كده
حقولك مهو طبعا بعد قضاء ربنا وقدره وتسبيبه الاسباب
كم حادثة سيادتك شفتها وهم بيطلعو ناس من عربية جديدة مدعوكة ؟
يعني من الاخر هندسة هياكل السيارات تعتمد ان الهيكل ياخد الصدمة بقدر الامكان بعيد عن المقصورة
والانبعاجات دي ما هي الا تفتيت للصدمة او الخبطة

والموضوع ده مبيبقاش لا في كبوت ولا اكصدام فيبر اهبل يتقطع بسكينة
ولا في شنطة
الموضوع ده بيبقى في هيكل السيارة
يعني الكبوت والحاجات دي ما هي الا عوامل مساعدة في بعض الاحيان ولو خففت حدة الصدمة مش زي ما الناس متخيلة
ركز في الصور اللي حاطتها حتلاقي كل حتة في العربية ليها نوع معين من المعادن
والله مش ميكسها وعيش
دي بعد دراسة ازاي يخلي معدن يشيل الخبطة عن معدن تاني

من الاخر انا معرفش الصني دي ظروفها
بس انا اللي اعرفو ان الناس حكمت على اختبار هدفو حماية قائد السيارة
من عوجة كبوت او كسر اكصدام
كان اهم ما في العربية علبة مية المساحات
او مشتريات كارفور

كنت داخل أقول نفس الفكرة والكلام .. بس كان استحالة أني أوصل اللي عاوز أقوله بالشكل الجميل ده .. أحييك على الشرح المفيد والوافي المدعوم بالصور .

أحب أزود نقطة كمان للكلام اللي قولته وأنه بالإضافة لحماية ركاب المقصورة .. فصانع السيارات يهدف أيضاً إلى حماية المشاه في الشارع لو أصطدمت فيهم السيارة .. ولذا نجد أن معظم السيارات الحديثة ضعيفة في الكابوت والاكصدام .. وكذلك تصميم كبوت العربية مائل لأسفل .. بعكس السيارات القديمة (128 والسيات على سبيل المثال) بهدف أنه لو في حالة الارتطام بشخص فإنه يرتفع على كبوت السيارة وليس أسفلها (تحت السيارة) للحفاظ عليه من الدهس +الأيروديناميكية في تصميم السيارة وتقليل مقاومة الهواء لها .

المشاركة الأصلية كتبت بواسطة wassof

ياخرابي ده علي كده الصني دي ماتنفعش تيجي زياره لي امبابه او اي منطقه شعبيه العيال بتلعب كورة في الشارع وبتتقمص دور عبدالله السعيد وشغالين رزع مش شوط ممكن تنزل تحس ان العربيه قطر هرسها لو علي المنظر ده
وخاله بالكم التجارب دي علي العربيه الي متقفله في اليابان امال لو عملو ليه بقا تست علي العربيات النيسان الي متقفله هنا في مصر علي سرعه 5 هيحصل فيها كل ده
بجد غيرت رائي فيها
حلوه بتاعت المقصورة دي وعربيه قديمه تموت صحابها انا عملت حدثه بي عربيه بي ام موديل 82 والله كل الي شافها حلف انها لو جديده كانت العربيه اتقطعت نصين وكنتم زمنا بندعلكم
القديم قديم برضه الصاج دلوقتي مبقاش صاج بقا صفيح زي صفيح الكنز بتاعت البيبسي

يعني صناع العربيات حاليا بيضيعو في وقتهم ولازم يرجعو ورا 20 سنة عشان العربيات كانت اامن بالفعل

حضرتك اللي حصل معاك ده ستر من ربنا وده اهم حاجة سواء جديد او قديم

وايورو ان كاب دي بتضيع وقتها برضو

بالفعل العربيات حاليا كصاج بقت ورق

وبقى الصاج من خبطة متسيكل بيكرمش

لكن اان بتكلم على الهيكل نفسو بتاع العربية اللي هو اهم حاجة فيها

صدقني ده فكر غلط ولو حضرتك كنت فتحت ودورت شوية وقريت مكانش حيبقى ده ردك