الموضوع: افيدوني في شراء سيات ابيزا 2008 في أسرع وقت للأهمية

المشاركة الأصلية كتبت بواسطة MazdaFan

السلام عليكم :)

وعليكم السلام ورحمة الله وبركاته
مرحباً بيك في قسم سيات
وكل عام وانتم بخير

انا محتاج مساعدتكم جدا جدا جدا يا شباب سيات ، انا كان معايا مازدا 3 2011 هاي لاين و راحت مني في حادثة هلاك كلي ، الحمد لله و قدر الله و ماشاء فعل ، المهم انا ظروفي المادية دلوقتي ماتسمحليش بإني أشتري غير عربية في حدود 70 الف بالكتير وخصوصا اني مامعيش غيرهم و داخل على جواز و مصاريف ما يعلم بيها إلا ربنا :))

ربنا يعينك والف حمد لله علي سلامتك

انا كنت محتاج أعرف إجابات واضحة و دقيقة جدا من الناس اللي فاهمة وعارفة في العربية دي كويس اوي و ارجو مايكونش في حد بيفتي او بيتكلم عن سمع و قلة خبرة انا مش مستحمل بهدلة :)) ربنا مايوقعكم في شر الفتي و الفتاييييين :))

بصراحة انا هرد عليك في حدود معلوماتي
وهحط ليك كام لينك عن اراء اصحاب السيارة سيات ابيزا 2008

انا محتاج أعرف الآتي:

1- العربية دي تنصحوني بشرائها بالسعر ده ولا لأ ( ابيزا 2008 زينون عالي و واطي و بيقول حالتها جيدة، و هي العربية بتاعت ابنه وهو بيــبـــيــــعــهالو ، عارضها ب 70 الف و بيقول قابلة للتفاوض البسيط)

اولا: هديلك تعريف بسيط بالعربية السيات عموما سواء الأبيزا 2008 او الموديلات الأخري
والسيات عموماً
السيات ماركة اسبانية الأصل والتصاميم ، ألمانية التكنولوجيا والتطوير

- بتعتمد علي شاسيه وألات جر ومحرك وعفشة فولكس الألمانية والكثير من الأجزاء الألكترونية والكهربائية وبنفس المكونات والجودة الألمانية المعروفة لسيارات فولكس المختلفة

- السيات عموما والأبيزا خصوصاً عربيات شبابية تتمتع بروح رياضية التصميم عملية الأداء

- قطع غيار ألمانية معمرة وبأسعار منافسة جداً مقارناً بالسيارات في نفس الفئة علي أختلاف موديلاتها جميعاً

اما بالنسبة للسعر وهل مناسب ام لا فدة يحدده اولا حالة العربية ثانياً الكماليات والمظهر العام
سعر 70,000 قابل للتفاوض في ابيزا 2008 اوتوماتيك سعر مش وحش

2- هل العربية دي هاتنفع واحد داخل على جواز و تعيش معاه حوالي 4 سنين عبال مايقدر يفوق من مصاريف الجواز و يحوش تمن عربية تانية ؟ وهل سهلة في البيع ؟؟ ولا هاتفتح بقها بعد ال 100 الف كيلو و تبقى خردة و بلاعة فلوس ؟ العربية عاملة 77 الف كيلومتير أصلا !

الصراحة انا متزوج وعندي طفلة ومعايا السيارة ابيزا 99 جميع الكماليات مانيوال وشايفها مناسبة جداً لأسرة صغيرة
الأبيزا مطلوبة لو حالتها كويسة وسليمة
تفتح بقها بعد 100 الف ؟؟؟؟ بقول لحضرتك ألماني ومعايا من 99 والكثير هنا من الأعضاء تخطوا ال300 الف والعربية بحالتها بشرط الألتزام بمواعيد الصيانات وتركيب قطع غيار اصلية

3- العربية تستحمل حرق على الغيارات و شد و جري ولا لازم تتعامل بحنية وهداوة ؟؟ ( الفتيس اوتوماتيك ، و طريقي كله ميكروباصات و زحمة و دائري يعني غصب عني كتير بحتاج احرق و اشد عشان اطلع أو افلت من تصرفات الناس فهلوية الميكروباصات في الزحمة أو اللي فاكرين نفسهم داخلين فورميلا 1 على الدائري )

مش هضحك عليك
الفتيس الأوتوماتيك بتاعها DSG والفتيس دة مش متوافق نهائي مع مصر واسلوب القيادة بتاع الأشارات والزحمة واطلع واقف واطلع واقف والقيادة لمسافات صغيرة علي سرعات بطيئة.

لكن طريق وجري وتسارع فتيس ممتاز وبيهدي صوت الموتور وناعم في غياراته



4- توكيلها مين ؟ و فين مراكز الصيانة التابعة للتوكيل (المعلومة دي مهمة جدا وتفرق معايا في شرا العربية عشان ظروف شغلي و سكني) ؟ وهل في مراكز صيانة معتمدة من التوكيل تكون أرخص شوية ؟

توكيلها SMG صفوت موريس غطاس - الشركة الهندسية للسيارات
وموجود في اللينك دة http://www.nilemotors.net/Nile/14316...post3872573838


5- أسعار قطع غيار العربية (بالتقريب مش لازم بالظبط يعني لو فيه فرق يبقى فوق أو تحت 10%) :

قطع غيار خاصة بالصيانات الدورية:
فلتر زيت :
فلتر هوا :
فلتر بنزين :
فلتر تكييف :
تيل فرامل الأمامي و الخلفي :
طنابير :

قطع غيار خاصة بالعفشة مع الشوارع الحلوة خصوصا ان طريقي كله تكسير و فواصل كباري :
مساعد أمامي:
مساعد خلفي :
مقصات :
كوبلن(مهم جدا لأنها عاملة كيلوات كتير و ممكن تكون الكابالن هاتبوظ بعد ماشتريها ب 2000 كيلو ولا حاجة الله أعلم و ربنا يستر :) ):

قطع غيار خاصة بالحوادث و الزحمة والسواقين المحترفين اللي ماليين البلد ربنا يكفينا شر الحوادث:
مراية جانبية :
فانوس أمامي (الزينون و العادي) :
فانوس خلفي :
رفرف أمامي :
رفرف خلفي:
اكصدام امامي :
اكصدام خلفي :
ردياتر:
سربنتينة تكييف :
كومبرسور تكييف:
لو فيها اير باج (وسادة هواء) وحدة الإيرباج كلها تتكلف كام ؟ :


قطع غيار خاصة بالموتور و الصيانات الكبيرة المكلفة ( خصوصا إنها عاملة 77 الف كيلو يعني داخلة على تغييرات كبيرة زي سير كاتينة و خلافه):
سير الكاتينة (سير الكاتينة بتاعها جنزير معدن ولا سير جلد على طنابير؟! ) :
بوجيهات (وهل بوجيهاتها عادية زي أي عربية ولا فيها اختراع وحاجة نادرة) :
لو في حاجة تانية بتتغير عند ال 80 الف او 100 الف كيلو وانا ناسيها :


لو كنت قريت استفساراتي للآخر فحضرتك شخص محترم بالك طويل و صبور و بشكر حضرتك بجد على وقتك بإمانة واللهي مش تريقة ولا هزار :) ، انا عارف ان استفساراتي كتير ومحتاجة إجابات دقيقة ، بس غصب عني انا مش مستحمل ألبس في حاجة تاني :)

منتظر الردود في أسرع وقت مممكككننننننننننننن !!!!!

ربنا يستر طريقي و طريقكم و يباركلنا في ما رزقنا !

وشكرا جزيلااااا مقدما ! :))

أخوكم عمرو

بالنسبة للجزء الأخير من مشاركتك حول اسعار قطع الغيار مش هقدر أفيدك نهائي لأني اولا مش بتعامل مع التوكيل ثانيا لأختلاف موديلي عن موديل حضرتك
ولكن احب اطمئنك ، لو كنت بتتعامل مع قطع غيار المازدا فثق تماما انها اقل من المازدا بالكثير.

وعموما دة لينك تاني لأسعار قطع غيار الصيانات في التوكيل للسيارة 2012 واعتقد مش هتختلف كثير عنها يمكن اقل او يمكن زيها لكن مش هتزيد عنها
http://www.nilemotors.net/Nile/29276...post3874357907

اما بالنسبة لتقييم السيارة فالأحسن تسمعه من مالكيها في اللينكات دي

http://www.nilemotors.net/Nile/97430...post3872014931
http://www.nilemotors.net/Nile/94779...post3871985640
http://www.nilemotors.net/Nile/10465...tml#post113259
http://www.nilemotors.net/Nile/27167...tml#post294330
http://www.nilemotors.net/Nile/9068-2008.html#post96554

يارب اكون أفدتك قدر استطاعتي ويشرفنا تواجد حضرتك في القسم دائماً
وربنا يقدم الي فيه الخير

والله المستعان
،
،