مظبوط الكلام ياحسام هيونداي برة مصر يعني قيمة مقابل مال يعني أمان يعني تكنولوجيا جوا مصر غالية بس مقابل عربيات تانية معقولة ومفيش عوامل أمان متطورة وتكنولوجيا شحيحة كل ده سببه توكيل غبي وجشع ومسؤولين مستهترين .
عرض للطباعة
مظبوط الكلام ياحسام هيونداي برة مصر يعني قيمة مقابل مال يعني أمان يعني تكنولوجيا جوا مصر غالية بس مقابل عربيات تانية معقولة ومفيش عوامل أمان متطورة وتكنولوجيا شحيحة كل ده سببه توكيل غبي وجشع ومسؤولين مستهترين .
و الله أنا معجب بهيونداي و كيا و كوريا الجنوبية و ماليزيا و بروتون
ناس قاعدة بتشتغل و بتطور من نفسها .
و أحنا قاعدين محموقين على الألمان ....... و لا كأن ألمانيا دي بتأكلنا العيش ببلاش .
ألمانيا دي يا حضرات و يا أخواني الأفاضل
من أكبر داعمي الكيان الصهيوني في فلسطين و من أكبر داعمي الكيان الصهيوني الأمريكي (الشيطان الأعظم ) على رأي الأيرانيين .
ماهو ياباشا انت لو بصيت لكل الدول المتقدمة حواليك هتلاقى نفسك بتشترى عربيات لناس بتعبد ( البقر - الشمس - الالهة - الاصنام ) ومضطر تشتريها , هتجيب الالمان زى ماحضرتك بتقول وبيقولوا علينا متخلفين وبيجوا هنا يتريقوا علينا
عموما ياباشا الناس اللى بتطور من نفسها دية للاسف الشعب هو اللى كدة هو اللى عايز ينجح ويخترع , وماشاء الله كل شعوب الغرب كدة , الا احنا العرب مش عارف لية سبحان الله متعودين على الهرجلة , وعدم النظام وبنستخدم وخلاص
ربنا يقومنا بالسلامة
للآسف الكلام صحيح 100 %
بس برضه لا يصح طريقة الهجوم على الكوريين بالطريقة دي و الدفاع المستميت عن الألمان و كأنهم من بقية أهلنا .
أنا بس بتضايقني طريقة الهجوم على الكوري مع أنهم ناس ناجحة جدا ( مع الوضع في الأعتبار أن بعض ملاك الكوري بيبالغوا شوية بس بسبب الهجوم الحاد عليهم )
جيو الكبير
اولا مبروك على الماتور يا معلم وربنا يباركلك فيه ولازم الطلعة اللى هتطلعها مع احمد عبد الهادي تجربه في طريق السخنة اكون معاكم يابرنس اوعى تنساني ازعل منك :hitwall3:
عربيتك يا كبير تطلعها من المقارنة لانها مسقطة واحنا بنتكلم على العربيات الاستوك
ومعروف ان العربيات المسقطة بتبقى اقوى لان بيخدمها نقطة ال Power : weight ratio !! ماتور المفروض يركب على عربية داخلة في ال 1400 كيلو وركب على عربية 1150 كيلو !! ؟ لازم تلاقي فرق جامد في الاداء
---
ماتور السيفيك لا تعبان ولا اي حاجة بالعكس ده قوي جدا مقارنة بالفئة بتاعتها !!
ماينفعش تقييم ماتور معين من مجرد تسارع من الصفر ل 100 لان التسارع مش بيجي عند ال 100 ويقف !! ومع ذلك انا هوضحلك حاجة يمكن انت مش واخد بالك منها
السيفيك 122 حصان ومن 0:100 في 10.2 وفيها نظام Drive By wire !! يعني طلعتها بطيئة تقدر تقول كدة ان السيفيك بضيعلها مش اقل من ثانية ونص / ثانيتين لحد ما ال vtec يفتح !!
الالنترا 130 حصان ومن 0:100 في 10.5 !! مع انها مافيش اي طلعة بطيئة ولا اي حاجة بتأخرها في التسارع ومعروف عربيات هيونداي بتطلع زي الصاروخ !!
يعني بإختصار كدة لو جبت سيفيك والنترا وخلتهم يجرو جمب بعض بداية من ال 40 هتلاقي السيفيك نفخت الالنترا !!
وتعالى على السرعات العالية هتلاقي فرق محترم !!
ده معناه ايه ان عربية 122 حصان تعلم على عربية 130 حصان !! ؟؟ :crashcomputer4:
بإختصار العربيات الكوري احنا بنسمع ارقام عالية في عدد الاحصنة لكن مش بنشوفها على الطريق مانا جريت معااها الالنترا الجديدة قبل كدة ولا حسيت انها 130 حصان !! عربية جريها عادي جدا :hitwall3:
----------
العربيات الكوري عموما كويسة احنا مش بنقول انها وحشة
عربية بتديلك اوبشنز بالعبيط وكماليات وشكل داخلي وخارجي - تصميم مميز ومحركات نقدر نقول انها معقولة استهلاك بنزين كويس وسعر معقول
فلازم تنجح ويبقى ليها مبيعات !!
لكنها لسه ماوصلتش لمستوى جودة العربيات الياباني في الجودة والاعتمادية وقلة الاعطال وتحمل اعباء الشغل ودي حاجة للاسف ملاك العربيات الكوري مش عايزين يعترفو بيها !!
كفايا ان العربيات الكوري هي العربيات الوحيدة اللى بتفضل الاوبشنز على وسائل الامان !! ؟ ومحدش يقول غبور لان الشركة الام والمراقبة المفروض بتبقى حاطة Standersفي مواصفات الامان ماتقلش عنها !!
يعني بالله عليك في حاجة اسمها عربية تنزل ب Airbag واحد !! ؟ يعني السواق يعيش واللى جمبه يغور في ستين داهية ؟؟؟ ايه التخلف ده :breakpc2:
انا الياريس اللى معايا فيها 2Airbags + ABS + EBD وفي المقابل !! كاسيت معفن شرايط + ازجاج اوكر + مافيش سنتر لوك !! ؟
يعني تويوتا رفضت تشيل وسائل الامان وشالت الاوبشنز في مقابل انك تاخد عربية فيها وسائل امان وده اللى مش بنشوفه في العربيات الكوري !!!!!
احنا بنعترف ان كوريا تفوقت في التصميم والعربيات الكوري بدات تطور فعلا عن الاول
بس لسه ماوصلتش لمستوى جودة العربيات الياباني لا في الاعتمادية وقلة الاعطال ولا في الاداء !! لسه العربيات الياباني ادائها على الطريق كفرامل وثببات وهانلندج ومواتير افضل من العربيات الكوري
وردا على الباشمهندس سمير بخصوص العربيات الياباني اللى ركبها :: ان حضرتك يا باشمهندس راكب عربية موديل 2012 لسه موديل السنة ربنا يباركلك فيها يارب
فطبيعي انك ماتحسش ان فيها مشاكل ولا تزعجك فيها اي حاجة ده العربية لسه بورقها !! ؟ لكن اللى احنا بنتكلم فيه على المدى البعيد بعد 4 / 5 سنين شغل
ربنا يدينا ويديك طولة العمر وبياركلك في عربيتك ونسمع منك تقييمك للعربية بعد 5 سنين او بعد اول 100 الف كيلو !!
بالنسبة للياريس اللى كانت مع حضرتك موديل 2008 1.3 !! طبعا فئة اقل من الالنترا فلازم تحس ان الالنترا افضل مافيش كلام ونفس الشئ مع الانسر ال 1.3 يعني دول طلعهم برة المقارنة
بالنسبة للكورولا 2008 الجنوب افريقي MMT فهي كماتور واداء وثبات على الطريق افضل من الالنترا الجديدة والعربية دي مخصوص بعيدا عن مشاكل الفتيس فهي عربية اداءها يشهد بيه وغني عن التعريف
الى غير طبعا انها متفوقة في الفرامل نظرا لل ABS+EBD وكذلك وسائل الامان اللى مش موجودين الا في اعلى فئات الالنترا !!
واما الانسر ال 1.6 فهي سابقة الالنترا والعربيات الكوري عموما بكتيييييييييييييير اوي في الثبات والهاندلنج واعقتد انه لسه بدري شوية على هيونداي لحد ماتعرف تنزل عربية في ثبات البومة !!
والمفروض ان حتى كمان تبقى كماتور اقوى لانها مانويل !!
يعني شوف بنقارن عربيات ياباني موديل 2008 بعربية كوري 2012 ومع ذلك العربيات الياباني متفوقة في الاداء والفرامل والهاندلنج ووسائل الامان !!!! ؟؟
لو لاحظت في كل الريفيوهات او المقالات محدش جاب سيرة خفيفة فوق ال 160 دي خالص ، لييييييه ؟ لانهم واخدينها سيارة مدينة ومبيمشوش فوق ال 140 بالكتير ، وده المطلوب ، ده غير انها بتنزل هنا من غير ESP ، وبعدين العفشة المستقلة دي مكانتش عاجباكو برضه ، والعربية بتنزل ديسكات ورا برة وهنا كمان ، تقدر تشوف هنا في المواصفات
Hyundai Egypt
بالنسبة لرقابة الشركة الام عندك مليون حق وقلناها 100 مرة ، بس الشركات التانية اللي بتنزل العربيات ب 2 ايرباج بس ومن غير ESP برضه بتتنازل عن وسائل الامان اهو
وبعدين ايه دليلك ان تصميم العربية مش ايروديناميكي ؟
وبعدين بتتكلم عالخامات ازاي يعني ؟ ما تشوف المنافسين ! شوف الياباني يا سيدي
ايه رايك في خامات الكورولا والشارك والسيفيك ؟ كله جلد صح ؟
والمقارنات دي كلها مشفناش فيها ان هوندا بتاخد غرزة على 200 والالنترا لا
وانت لما تجيبلي عربية 2012 جيل جديد اتغيرت للاسوأ من الاحسن وفي الاخر تقولي هوندا هتتحسن يبقى بتفكرني باللي بيقولوا الزمالك قادم
هي دي الستاندردز ؟ 2 ايرباج ؟ يعني لو لا سمح الله اتخبطت من الجنب تتدغدغ ؟ يا بيه 2 ايرباج دول لو رحت بيهم اوروبا هيتفوا عليها ومش هيدخلوها عندهم ، العربيات بتنزل برة ب 10 ايرباج ! السبارك والبيكانتو فيهم 6-10 ايرباج و ESP وتقولي وسائل امان ؟ ال ESP حاجة اساسية في اي عربية اصلا !
مفيش شركة مبتتنازلش عن مبادئها ، بس هيونداي فعلا مش فارقة معاها شوية لانها شايفة الشرق الاوسط مبيسألوش عالامان ولو حطوا 6 ايرباج وكل وسائل الامان هتبقى غالية وفي الاخر هيقولك كوري ! دي ثقافة شعب ، وطبعا حكومات مش فارق معاها امان شعبها ، شوف العربيات بتنزل برة ب 6 ايرباج-ABS-EBD-BA-TCS-ESP اجبااااااااري مش بمزاجهم ، غير كده ممكن 10 ايرباج ، ووسائل الامان بتاعة ال Luxury cars المتطورة زي blind-spot monitoring مثلا
هاتلي عربية دلوقتي في 2012 في اوروبا مبتنزلش بكل مواصفات الامان
ما عدا شرق اوروبا لان دي دول فقيرة ومش متقدمة
( اوكرانيا وروسيا وسلوفاكيا الخ )
اتفضل
http://en.wikipedia.org/wiki/Electro...rol#Regulation
الدول بتفرض الامان عالشركات ، غصب عنهم لازم esp !
و شوف مثلا euroncap-nhtsa-ancap
هل ممكن عربية من غير esc و 6 ايرباج تاخد 5 نجوم ؟