الموضوع: ليه بنقارن الكوري بالياباني وهو بيكسب الألماني

و الله أنا معجب بهيونداي و كيا و كوريا الجنوبية و ماليزيا و بروتون

ناس قاعدة بتشتغل و بتطور من نفسها .

و أحنا قاعدين محموقين على الألمان ....... و لا كأن ألمانيا دي بتأكلنا العيش ببلاش .

ألمانيا دي يا حضرات و يا أخواني الأفاضل
من أكبر داعمي الكيان الصهيوني في فلسطين و من أكبر داعمي الكيان الصهيوني الأمريكي (الشيطان الأعظم ) على رأي الأيرانيين .

المشاركة الأصلية كتبت بواسطة semsem kane

ماهو ياباشا انت لو بصيت لكل الدول المتقدمة حواليك هتلاقى نفسك بتشترى عربيات لناس بتعبد ( البقر - الشمس - الالهة - الاصنام ) ومضطر تشتريها , هتجيب الالمان زى ماحضرتك بتقول وبيقولوا علينا متخلفين وبيجوا هنا يتريقوا علينا
عموما ياباشا الناس اللى بتطور من نفسها دية للاسف الشعب هو اللى كدة هو اللى عايز ينجح ويخترع , وماشاء الله كل شعوب الغرب كدة , الا احنا العرب مش عارف لية سبحان الله متعودين على الهرجلة , وعدم النظام وبنستخدم وخلاص
ربنا يقومنا بالسلامة

للآسف الكلام صحيح 100 %

بس برضه لا يصح طريقة الهجوم على الكوريين بالطريقة دي و الدفاع المستميت عن الألمان و كأنهم من بقية أهلنا .

أنا بس بتضايقني طريقة الهجوم على الكوري مع أنهم ناس ناجحة جدا ( مع الوضع في الأعتبار أن بعض ملاك الكوري بيبالغوا شوية بس بسبب الهجوم الحاد عليهم )

المشاركة الأصلية كتبت بواسطة semsem kane

طيب ياحسام باشا انت جيبت تاريخ الهيونداى فى سطور , وانت ماجيبتش جديد

احنا مقتنعين تماما ان هيونداى متفوقة ( تصميما - سعر مش غالى مقارنة بالمنافسين - اوبشن كتير ومتعدد - حصلت على اختبارات التصادم الامامية مابين 3 و4 و 5 نجوم - سيارة مش واسعة ولا ضيقة - مواتير كويسة فى استهلاك البنزين )

خلى بالك بقى كدة كل مميزاتها بس مابتحاولش تطور من نفسها ولا فى ثبات او اداء , وماتقوليش العربية طورت نفسها فى الثبات لانها نزلت فى المستوى من عفشة مستقلة لعفشة غير مستقلة , وأثر طبعا على ثباتها ونشف العفشة , وكل دة عشان الاسترخاص , ولسة بتنزل لحد دلوقتى بdrums للفرامل بردة عشان الاسترخاص , لحد دلوقتى لسة مانزلتش فيها ال immoblaizer كتجهيز اساسى , مع ان المفروض ان دة اول حاجة فى العربية عشان يحافظلك على قيمتها ( وماتقولوش غبور هو اللى بيعمل كدة , معلش فين رقابة الشركة الام )
الاداء محركات سريعة بتجرى بس بتعتمد فى الاول وفى الاخر على وزن العربية الخفيف واللى مش معمول بأسلوب ديناميكى يخليها تحافظ على ثباتها فى السرعات العالية , ومحركات حساسة جدا لاى حاجة , يبقى فين بقى التطور والخدمة الشاقة والاعتمادية اللى بتقولوا عليها

الخامات اللى بقت بلاستيك فى كل الموديلات بالرغم من ارتفاع السعر وفى الفئات العالية بس هو اللى بيديك خامات كويسة , اة العيب دة فى هوندا دلوقتى بس دية فترة كدة وهتعدل لكن دية بقى اللى ماشية بالمنهج دة على طول , التقفيل والجودة مش ممتازين فيهم لسة حاجات كتير عايزة تتظبط
هيونداى بقى لو حبت تعمل عربية فيها كل دة ساعتها اقول ايوة هيونداى عدت وبقت تملك التصميم + القوة + الاداء وكدة يبقى تمام اوى , لكن تيجيبلى عربية فيها كل العيوب دية وتقولى افضل من الهوندا والاوروبى يبقى انتوا كدة بتضحكوا على نفسيكوا معلش , لاننا بنركب كل يوم الكورى وعارفين عيوبة كويس جدا

كل المقارانات اللى انت جيبتوها وكسبت فيها الهيونداى كان الفرق مابين التصميم - الاوبشن والخامات
لان فعلا هوندا وقعت فى الخامات فى الموديلات بتاعتها

لو لاحظت في كل الريفيوهات او المقالات محدش جاب سيرة خفيفة فوق ال 160 دي خالص ، لييييييه ؟ لانهم واخدينها سيارة مدينة ومبيمشوش فوق ال 140 بالكتير ، وده المطلوب ، ده غير انها بتنزل هنا من غير ESP ، وبعدين العفشة المستقلة دي مكانتش عاجباكو برضه ، والعربية بتنزل ديسكات ورا برة وهنا كمان ، تقدر تشوف هنا في المواصفات
Hyundai Egypt
بالنسبة لرقابة الشركة الام عندك مليون حق وقلناها 100 مرة ، بس الشركات التانية اللي بتنزل العربيات ب 2 ايرباج بس ومن غير ESP برضه بتتنازل عن وسائل الامان اهو
وبعدين ايه دليلك ان تصميم العربية مش ايروديناميكي ؟
وبعدين بتتكلم عالخامات ازاي يعني ؟ ما تشوف المنافسين ! شوف الياباني يا سيدي
ايه رايك في خامات الكورولا والشارك والسيفيك ؟ كله جلد صح ؟
والمقارنات دي كلها مشفناش فيها ان هوندا بتاخد غرزة على 200 والالنترا لا
وانت لما تجيبلي عربية 2012 جيل جديد اتغيرت للاسوأ من الاحسن وفي الاخر تقولي هوندا هتتحسن يبقى بتفكرني باللي بيقولوا الزمالك قادم

المشاركة الأصلية كتبت بواسطة Ahmod

كفايا ان العربيات الكوري هي العربيات الوحيدة اللى بتفضل الاوبشنز على وسائل الامان !! ؟ ومحدش يقول غبور لان الشركة الام والمراقبة المفروض بتبقى حاطة Standersفي مواصفات الامان ماتقلش عنها !!

يعني بالله عليك في حاجة اسمها عربية تنزل ب Airbag واحد !! ؟ يعني السواق يعيش واللى جمبه يغور في ستين داهية ؟؟؟ ايه التخلف ده

انا الياريس اللى معايا فيها 2Airbags + ABS + EBD وفي المقابل !! كاسيت معفن شرايط + ازجاج اوكر + مافيش سنتر لوك !! ؟

يعني تويوتا رفضت تشيل وسائل الامان وشالت الاوبشنز في مقابل انك تاخد عربية فيها وسائل امان وده اللى مش بنشوفه في العربيات الكوري !!!!!

هي دي الستاندردز ؟ 2 ايرباج ؟ يعني لو لا سمح الله اتخبطت من الجنب تتدغدغ ؟ يا بيه 2 ايرباج دول لو رحت بيهم اوروبا هيتفوا عليها ومش هيدخلوها عندهم ، العربيات بتنزل برة ب 10 ايرباج ! السبارك والبيكانتو فيهم 6-10 ايرباج و ESP وتقولي وسائل امان ؟ ال ESP حاجة اساسية في اي عربية اصلا !
مفيش شركة مبتتنازلش عن مبادئها ، بس هيونداي فعلا مش فارقة معاها شوية لانها شايفة الشرق الاوسط مبيسألوش عالامان ولو حطوا 6 ايرباج وكل وسائل الامان هتبقى غالية وفي الاخر هيقولك كوري ! دي ثقافة شعب ، وطبعا حكومات مش فارق معاها امان شعبها ، شوف العربيات بتنزل برة ب 6 ايرباج-ABS-EBD-BA-TCS-ESP اجبااااااااري مش بمزاجهم ، غير كده ممكن 10 ايرباج ، ووسائل الامان بتاعة ال Luxury cars المتطورة زي blind-spot monitoring مثلا

المشاركة الأصلية كتبت بواسطة mody3on

هي دي الستاندردز ؟ 2 ايرباج ؟ يعني لو لا سمح الله اتخبطت من الجنب تتدغدغ ؟ يا بيه 2 ايرباج دول لو رحت بيهم اوروبا هيتفوا عليها ومش هيدخلوها عندهم ، العربيات بتنزل برة ب 10 ايرباج ! السبارك والبيكانتو فيهم 6-10 ايرباج و esp وتقولي وسائل امان ؟ ال esp حاجة اساسية في اي عربية اصلا !


هو مين قال لحضرتك كدا يا أخي الفاضل ؟؟؟؟؟؟؟؟
أنا كنت عايش هناك و العربيات بتتباع عادي بأير باج واحدة و ساعات عربيات بتتباع من غير كمان .
أنا عن نفسي أمتلكت كام عربية هناك بدون أير باج أصلا ؟ و كانت موديلات فوق 2002 .




مفيش شركة مبتتنازلش عن مبادئها ، بس هيونداي فعلا مش فارقة معاها شوية لانها شايفة الشرق الاوسط مبيسألوش عالامان ولو حطوا 6 ايرباج وكل وسائل الامان هتبقى غالية وفي الاخر هيقولك كوري ! دي ثقافة شعب ، وطبعا حكومات مش فارق معاها امان شعبها ، شوف العربيات بتنزل برة ب 6 ايرباج-abs-ebd-ba-tcs-esp اجبااااااااري مش بمزاجهم ، غير كده ممكن 10 ايرباج ، ووسائل الامان بتاعة ال luxury cars المتطورة زي blind-spot monitoring مثلا

الموضوع كله فيه كلام مبالغ فيه و هجوم غير مبرر على العربيات الكوري و تمديح مبالغ فيه في الألماني