الموضوع: ليه بنقارن الكوري بالياباني وهو بيكسب الألماني

بصراحة انا حابب احيي صاحب الموضوع, لانة تقريبا عرف ازاي يطلع روح السخرية والتعليق المتأصله جوة المصريين.
بس الاكيد طبعا انه مفيش وجة للمقارنة والمقارنة اساسا لاتصلح حتي ولو كان فية تساوي في كل شيء
مثلا السوق فية سمارت فون كتير وباسعار تقل عن الف جنية وفيها كل الامكانيات اللي تحتاجها واكتر وماركات كويسة نوكيا وموتورولا واريكسون الخ الخ بس ما ينفعش نقارن بين الموبايلات دي والاي فون او الجلاكسي اس3 مثلا, بالرغم عمر ما ابل حتبيع ربع ماركات الموبايلات اللي ذكرتها في الاول, اولا لان ابل ليها زبونها اللي يعرف يعني اية ابل ولو جابولة اية مش حيقتني غير اي فون, دة مثل
وممكن مثل تاني, ممكن تروح تشتري ساعه ماركة محترمة فوق الوصف وفيها كل اللي تحبة من تصميم ودقة وضمان الخ الخ , السؤال هنا لية في ناس بتروح تشتري ساعات اغلي بكتير زي الاوميجا او شاتيل نثلا باضعاف مضاعفة في السعر او تشتري ساعه زي فيليب مثلا وهي مجرد ساعه بس تمنها يساوي 3 عربيات فيراري
او حتي مثل بسيط , فية واحد ممكن يمشي حاطط في جيبة قلم بيك ومن الناحية التنية في حد ممكن ما يشيلش الا باركر او مونت بلان,

خلاصة القول ان الفرق بين المرسيدس والبي ام والبنتلي وماركات القمة في السيارات يتمثل في الاتي:

1- الثقة اسال نفسك هل شعورك بالثقة وانت راكب اي عربية كوري او حتي ياباني حيكون نفس الشعور بالقة وانت راكب اس كلاس او 7 سيريس
2- الخبرة. عموما السيارات مش بتتعلق بالتكنولوجيا والرفاهيات اد ما هي مساله خبرة, انا مثلا ممكن اجيب شاسية احن عربية في الثبان اورح لاكبر شركة تعديلات واقولهم حطولي احسن تعليق واكبر واسرع موتور وجمعولي اعلي كمية رفاهية من السيارات الموجودة , ممكن دة يكلفني كتير وحاخد سيارة بموصفات خاصة جدا, لكن السؤال هل شعوري بالاطمئنان للي عملته حيمون هو هو لو كان في عربية خارجة من مصنعها كدة, لا طبعا. لان المساله عند شركة التعديلات مساله نظرية بحتة , لكن عند صاتعين كبار المسالة مساله سنين اختبارات ووصول للمعادلة القياسية, اكيد انا بتكلم مظبوط ولا اية,
3- التميز. مش كل الناس بتحسبها اية الاحسن كقيمة مقابل سعر والا كنت حتلاقي الراي السائد ان احسن عربية في الدنيا هي السوزوكي الماروتي, اهي عربية وبتمشي وشكلها مش قمئ وما بتفتحش بقها بسرعه, اكيد طبعا ده مش صح لان في ناس كتير جدا بيهمهم التميز وممكن يضحي بعربية منتشرة وتكيفها تلاجة وقطع غيارها ببلاش واعتمادي كويسة زي الفيرنا (اللي هيا عربيتي ههههه) مقابل انه يركب عربية زي هوندا جاز مثلا اللي هي مش منتشرة وقطع غيارها نبيا غالية مقابل انه يحس انه متميز, مش كل شيء بيتحسب كدة والا اللي بيلبس بدله شيك بس من بي تي ام زي اللي بيلبس بدله ارماني, اكيد البي تي ام كويسة بس لو قرنتها بارماني تبقي مقارنه ظالمة وببقي بظلم البي تي ام, ودي نقطه بيغفل عنها الكتير

اخيرا الهيونداي اثبتت كفائة ونجمها صاعد زي ما بيقولوا بس لفئة الناس المتوسطةاو تحت المتوسطة لكن اللي معاه وحابب فعلا يحس بالتميز زالرفاهية والثقة فاكيد حيروح لماركات القمة واكيد لو صاحب الموضوع معاه وربنا رزقة (ويرزقوا ويرزقنا ان شاء الله) اكيد مش حيفكر اساسا والاختيار محسوم