الموضوع: ليه بنقارن الكوري بالياباني وهو بيكسب الألماني

المشاركة الأصلية كتبت بواسطة se_coralsea

بمناسبة الامان و عدم اللعب في مواصفات العربية

واحد صاحبي قابلته النهاردة بيلعن و يسب في الهوندا سيتي 2012 اللي معاه و بالمناسبة عربيتيه أستلمها بعد عربيتي بشهر تقريبا

عارفين أيه السبب ؟
كان هايتقلب بالعربية لولا ستر ربنا و هو ماشي علي 180 كم/ساعة لأن الكاوتش ما أستحملش و فردة منهم أتفرتكت و التانية طلعت بالونة و أهو بيغير الكاوتش أكتشف أنه بريدجستون ماليزي أو تايلاندي مش ياباني و ما أستحملش معاه 10000 كم

و سلموا لي علي هوندا و الياباني أبو الأمان و عدم اللعب في مواصفات العربية

يا أعزائي ... كلنا في الهوا سوا هنا في مصر
و لا عزاء للمستهلك

طيب معلش ياباشا اولا بس اتأكدلى كدة ان واحد معاة هوندا سيتى 2012 لان معلوماتى انها ماكنتش موجودة من 2011 , فممكن تكون متخزنة وطبيعى الكاوتش لازم يكون بايظ

ثانيا حضرتك بتعيب فى البريدجستون التايلاندى او الماليزى طيب تعمل اللى الكاوتش بتاعة بينزل كورى ؟؟؟؟؟؟؟

ثالثا : حضرتك بتقول ان صاحبك بيشتم ويلعن فى العربية اللى كان ماشى على 180 كم ومنهم فردة اتفرتكت وماتقلبش والله اى واحد مكانة يهنزل سجدتين شكر لربنا انة انقذة وعداة منها على خير , مش يسب العربية , لان فعلا زى ماقال zangry اى عربية مكانها وكورى تحديدا كان زمانها فى خبر كان

رابعا : احنا معترفين ان السيتى اخر سرعة وتكون العربية ثابتة معاك فيها 150 كم 160 بالكتير بعد كدة ماببنصحش حد انة يعدى بيها السرعة دية , وكل مشاركتنا بتقول كدة ( احنا مش بنخدع حد ولا هنخلية يجيب عربية ونقولة ثابتة على 200 وهية مش ثابتة وناخد ذنبة احنا
فان السيتى ماتتقلبش على سرعة 180 كم والله دية كدة نقطة فى صالحها وشكرا لاضافة قيمة جديدة لسيارات الهوندا

لكن بقى الدور والباقى على اللى ماسكين فى رأيهم والناس بتشترى على كلامهم وعمالين يلبسوا فى عيوب

المشاركة الأصلية كتبت بواسطة ashturbo

مودي البروجيكتور ده نور الفوانيس اللي في الهوندا الجديدة ومسميينوه بروجيكتور علشان متحدد شوية طب مانور الألنترا متحدد وزي الفل وما قلناش عليه ميزة يعني ولا لازم نسميه أسم هوندا مش لاقيه حاجة تقولها تحلي بيها عربيتها الجديدة اللي كله قالك هوندا نازلة بالعربية دي مش طالعة .

لا والله هو دة ال projector طيب ياباشا عموما حضرتك ممكن تدخل على wiki تعرف اكتر ماهية ال projecter headlights

المشاركة الأصلية كتبت بواسطة mody3on

وتتقلب ليه هي مش هوندا بتاخد غرز على 200 عادي خالص وبايد واحدة كمان ؟
حبيبي :)

سبحان الله , يعنى الراجل جايب 180 كم وماتقلبش بالعربية الحمد لله , وبردة لسة بتعاندوا والعلومة جاية من عندكوا , عشان تكون نقطة على الهوندا اصبحت فى صالحها

واحنا مقولناش بتاخد غرز على 200 وثابتة , لو انت راجعت مشاركات القسم هتلاقينا بنقول من عيوب السيتى 2007 ثباتها بيقل بعد 130 كم , ومن عيوب السيتى 2009-2012 ثباتها بيقل بعد 150 او 160 كم حسب الطريق , يعنى معترفين بكل حاجة فى العربية ,

لكن انتوا مش عايزين تعترفوا بحاجة ابدا