أفيدوني في باسات موديل 1999 ضروري لضيق الوقت

**benmatar** · 01-08-2012 01:03 PM

المشاركة الأصلية كتبت بواسطة alzelafy

اهلا بحضرتك : هدخل فى الموضوع على طول العربيه طبعا خرافيه معانا بقالها اربع سنين اسعار قطع الغيار فى متناول الجميع و كل ما يزعم عنها مجرد تهويل مصريين انزل الحرفيين مشوار و اسال و انتا هتكون شاريها فى نفس اليوم وواخد القرار ...... خد عندك سير الكاتينه جلد 120 سير دينامو 60 طقم المقصات الصينى 1800 الايطالى 2200 الالمانى و اشك 2600 العفشه كامله استعمال 2500 جنيه المقصات بالمساعدين بالسوست باليايات و الطنابير و الدنيا دى كلها الركبتيت الاماميين كاملين و بتاخدهم عن تجربه و دة احسن اختيار فلتلار الزيت 50 سير التكييف 110 بنحطلها زيت شل 120 الاصفر العربيه 250 كيلو فى الصفيحه و اكثر البنزين انا باخدها من خالى و اسافر بيها ببنزين 80 مش 95 و هو بيحطلها 92 بدون ادنى مشكله و لما بنكشف كمبيوتر على العربيه مش بيبان اى مشكله فى الموتور .... سعر موتورها 5000 ج فى الحرفيين استيراد الفتيس ب 550 بالتركيب .... كيلو الزيت للفتيس ب 95 زيت كهرباء ابيض معروف لدى مجموعه فولكس عند الشهابى الكيلو ب 165 ... التابلوة 1300 جوز الفوانيس 600 امامى و 500 خلفى و دة بدون فصال كلنا بنسال بس عمرة الموتور ب 3000 ج اكصدام 1000 مقفول و 1500 بالشبورة لو لقيتو كمبريسور التكييف 800 كبوت من 400 ل 500 اكرة باب خارجيه 50 كل دة استيراد من الحرفيين ما عدا السيور و الزيوت و طقم السيرفيس العادى لاى عربيه انا شايف ان اغلى حاجه فيها الفتيس و الباقى كلو و الله ارخص من حاجه البومه انا شايف كدة بس عربيه جبارة و انتا مش هترضى تغيرها حتى بعربيه زيرو الا لو المانى زيرو عشان الالمانى ادمان اللى يركبو ما يعرفش ينزل منو على حاجه تانيه ........... ارجو ان اكون افدتك و اى استفسار ابعتلى على الخاص

10/10
وكمان اتزان عالي جدا، كفاءة محرك، صالون محترم وشنطة كبيرة، إعادة البيع مش سريعة زي الكوري بس ليها ناسها، وطبعا دايما اللي بيحسب إن الكوري أو الياباني قطع غياره رخيصة فهو فعلا عنده حق إنها رخيصة بس اللي بيعمر في الكوري شهرين بيعمر في الألماني سنة ول استخدامك قاسي 10 شهور.

**alzelafy** · 02-08-2012 06:19 PM

الفتيس 5500 بالتركيب

**حماده المصري** · 03-08-2012 04:55 AM

طب حقيقي ان الباسات ال 1600 بتاكل لتر زيت كل الف كيلو بمعنى ان الزيت بينقص كتير كل الف كيلو وده تقريبا مكتوب في كتالوجها

**mody4990** · 07-08-2012 07:16 AM

مفيش الكلام ده يا فندم العربيه بتاعتي الباسات 1600 سي سي مش بتاكل زيت خالص وبسافر بيها في الاسبوع الواحد مش اقل من المسافه بين بورسعيد والمنيا حوالي 4 مرات عربيه خرافيه وقطع غيارها ارخص من البومه بمراحل والعفشه الي بتتركب فيها بتعمل عليها شيك بعد 5 سنين على الاقل بجد الكلام ده مش مبالغه اتكل على الله وهاتها بس اهم حاجه تكشف عليها ولو عايز انا ممكن اجيبلك عربيه عن طريق مركز الخدمه بتاع فولكس

**HISHAM80** · 07-08-2012 09:03 AM

المشاركة الأصلية كتبت بواسطة mody4990

مفيش الكلام ده يا فندم العربيه بتاعتي الباسات 1600 سي سي مش بتاكل زيت خالص وبسافر بيها في الاسبوع الواحد مش اقل من المسافه بين بورسعيد والمنيا حوالي 4 مرات عربيه خرافيه وقطع غيارها ارخص من البومه بمراحل والعفشه الي بتتركب فيها بتعمل عليها شيك بعد 5 سنين على الاقل بجد الكلام ده مش مبالغه اتكل على الله وهاتها بس اهم حاجه تكشف عليها ولو عايز انا ممكن اجيبلك عربيه عن طريق مركز الخدمه بتاع فولكس

حضرتك في حاجه منها 2.0 اقدامك حاله ممتازه وكم قليل ولو كده تعمل كام

**kempel** · 07-08-2012 10:52 AM

السلام عليكم بخصوص اختيار حضرتك للفولكس الباسات هى طبعاً عربية محترمة بس انا عندى حل تانى ان شاء الله هاتلاقيه احسن بكتيرماتجيب عربية ارخص وتحط الباقى فى جيبك ايه رايك فى الفورد مونديو عربية ممتازة نفس فئة الباسات المانى او اسبانى صاج تقيل ثبات ممتاز موديل من 97 الى 2000 فى منها 1600 مانيوال و2000 اوتوماتيك قطع غيارها موجوده وفى المعقول وميكانيكيتها موجودين وفى ناس كتير راكباها ارخص من الباسات الفورد مونديو اللى بحاله ممتازه الاوتوماتيك 2000 سى سى ماتعديش ال50000 جنيه وانت اولى بالباقى نفذ اللى بقولك عليه ده وماتترددش وان شاء الله هاتدعيلى والله الموفق

**mody4990** · 07-08-2012 08:25 PM

بص يا جميل افضل محرك في الباسات دي هو 1800 تيربو وقطع غياره موجوده زي ما انتا عايز مشكلة المحرك ال 2000 ان قطع غياره قليله نسبيا علشان هو محرك اصلا نادر وعلفكره عربيتي 1600 وطلعتها جامده جدا
اهم شيء مش ان المكنه كام سيسي في العربيه دي بالذات الاهم ان كل حساسات المكنه تكون شغاله كويس وهتلاقي اداء المحرك قوي جدا في الاكسلريشن والسرعات العاليه وده بتعرفه عن طريق جهاز كشف الاعطال بيقولك لو في حساسات بايظه ولا لا
بص خليك في 1600 بجد عربيه قويه مش كلام وبما انك ركبت العربيه دي اصلا يبقى صدقني صعب تنزل منها علشان كده بقولك هاتها 1600 وبعد شويه حط المكنه ال 1800 التيربو كده يبقى انتا مش هتنزل منها خالص ههههههههههه عربيه بجد انا عايز اقولك انك وانتا سايق العربيه دي ومهما كانت سرعتك عمرك ما هتلبس مطب علشان العربيه فرملتها توقفها في وقت خيالي
اخر حاجه بقى انا ممكن انزل معاك بورسعيد واجبلك واحده من هناك وندفعلها تخليص حوالي 10000 جنيه ويبقى معاك عربيه في حدود78 الف بس زيرو وفيها كل الامكانيات بالكراسي الكهرباء وتكييف الكراسي كمان

**mody4990** · 10-08-2012 08:38 AM

معلش انا مبعرفش استخدم الخاص اوي ( فاشل فيه ) هههههههههههه
ممكن تكلمني في اي وقت بعد الفطار على رقم 01006362548
انا مش من بورسعيد بس مراتي من هناك واعرف ناس حبايبي كتير تعاله في مره نتفرج ولو عجبتك حاجه تخلص علفكره انا مش تاجر ولا وسيط علشان برده متفهمنيش غلط هههههههههههههههههه