بالصور حادث سيات ليون ٢٠٠٨على ١٨٠ كم/س في مصر

**hamode89** · 26-06-2008 03:01 AM

على فكره مستحيييييييييييييل تكون الحدثه على 180 تلقيه كان ماشي على 80 وفاكرها 180
لأن اي عربيه في العالم لو عملت حادثه بعد 180 هتروح بمعنى الكلمه يعني مش هيبقلها ملامح ودي (المرسيديس ) يعني اقوى سياره
حتى لو مرحتش هتتبهدل جامد اوي اوي ومش هتتصلح

اتأكد من المعلومه يا sabuhashem
تحياتي

**mohamed_fatouh** · 26-06-2008 03:03 AM

رحمة الله للمتوفى و يجعل مسواة الجنة و ربنا يصبر اهلة

يا جماعة السواقة موش عافية و فرد دراع و الله لولا ستر ربنا سبحانة و تعالى لاكان بتاع السيات و لا حتى بتاع اللورى عاش رجاء توخى الحذر فى القيادة تخيلوا معايا انك و العياذ بالله تكون سبب فى ان اسرة تفقد عائلها او ابن بيفقد ابوة او امة تسوى كام دى ياجماعة و الله ولا مال الدنيا كلة و بعدين هتروح فين من ضميرك هتقول قضاء الله انا معاك بس على الاقل متحسش انك انت السبب ؟

رجاء قبل متفكروا فى قوة العربية فكرو فى ستر ربنا معانا و انك متكونس سبب فى شر و اذى يحصل لاى انسان.

و ربنا يعافينا جميعا من شر الحوادث

و الحمد لله الذى عافانا مما ابتلى به الناس و فضلنى على كثير ممن خلق تفضيلا.

**Noha.M** · 26-06-2008 03:11 AM

لا اله الا الله

بس بجد حاجة تحزن...

ربنا يعوضه خير و يخلفه خير فى مصيبته

**SAbuhashem** · 26-06-2008 03:13 AM

المشاركة الأصلية كتبت بواسطة hamode89

على فكره مستحيييييييييييييل تكون الحدثه على 180 تلقيه كان ماشي على 80 وفاكرها 180
لأن اي عربيه في العالم لو عملت حادثه بعد 180 هتروح بمعنى الكلمه يعني مش هيبقلها ملامح ودي (المرسيديس ) يعني اقوى سياره
حتى لو مرحتش هتتبهدل جامد اوي اوي ومش هتتصلح

اتأكد من المعلومه يا sabuhashem
تحياتي

اقرا ملابسات الحادث كويس يا مان واقرا المشاركة التانية بتاعتي

الراجل فرمل قبلها بحوالي ٢٠ متر ولو تلاحظ إن الخبطة في النصف الايسر من المقدمة يعني حاول إنه يتفادى الاصطدام بقدر المكان ودي كانت النتيجة

في عربيات بتكون ماشية على ٨٠ كم/س ولما تفرمل في مسافة ٢٠ م وتصطدم بجسم ثابت بتكون النتيجة أسوأ من كدة بكتير وبالذات إن إمتصاص الصدمة من العربية التانية كان ضعيف جداً علشان خبطها من الجنب

Thanks
Eng.Sherif Shaker

**hamode89** · 26-06-2008 03:41 AM

انا كده بوفقك الرأي لان لو20 متر وعربيه abs هتاقدر انها تنزل من 180 ل100 او حتى أقل ثم الاصطدام بجسم متحرك اخف بكتييييير من جسم ثابت(عمود النور مثلا)

انا كنت بعلق بس على كلمة180 لأن اي حد بيقرا الموضع هيفتكر انو دخل فعلا علا 180
تحياتي يا مان

**mohamed ibiza** · 26-06-2008 04:36 AM

المشاركة الأصلية كتبت بواسطة hamode89

انا كده بوفقك الرأي لان لو20 متر وعربيه abs هتاقدر انها تنزل من 180 ل100 او حتى أقل ثم الاصطدام بجسم متحرك اخف بكتييييير من جسم ثابت(عمود النور مثلا)

انا كنت بعلق بس على كلمة180 لأن اي حد بيقرا الموضع هيفتكر انو دخل فعلا علا 180
تحياتي يا مان

بظبط كده لو كان دخل علي 180كم\ساعة كانت العربية ضاعت ضاعت ضاعت

**tutankhamoun** · 26-06-2008 12:42 PM

السلام عليكم و رحمة الله و بركاته

محدش يقدر يتكلم على الأمان في الليون
العربية واخدة 4 نجوم في الاصطدام الأمامي بجسم ثابت
و 3 نجوم في الإصطدام الجانبي بجسم ثابت
على سرعة 40 ميل في الساعة .......... يعني 65 كم / س

-------------------------------------------------------------------------------------

و كلام الباشمهندس شريف على العين و الرأس
بس الحمد لله أنه بينقل كلام صاحب العربية
لأن لا يمكن أي عربية في الدنيا تطلع من حادثة على سرعة 180 كم /س بالخسائر دي
دي كان زمانها عجينة لو فعلا سرعتها 180 كم / س
و فعلا العربية اصطدمت بجسم متحرك و بطرف الجسم المتحرك لأنه ابين من الخبطة .... التأثير في جنب أكثر من الجنب الآخر

------------------------------------------------------------------------------------

و أنا زي ما قلت ....
أمان الليون مش محتاج كلام
و ربنا يبارك لكل مالك ليها و يبارك للمهندس شريف أبو هاشم

و شكرا
و أرجوا أن كلامي يكون خفيف عليكم

**okmijn** · 26-06-2008 12:53 PM

حمدلله علي سلامتة

**vet mitcho** · 26-06-2008 07:57 PM

والله يا جماعة حفظ الله افضل من 100 نجمة امان
وانا مع انك تختار عربية امانها 5 نجوم وتخليها من اولوياتك
لان مثلا 10 او 20 حصان مش هتفرق معاك كتير
انما يفرق معاك انك تاخد بالاسباب على قدر الامكان انك تجيب عربية آمنة باذن الله

انا لسه خارج من تجربة اليمة جدا في موضوع الحوادث ده
انا لسه واحد قريبي متوفي هو وباباه في حادثة على طريق 15 مايو
عربية خبطته راح الطريق المقابل دخل في مقطورة ونزلت عليه من اخرها بعد ما الكرونا و الاتنين دنجل فلتو منها
طبعا النتايج كانت اليمة جدا
ولو جبنا عربية 20 نجمة مش خمس نجوم كانت زمنها اتبهدلت
الاهم هو حفظ الله والتاني في الطريق واستخدام العقل
وربنا يحفظنا و يرحم موتانا

**SAbuhashem** · 27-06-2008 03:51 AM

المشاركة الأصلية كتبت بواسطة tutankhamoun

السلام عليكم و رحمة الله و بركاته

و كلام الباشمهندس شريف على العين و الرأس
بس الحمد لله أنه بينقل كلام صاحب العربية
لأن لا يمكن أي عربية في الدنيا تطلع من حادثة على سرعة 180 كم /س بالخسائر دي
دي كان زمانها عجينة لو فعلا سرعتها 180 كم / س
و فعلا العربية اصطدمت بجسم متحرك و بطرف الجسم المتحرك لأنه ابين من الخبطة .... التأثير في جنب أكثر من الجنب الآخر

TUT مقولناش إن لحظة الصدمة كانت السرعة ١٨٠ كم/س

لكن قبل التصادم بحوالي ٢٠ م كانت السرعة ١٨٠ كم/س

طبعاً انك تطلع بالشكل ده بعد فرامل من ١٨٠ كم/س في ٢٠ م بس ده إنجاز رائع

وطبعاً وأكيد كله بأمر الله سبحانه وتعالى

Thanks
Eng.Sherif Shaker
__________________

الموضوع: بالصور حادث سيات ليون ٢٠٠٨على ١٨٠ كم/س في مصر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ارجووووووكم ساعدونى كورسا ٢٠٠٦ ولا ماتيريا ٢٠٠٨ ولا سيراتو٢٠٠٨

اجيب خليجى ٢٠٠٨ ولا وكيل ٢٠٠٩ بنفس السعر?

هيونداى فيرنا للبيع موديل ٢٠٠٨ ١٦٠٠ ٣٠٠٠٠ كيلو

طرح ٥٨٠٠ قطعة أرض بالقرعة العلنية فى ١٧ مدينة جديدة.. والحجز يبدأ ١٨ يناير

كاسيت لانسر سبورت ٢٠٠٨/٢٠٠٩ الشكل القديم

الكلمات الدلالية لهذا الموضوع

المفضلات

المفضلات

ضوابط المشاركة