الموضوع: بالصور حادث سيات ليون ٢٠٠٨على ١٨٠ كم/س في مصر

المشاركة الأصلية كتبت بواسطة hamode89

انا كده بوفقك الرأي لان لو20 متر وعربيه abs هتاقدر انها تنزل من 180 ل100 او حتى أقل ثم الاصطدام بجسم متحرك اخف بكتييييير من جسم ثابت(عمود النور مثلا)

انا كنت بعلق بس على كلمة180 لأن اي حد بيقرا الموضع هيفتكر انو دخل فعلا علا 180
تحياتي يا مان

الفرامل ال abs لا تقلل من المسافة اللازمة من لحظة ضرب الفرملة حتي تمام التوقف بالعكس هي تزيد زيادة طفيفة في حال استعمال الفرامل الabs كل الفكرة في الفرامل الabs انها تعطيك تحكم اعلي في العربية في اثناء هذة الفترة(من لحظة ضرب الفرملة حتي تمام التوقف) و دة عشان الكاوتش مبيقفش و بالتالي العربية مبتعومش والقصة اللي كلنا عارفينها دية:)

واضح طبعا ان السرعة حصل لها drop كبير خلال ال 20 m دول و دة يحسب للعربية فعلن بالاضافة لعوامل الامان الموجودة فيها كل دة خلاها تطلع من الموقف دة بالخسائر دية بس.....

انا هقول رأيي فى الموضوع و محدش يزعل...انا شايف ان صاحب العربيه خياله واسع شويه و بيتفرج على افلام كرتون كتير...

اولا على حد علمى، الايرباج مبتفتحش لو الحزام مش مربوط، لانها هتكسر رقبته فورا...يبقى اول حاجه، السواق و اللى جمبه كانو رابطين الحزام.

ثانيا انا مش شايف اى كسر فى الدركسيون غير مكان مالايرباج ما فتحت، و اعتقد ان دماغ الراجل كانت هاتتكسر قبل ماتكسر الدركسيون، و اصلا كل ده ماحصلش لان الراجل كان رابط الحزام...و حتى لو مش رابطه، ازاى دماغه هتكسر الدركسيون و الايرباج بينهم؟

ثالثا، انا مش متخيل ازاى الكرسى هيتكسر و هيتكسر من انهى حته اصلا، و لنفترض ان بعد ما دماغ الراجل كسرت الدركسيون راح جسمه كسر الكرسى، هو مش المفروض ان على الاقل ضلع يتخلع ان مكانش يتكسر؟

رابعا، بيقول ان العربيه بعد ما خبطها كانت على شكل V يعنى خبط العربيه فى نصها مش فى الاكصدام...و الصدمات الجانبيه بتبقى اوحش حاجه لان ديه اضعف حته فى العربيه، بدليل ان عادة فى اختبارات التصادم العربيه بتجيب نجوم اقل فى التصادم الجانبي من الامامى..يعنى العربيه التانيه اخدت كل الصدمه.

خامسا، لو فعلا كان خبط العربيه التانيه بالجنب و هو بيحاول يفاديها، كانت على الاقل عربيته هتلف ده لو متقلبتش...

سادسا، انا بقترح اننا نعذب الراجل ده لحد مايقول اللى حصل بجد :D

المشاركة الأصلية كتبت بواسطة Ahmed REDA

الفرامل ال abs لا تقلل من المسافة اللازمة من لحظة ضرب الفرملة حتي تمام التوقف بالعكس هي تزيد زيادة طفيفة في حال استعمال الفرامل الabs كل الفكرة في الفرامل الabs انها تعطيك تحكم اعلي في العربية في اثناء هذة الفترة(من لحظة ضرب الفرملة حتي تمام التوقف) و دة عشان الكاوتش مبيقفش و بالتالي العربية مبتعومش والقصة اللي كلنا عارفينها دية:)

واضح طبعا ان السرعة حصل لها drop كبير خلال ال 20 m دول و دة يحسب للعربية فعلن بالاضافة لعوامل الامان الموجودة فيها كل دة خلاها تطلع من الموقف دة بالخسائر دية بس.....

انا عندى واحد صحبى شغال فى Bosch فى الفريق المسؤل عن تطوير ال ABS و سألته على موضوع مسافة التوقف ده، قاللى ان الABS احسن من الفرامل العاديه فى كل الاحوال ماعدا لما يكون فى زلط على الارض، و على فكره ال ABS انواع و اجيال مختلفه مش كله زى بعضه.

[quote=mars3v;327989]انا هقول رأيي فى الموضوع و محدش يزعل...انا شايف ان صاحب العربيه خياله واسع شويه و بيتفرج على افلام كرتون كتير...

المشاركة الأصلية كتبت بواسطة mars3v

إنت لو مكانه وعامل حادثة وأخوك لسة مقلوبة بيه العربية من كام يوم مش هتهول وتألف في الحادثة وبالذات إنه راجل كبير مش عيل صغير . وهيستفيد إيه إنه يقول كدة أحسنله يقول أنا كنت ماشي على ٦٠ وأعصابي هاديه علشان التأمين ميتلككلوش


اولا على حد علمى، الايرباج مبتفتحش لو الحزام مش مربوط، لانها هتكسر رقبته فورا...يبقى اول حاجه، السواق و اللى جمبه كانو رابطين الحزام.
يا سلام ولو عمل حادثة زي دي والاير باج مفتحش كان زمان مش رقبته بس إلي انكسرت دة كان ضلوعه ودماغه وكل حتة في جسمه يبقى الافضل انها تفتح وموضوع كسرها للرقبة دة مش في كل الحالات دة تحذير بس لربط الحزام .


ثانيا انا مش شايف اى كسر فى الدركسيون غير مكان مالايرباج ما فتحت، و اعتقد ان دماغ الراجل كانت هاتتكسر قبل ماتكسر الدركسيون، و اصلا كل ده ماحصلش لان الراجل كان رابط الحزام...و حتى لو مش رابطه، ازاى دماغه هتكسر الدركسيون و الايرباج بينهم؟
دقق كويس هتلاقي إلدريكسيون داخل من فوق ناحية العدادات وعمود الدركسيون التلسكوبي إنضغط لجوه على الآخر علشان الدركسيون ميكسرش رقبته ولا ضلوعه ويمتص الاصطدام بالاير باج




ثالثا، انا مش متخيل ازاى الكرسى هيتكسر و هيتكسر من انهى حته اصلا، و لنفترض ان بعد ما دماغ الراجل كسرت الدركسيون راح جسمه كسر الكرسى، هو مش المفروض ان على الاقل ضلع يتخلع ان مكانش يتكسر؟
بلاش تتخيل صوره الكرسي أهيه



رابعا، بيقول ان العربيه بعد ما خبطها كانت على شكل V يعنى خبط العربيه فى نصها مش فى الاكصدام...و الصدمات الجانبيه بتبقى اوحش حاجه لان ديه اضعف حته فى العربيه، بدليل ان عادة فى اختبارات التصادم العربيه بتجيب نجوم اقل فى التصادم الجانبي من الامامى..يعنى العربيه التانيه اخدت كل الصدمه.
ودة جه في صالح الليون كمان علشان كدة طلعت الليون بأقل خسائر ممكنه


خامسا، لو فعلا كان خبط العربيه التانيه بالجنب و هو بيحاول يفاديها، كانت على الاقل عربيته هتلف ده لو متقلبتش...
عربيته تلف ازاي د أنا إلي كنت أرفع قضية على سيات مش هو امال التراكشن كونترول وال-ESP وال EBD وال- DSR و ٧ أنظمة الامان اللي حطينهم تحت دول لزمتهم إيه لو مشتغلوش في المواقف الحرجة دي


سادسا، انا بقترح اننا نعذب الراجل ده لحد مايقول اللى حصل بجد :D
كفاية اللي هوة فيه عربيتين وأخوه في يوم واحد





انا عندى واحد صحبى شغال فى Bosch فى الفريق المسؤل عن تطوير ال ABS و سألته على موضوع مسافة التوقف ده، قاللى ان الABS احسن من الفرامل العاديه فى كل الاحوال ماعدا لما يكون فى زلط على الارض، و على فكره ال ABS انواع و اجيال مختلفه مش كله زى بعضه.
أنا جربت الموضوع دة في ال off roading و فعلاً ال graded road من أكبر أعداء ال-ABS

Thanks
Eng.Sherif Shaker

انا عارف يا (احمد رضا ) ان ال abs فيدته التحكم اثناء الفرمله
بس انا بقول كده لان انا معرفش الارض كانت ناشفه ولا عليها ميه ولا مطينه

لا حول و لا قوة إلا بالله ..