كلام ذى الفل :arghh:
عرض للطباعة
شكراً على التحليل والنقاش الهادئ
بس حبيت أذكركم بحاجة ودي أنا قلتها قبل كدة
أولاً في إختبارات الأمان مفيش فرامل نهائي يعني صدمة مباشرة بدون كبح للقوة ودة معناه إن طاقة الحركة بتبقى عاليه جداً وتسبب ضرر أعلى
ودة عكس اللي حصل هنا اللي فرمل فيها اخينا من مسافة معقولة وكمان حاول تفادي الصدمة ودة الطبيعي في أي حادثة
تاني حاجه بالنسبة لإختبارات الأمان أيضاً
الاصطدام بيكون في جسم ثابت مش متحرك ودة بيسبب كمان ضرر أعلى على عكس اللي حصل هنا اللي فيها العربية خبطت في عربية تانية متحركة يعني في إمتصاص للصدمة من الجسم المصدوم عكس إختبارات الأمان اللي بيطبق فيها أعنف الظروف الممكنة
بمعنى الصدمة على ٦٠ بجسم ثابت توازي في ضررها الإصطدام على سرعه أعلى بكتير لكن بجسم متحرك !
أخيراً لو تلاحظوا الاصطدام كان بشيء أعلى من الليون في الإرتفاع ودة واضح في الضرر أعلى الكابوت
Thanks
Eng.Sherif Shaker
انا واحد قريبى معاه ليون اخدها منه واجرب الموضوع ده بنفسى:tank:
لا لا لا لا العربيه الحمد لله علي الحادثه دي ممتازة
سيب الموضوع الاصلي
انا عاوز رايتوت يقولو لينا
واحد ماشي علي 180 نعمل فيه ايه ياتوت
المشكله انه طلع سليم من الحادثه والحمد لله
ممكن نكتفي بالخسائر اللي حصلت في سيارته ولا انت ليك راي تاني انه المفروض يدفع تصليح السيارة الاخري بغض النظر عن اليو ترن
ايه رايك يا توت
انا اعتقد ان الراجل حصل لذاكرتة حاجة بعد الحادث ونسى الارقام فمكن عندنا حلين
1- نكشف على الراجل عند دكتور مخ واعصاب ودا يكلفك 1000 جنية بالاشعة والتحاليل
2- ناخد الراجل لموقع الحادث تانى ممكن يستعيد الذاكرة ويفتكر شريط الذاكرة تانى وبكدا الشريط مش هيكون سافف
3- نخبطة على راسة بحديدة خبطة واحدة فى مؤخرة الراس ممكن يستعيد الزاكرة
4- نجيب عربية تانية ونجرب بنفسنا على نفس الطريق وعلى نفس السرعة ونشوف ايه اللى حصل
بس ممكن منطلعش احنا وحضنا بقى
هاهاهاها مداعبات هاهاها
بصوا يا جماعه تقولوا ايه في عربيه خبططت في تاكسي لاد من غير فرامل
و من غير خدش حتى
دي البسات بتاعتي موديل 99 بس كنت ماشي 50 و التاكسي الادا ستر ربنا انه ماكنش دايس فرامل يا دوب واقف بيركب زبون من نص الشارع
و في نفس الوقت دخلت في هيونداي و فانوس الاشاره اتكسر و النمره اتعوجت و برضه مافيش خدش
و الله يا أخي الكريم
الموضوع نسبي شوية في مصر
يعني الراجل اللي ماشي على 180 ده
قمة في الإستهبال و الإستعباط و اللامبالة و قلة الضمير و طبعا ده بيثبت أن أحنا أكيد أكيد في ج ع ع
يعني أيه يمشي على 180 كم /س ..... و معاه ناس تانية على الطريق
مهما تكون الأعذار ......... مهما تكون الأسباب
ده بيثبت أن أحنا بنعيش في دولة من دول العالم الثالث الفاشل
المفروض الغلط يقع على السيارة اللي في المنعطف بسبب دخوله طريق ليس طريقه و قطع الطريق على سيارات أخرى
و الأخ التاني أبو 180 ........... طبعا غلطان و الغلط راكبه من ساسة لرأسه علشان السرعة الجنونية اللي ماشي عليها
و لأن في جمهوريتنا الغراء ........ ج ع ع ......... مفيش قانون بيحكم مين له الأولوية في الطريق
و برضه مفيش ناس بتلتزم بالقانون حتى لو موجود لأن مفيش حد بيطبقه نهائي
يبقى هانقول أيه ؟؟
حتى لو طلع بتاع المنعطف هو اللي غلطان !!!
مين هايجبره يصلح العربية ؟؟؟
يبقى الخسران هنا
اللي مش مركز و معندوش صبر و مش ماشي على سرعة معقولة
و حسبي الله و نعم الوكيل