السلام عليكم و رحمة الله و بركاته
يا جماعة ممكن أضيف حاجة على الموضوع ده
الموضوع فعلا قديم و مفتوح من فترة كبيرة و لكن .... و لكن ..... و لكن
من أسبوع تقريبا شوفت بعيني BMW قمة الألماني في الصناعة و الأمان ( عربية موديل 2002 تقريبا )
عاملة حادثة تقريبا على سرعة عالية هاتكون من 100 إلى 130
و العربية معجونة لغاية الكنبة الخلفية و السواق أصبح كفتة ( الله يرحمه بقى ) الموتور و الكابينة بقوا قطعة واحدة
مفيش حاجة أمان .......... مفيش حاجة أمان .......... مفيش حاجة أمان
ياريت الناس تتعظ و تبطل تمشي بسرعات عالية
و تبطل تعمل غرز ........ و تبطل تعمل غرز عمياني كمان ....
لأن بتاع البي أم كان بيعمل غرزة عمياني و مش شايف الطريق و لبس في عربية نقل كانت ماشية مش راكنة
فياريت نتعلم و نفهم ......... أن الحرص مش حرام ......بالعكس ده حفاظ على حياتك و ممتلكاتك
و لسة واحد زميلنا في المنتدى هنا عامل حادثة علشان كان بيفادي أوتوبيس عمياني و بدل ما يقلل سرعته ........ داس بنزين و لقى عربية راكنة على الطريق و المهم في الأخر لبس في الخرسانة اللي في نص الطريق و عربيته أتبهدلت بس الحمد لله العلي القدير أنه هو طلع منها سليم و لم يؤذي أحد معه في الحادث
العجلة من الشيطان ........ و في التآني السلامة
120 كم - س .......... كحد أقصى للسرعة لما يكون الطريق مفتوح مناسب قوي قوي قوي
و الألتزام بسرعة الطريق طبعا يكون أفضل و آآمن و يبعد عنك الشر و الشرطة ( تصدقوا أول مرة أخد بالي أني كلمة شرطة بتبدأ ب شر ... !!!! )
اللهم بلغت اللهم فأشهد