الموضوع: الكلاب منكدة عليا انا زهقت

المشاركة الأصلية كتبت بواسطة eng.m mahran

ولا ترش ولا حاجة سيبها كده زى و ربنا يباركلك فيها

والله ياباشا انا عايز اعمل زاى مانتا قلت كدة بس منظر العربية زبالة اووى

ما انت لو رشتها مش هتبقى حليت المشكله لان حتى لما ترشها الكلاب هترجع تقعد فوقها برضه لان اكيد مش هيتكسفوا يجرحوها. الحل ان حضرتك تدور على جراج او ساحه انتظار حواليك و تركن العربيه فيها و حتى كمان علشان الامان و مش مشكله لو كان بعيد شويه. هو للاسف اللون الاسود برغم انه شكله حلو بالليل لكنه غير ملائم فى مصر و نادرا ما ستجد عربيه سوداء بدون خرابيش مهما كان نوعها لانه بيتأثر بالتراب و اى خربشه بسيطه بتبان فيه حتى لو كانت من فوطه التنظيف و زى ما قلتلك حاول تدور على جراج او ساحه انتظار تشترك فيها و ده هيبقى أامن و ممكن كمان يغسلوهالك و يخللوا بالهم عليها و لما تطمن ان المشكله اتحلت ابقى رش الاجزاء اللى اتجرحت او اعملها بالواكس على حسب عمق الخدوش

المشاركة الأصلية كتبت بواسطة mohammedabdallh

سيبها كدا احسن شويه على الاقل علشان العين وحاول تركنها فى جراج علشان الكلاب
سوال معلشى تستهلاك البنزين اد ايه جو وبره البلد والضريبه اد ايه فى السنه معلشى هتعبك معايا

تسلم ياباشا على الرد
والله انا راكنها فى الجراج بس الجرج مليان كلاب
البنزين انا لسة محستبهاش
لكن هى استهلاكها كويس بنسبة ل 3700 سى سى
هو ضعف اللنترا لى كانت معايا بدل ما كنت بمون كل اسبوع ب 70
دلوقتى بمون كل اسبوع ب 120
بنسبة للضريبة اول سنة 5200
وكل سنة بتقل 10 فى المية
نتهم لله الحرامية