الموضوع: الموضوع مقلق بجد

اعتقد بعد تجربتي مع خدمة عملاء نيسان انها من اسواء الادارات التي يمكن التعامل معها لانني حجزت عربية صني الجديدة مع معرض السبع بميدان الحرية بمصر الجديدة يوم 18/06/2012
مع مندوب بالمعرض اسمة حسين وكان الكلام ان التسليم في خلال 20 يوم وبعد العشرين يوم كانت الحجة بتاعت الموزع ان المصنع مش بيديهم عربيات يسلموها للعملاء ولكني صبرت وكنت اتصل كل كام يوم اسئل ولكن لا جديد الرد الجاهز هو لا توجد عربيات للتسليم وفي يوم 17/7/2012 قمت
بالذهاب الي المعرض لاتوصل لحل و قابلت مدير المعرض الاستاذ محمود الذي كان كل دورة ان القي باللوم علي المندوب انة قالي التسليم خلال عشرين يوم وانة المفروض انة مكنش يعطيني ميعاد اصلا لانهم هما مش عارفين المصنع بيصنع عربيات ولا وقف الانتاج و مرضيش حتي يقولي اي ميعاد تاني كل لما اسئلة يقولي ربنا يسهل لما يجي دورك هنتصل بيك مشيت واتصلت بالهوت لاين بتاع نيسان في نفس اليوم وكل لما اكلمهم يقولي لسة الرد مجاش بكرة هنكلمك نبلغك بالرد و محدش يتصل واتصل تاني يوم وهكذا لحد لما لقيت المعرض بيكلمني يوم 24/7/2012
بيقولي ان العربية هتبقي موجودة وهنكلمك بالليل نقولك تستلم امتي ومحدش كلمني وتاني يوم محدش كلمني و يوم 26/7/2012 الي هو امبارح قولت اكمهم انا لاقيتة بيقولي والله المصنع ضحك علينا ومجبش لينا عربيات بقالة 3 ايام
قلت اكلم قسم الشكاوي تاني وهو فات 10 ايام علي الشكوي يمكن يقولولي ميعاد لاقيت بتوع خدمة العملاء بيقولولي ان قسم الشكاوي مشغول مش هيقدر يرد عليك دلوقتي وهو هيتصل بيك تاني يعني بيتهربو من الرد قلتلها انا مش هقفل غير لما اكلمهم قالتلي بس كده هستني كتير قلت مش مهم بس اخد رد منهم استنيت حوالي ربع ساعة وبعدين رد عليا واحد وقالي انتظر لحد لما يجيبلي الرد وانتظرت خمس دقايق ورجعلي تاني الي انة مفيش لسة رد واتصل تاني بعد كام يوم علي ما يصعدو الشكوي
انا بجد خلاص مش عارف اعمل اية واية العربية البديلة لو حد ينصحني بس في سعر 100,000.00 جنية مش تزيد.

نفس المشكلة مع معرض السبع بالظبط بس فرع المنصورة.......مفروض استلم بعد شهر ....يعنى يوم 25/7 اتصل بيهم يقولى مدير المعرض لا حضرت فهمت غلط الميعاد 29 .....يعنى انا بكدب عليك مثلا؟؟؟ اتصل تانى يقولى سيادتك خليك معانا لاول الشهر .....بس ف عربية لونها دهبى ممكن نديهالك ب 104 بدل 100 مش عارف هو ده توكيل لشركة محترمة ولا دكان بقالة؟؟؟؟ ياريت حد يرد على يقولى اشتكى ازاى......واتصرف ازاى ف الموضوع
ياخوانا الكلام ده من موقع نيسان ايجبت على الفيس بوك بس انا شلت اسامى الناس اللى كاتبه المواضيع ياريت لو حد يقدر يفهمنا اللى بيحصل معقولة بعد ما نستنى ده كله الموزع يجى و يقول 104 الواحد لو عارف كده كان اشتراها من سمير ريان قبل رمضان ب102 قال و الواحد كان مستغليها و يقول حرام 2000 جنيه فى الارض. هما الاخوة اليابنيين على علم بالموضوع ولا ايه بالضبط