محتاج اعرف شويه حاجات

**olver** · 29-07-2012 03:18 AM

دلوقتى انا عندى نيسان صنى موديل 2010 اوتوماتك و عامله 50,000 و عايز اعرف زيت الفتيس نظامو ايه اغيرو كولو و لا كميه معينه و بيتغير كل كام الف و تانى حاجه هو سير الكاتينه فيها جنزير و لا كاوتش و لو جنزير مش هيتغير صح ولا ايه ؟؟؟؟؟؟؟

**Elsebily** · 29-07-2012 10:16 AM

بالنسبه لسير الكاتينه فهو جنزير ومش هيتغير اما بالنسبه لزيت الفتيس الاوتوماتيك فالموضوع ده شائك حبتين وفيه اراء كتير سمعتها في الاوتوماتيك ناس تقول بعد 70 الف وناس تقول بعد 40 الف وناس تقول لما تحس بمشاكل في الفتيس ولكن بصراحه المفروض انك ترجع للتوكيل في الموضوع ده وبالذات لاني المانيول للسياره نفسه مش مكتوب فيه مدة التغيير ومكتوب (عليك مراجعة الوكيل) وانا شخصيا ارشحلك التوكيل لاني في فلتر لزيت الفتيس الاوتوماتيك المفروض انه هيتنضف وأعتقد انهم هيهتمو اكتر بتنضيفه وعندهم طرق افضل لتنضيفه أكيد

**olver** · 29-07-2012 06:22 PM

الف شكر ليك يا باشا و ربنا يكرمك انشاء الله انما مفيش حد كده يجى يحسم الموضوع بتاع زيت الفتيس ده !!!!!!!

**tarekiooo** · 29-07-2012 07:39 PM

فى اى محطة بنزين محترمه تكشف على زيت الفتيس وشوف لزوجتة ولونه
عادى يعنى

**olver** · 29-07-2012 11:01 PM

يا باشا الف شكر على ردك انما الى انا نفسى افهموا الزيت بيتغير على كام الف نفسى اعرف لان انا زهقت و الكتالوج و دفتر الصيانه و لا موضحين اى حاجه انما كتالوج الفورد ولا يعلى عليه بصراحه ممكن حد يرد عليا