لا اطمنو مش فلم من افلامي
هو فيلم بس مش قوي يعني
انا بس بحب اوجه رسالة رسالة بسيطة قوي
في الايام القليلة الماضية
اكتشفت حاجتين حلوين قوي هنقول يا حلولي
منهم فئة معينة من سائقين الدرجات النارية مش هخش في تفاصيل مين هما
وطبعا الفئة دي مستحيل تلاقي حد منهم هنا
طيب هستفاد اية لما اكتب الموضوع
هستفاد ان لو حد شاف حد منهم صدفة يحاول يفهمهم
اول موقف قابلتة
ان شفت بيك ما شاء الله عليها كانت 400 بتجري في الشارع الساعة 3 بليل
البيك طيارة ما شاء الله وملهاش اي صوت
والبايكر لابس خوذة وجونتي وسيفتي
هتقولي عرفت منين هقولك لاني اعرفة
طيب اية المشكلة المشكلة لما تلاقي بيجري وراه بيك علية واحد شعرة عامل زي المكرونة
ومركب وراه اتنين
ومشغل اغنية اديني ياما تحت السلم
وشايل الشكمان وحاطط مكان الشكمان ميك وموصلو علي صب
علي اساس انو ديفل
وبيجري عاوز يلحقو
طبعا حاجة مستفزة قال اية عشان يعلم عليه
لانة برنس الليل وبرنس البرانيس وملك ملوك الصيني في مصر

طيب
النوعية التانية
نوعية قائدي السيارات
ودي انا قابلت منهم كتير
وبجميع الفئات
يقفل عليك عشان متعديهوش لانة متغاظ منك
لية معرفش
ودي حصلتلي اني كنت ماشي في جامعة الدول وفجاة لقيت واحد راكب جمب مراتة وعربية نضيفة باصصلي بقرف وماشي جمبي
معني ولا منظري مقزز ولا حاجة وكنت لابس السيفتي كامل ومحدش شايف مني حاجة
ويفضل باصصلي بصة قرف وراح فاتح الازاز ويحدف الله اعلم اية ويقوم قافل عليا قفلة موت
طبعا ربنا يخلي الصحبة الحلوة والراجل اتعلم انو ميعملش كدة تاني
وفيه نوعية الشباب منهم
تلاقي عربية نضيفة غالبا بتاعت الوالد وتلاقي واحد سايق بتناكة قوي
والكنبة 3
وكلة مولع سجاير
ومايكل شوماخر سايق ويقولك متوريني حركاتك
وعامل نفسة الشاب اللزيز
واول خبطة ينزل يعيط عربية ابويااا يخرب بيتك يا معرفش اية
يتحول من كائن روش ولزيز لقطة بتعيط يا عيني


الفئة التالتة اصحاب الصيني اللي هم نفس الفئة اللي في بالي لما يربكو ياباني
ودي حصلت مرتين قدامي وناس ماتت فيها
اخرهم كانت علي اكتوبر وانت نازل نزلة الدقي اللفة الجامدة دي
معرفش يتحكم اتقلب نطل علي الناحية التانية داست علي راسة عربية وشفتها بعيني

واخر حاجة هقولها
الحوادث كترت قوي وانا ملاحظ كدة
مفيش مرة اخرج فيها والا لما الاقي فيها حادثة موتوسيكل
فيا ريت نحترم شوية البايكر المحترم اللي خايف علي نفسة
ولا نزنق عليه بقي ولا نلاقي اللي بيحاول يجري وراه عشان ازاي وازاي

وربنا يستر طريقنا كلنا يا رب