فيه بايكرز محترمين جداً, و بيبان عليهم..
إنما للأسف..
من كتر إنتشار الموتوسيكلات الصينى, و غالباً معظم اللى سايقينها بيبقوا فئة معينة مسترخصة و أهى توصيلة..
و طبعاً بتوع التوصيل .. مع إحترامى التام ليهم لأنهم فعلاً مهمين..
ده غير _ ولو إنها حاجة بعيدة شوية_ الإنتشار الرهييييييييب للناس اللى بتسرق و هيا سايقة موتوسيكل..
الفئات دى أصلاً حرام يتقال إنهم بايكرز أو بيسوقوا.. لأن أغلبهم سواقته بتبقى عبارة عن إنه عايز يجرى و ياخد غرز أدام أى حد و فى أى إتجاه و يالا بقى زى ما تيجى, تيجى..
يعنى حصلتلى كتير, أكون ماشية على سرعتى و الاقى واحد ابن حلال راح واخد الطريق من أخر الشمال لليمين قدام العربية..
طب انا واحدة لسه بسوق جديد.. لو إرتبكت و شيلته مثلاً مفروض أخد ذنبه؟؟
ده غير ان مفيش حاجة إسمها سايفتى عندهم أصلاً ! يعنى زى ما قلت لو وقع وقعة فى طريق عربيات ماشية بسرعتها عادى يبقى شكراً..
الفكرة إن لسوء قيادة كتير أوى من البايكرز خاصة اللى ذكرتهم فوق, الناس بقى عندها فوبيا من أى حد سايق موتوسيكل, سواء كان حد محترم أو حد أى كلام, عشان مفيش حد ساق فى مصر و محصلوش موقف بايخ من حد سايق موتوسيكل.. عشان كده بيتصرفوا كده.. زى بالظيط الفوبيا من سواقة السيدات..
طبعاً ده ظلم أوى للبايكر المحترم اللى ماشى صح, بس للأسف, السيئة تعم..
المفضلات