معايا 40 ألف ومحتار بين كام حاجة

**msami2k** · 26-06-2008 11:12 AM

المشاركة الأصلية كتبت بواسطة ahmedshawky

طب ايه رايك في ميتوبيشي لانسر عيون صفيه ادخل علي الينك دي
http://www.nilemotors.net/Nile/showthread.php?t=28231

قديمة جدا وعاملة عمرة كمان
انا تهمني الحالة انها تكون كويسة مش عاوز حاجة قديمة قوي ، برضه 18 سنة كتير

**Ahmad Allawy** · 26-06-2008 11:40 AM

السلام عليكم..

هاقولك رأيي..
الابيزا اللي بالسعر ده.. في عندك ال1300.. ودي نازلة اصلا من غير تكييف..
التكييف اللي فيها الناس مركباه.. مش نازل من المصنع كده..
الموديل ال1000 سي سي نازل اصلا تكييف و باور
لو هتختار يبقي هتضحي بحاجة علي حساب حاجة..

البولو بيتهيألي انها مش هتستحمل زي الابيزا.. (و باقول بيتهيألي عشان محدش يفهمني غلط..)

الفابيا.. لو بالسعر ده يبقي هتجيب ال1200 ودي موتور 3 سلندر.. و تعبانه قوي..
و بلاش منها احسن.. لو 1400 يبقي افضل.. بس سعرها مش هيقل عن 45 الف..

الفليشيا.. بيتهيألي لو بتتكلم في ابيزا و بولو.. يبقي انسي السكودا القديم ده نهائي.. تكنولوجي قديمة بقي و راحت عليها في رأيي يعني.. في احسن من كده..
الفورد اسكورت سيبك من ها تماما..(في رأيي) توكيل تعبان جدا و سيء للغاية..
قطع غيارها مش متوفرة..ولو لقيتها ممكن تكون غالية شوية..

الكلام اللي قولته ده بناء علي قراية و ليس التجربة الشخصية..
اللي شايف ان كلامي فيه شيء من الغلط.. يصحح لي.. عشان مابقاش قولت معلومات غلط..
و اتعلم الصح انا كمان..

**ahmedshawky** · 26-06-2008 01:58 PM

هو انا بس لاقيتها مطابقه للمواصفات اللي انت عايزها
بس انا كان ليا اعتراض ان العمره دي عشان الموتور يبقي جديد تاني والعربيه حالتها ممتازه
عمومنا دي اختلافات في الاذواق
طبعا البولو عربيه حلوه بس صغيره شويه
فانا في الاختيارات دي بضم رايي للبولو

**lightspeed** · 29-07-2008 06:33 AM

من وجهه نظرى الابيزا مناسبه جدا
ملحوظه: ركز فى كلام xpert عشان فيه الخلاصه

**mohamed ibiza** · 29-07-2008 08:53 AM

المشاركة الأصلية كتبت بواسطة msami2k

جزاكم الله خيرا جميعا على ردودكم
الواحد مكانش عارف ان شراء العربية صعب قوي كده
وخصوصا لو مستعملة

المشكلة مشكلة نظيفة قوي
تلاقيها فين وتتأكد ازاي ؟؟؟؟؟؟؟؟؟؟
دي محتاجة توفيق ربنا

لأ انا مش مصمم على دول
دول مجرد اقتراحات متجمعة من المنتدي بناء على كلام الناس اللي هنا
هما اللى حببوني فى العربيات دي

على فكرة انا شوفت ابيزا وبولو وفابيا 2000 بحوالي 40 الف بس حالتهم معرفش

انت قصدك ان الابيزاا 94 أحسن من 99 ولا هيا مشكلة فلوس
لأن الابيزا 99 انا لقيتها ب 39-42 ألف وال94 لقيتها 37-39 ألف
فالفرق حوالي الفيين جنيه بس وبينهم فيه خمس سنين
انا متوقع ان حالة ال 99 احسن من 94
عشان كده انا بفكر فى 99 ولا انت ايه رأيك

أنا قدامي واحدة 99 على 40 المفروض انها كويسة ماشية 190 متركبلها تكييف وبيقول انها مش محتاجة حاجة وبلاقي كتير بالمواصفات دي

لما ألاقي ابيزا إن شاء الله
أكشف عليها فين في انهي محطة بنزين أو انهي ميكانيكي يكون شاطر وأمين ويعرف يقدرها كويس من غير غش أو طلسأة
ياريت يكون قريب من مدينة نصر او وسط البلد

جزاكم الله خيرا ومعذرة على التعب

لا انا قصدي ان الابيزا 94 احسن من 99 و علي فكرة ممكن تلاقي 99 حالتها تعبانه و تلاقي 94 حالتها حلوة و لو لقيت ابيزا ابعتلي علي الخاص و انا اقولك كل اللازم

**msami2k** · 29-07-2008 10:22 AM

أنا الحمد لله أشتريت ابيزا 2000 يوم الجمعة اللي فات وفتحت موضوع فى قسم سيات
بعنوان" لأول مرة ، وابيزاكمان"

جزاكم الله خيرا على النصائح والردود والمشاركة
محمد

**mohamed ibiza** · 29-07-2008 10:31 AM

الفين مبروك يا باشا و اي حاجة تحتاجها الزعيم موجود متتكسفش و ان شاء الله افيدك فيها

**dental__h** · 08-08-2008 06:55 PM

ايييييييه فين الأوبل كورسا يا رجالة؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

**Ahmad Allawy** · 08-08-2008 07:12 PM

مالها الكورسا بس..؟؟
لو اي حاجة ف الكورسا انا تحت امرك..

**hicho1001** · 17-08-2008 12:12 AM

ابعد عن الموديلات التسعينات حتقرفك لو بولو زى ما كانت قرفانى بولو 97 وفكر فى كورولا 94 او اكسنت او لانوس يعنى الكرولا لو سليمة حتعيش معاك ولو كورى اهى حاجاتها الاصلية موجودة جديدة وبالتراب مش زى البولو مش موجود اصاى الا استيراد والجديد مش اصلى وغالى وحتلاقى الابيزا نفس النظام والفيليشيا عربيه سيئة جدا والفابيا 3 سلندر بصراحة البولو والابيزا ركوبة يس المشكلة فى اللى قلتلك عليه