معايا 40 ألف ومحتار بين كام حاجة

**msami2k** · 25-06-2008 11:22 PM

معايا 40 ألف بلم فيهم من اليمين والشمال
لو زادو مش هيزيدو كتير
عاوز أشتري عربية مستعملة تتوافر فيها المواصفات التالية
- تكفي عائلة صغيرة
-أغيرها كمان 3-5 سنين بحاجة أكبر من غير ما أخسر فيها كتير
- شكلها حلو واسمها كويس
- قطع غيارها مش غالية "متوسطة أو رخيصة"
- أول سواقة ليا فمتتعبنيش فى الصيانة واتعلم فيها السواقة والميكانيكا "من غير ما تطلع عيني"
- ميفرقش الحجم قوي و أوبشنز كويسة وتكييف
- تكفي تحركات كتير داخل القاهرة "متوسط من 50 - 100 كيلو يوميا" كلهم داخل القاهرة

فايه رأيكم

أنا فكرت فى الابيزا وحبيتها وفكرت فى البولو وفكرت فى الفلشيا أو الفابيا والاسكورت وفتحت موضوع بطلبهم فيه

لكن كل ما اكلم حد عن واحدة يرشحلى واحدة تانية لحد ما طلع عيني
انا عاوز أقرب واحدة تنطبق عليها المواصفات دي
وبعدين انا مش عاوزكم تحيروني
كل واحد ياريت يقول انا برشح دي لأنها بينطبق عليها كذا وكذا وبرفض دي لأنها سيئة فى كذا
واللي عنده اقتراح تاني يقووووووووووووووووول وميتكسفش
احنا عندنا ديموقراطية
"كل واحد يقول اللي هوا عاوزه والحكومة بتعمل اللى هيا عاوزاه"

**Xpert** · 25-06-2008 11:37 PM

المشاركة الأصلية كتبت بواسطة msami2k

معايا 40 ألف بلم فيهم من اليمين والشمال
لو زادو مش هيزيدو كتير
عاوز أشتري عربية مستعملة تتوافر فيها المواصفات التالية
- تكفي عائلة صغيرة
-أغيرها كمان 3-5 سنين بحاجة أكبر من غير ما أخسر فيها كتير
- شكلها حلو واسمها كويس
- قطع غيارها مش غالية "متوسطة أو رخيصة"
- أول سواقة ليا فمتتعبنيش فى الصيانة واتعلم فيها السواقة والميكانيكا "من غير ما تطلع عيني"
- ميفرقش الحجم قوي و أوبشنز كويسة وتكييف
- تكفي تحركات كتير داخل القاهرة "متوسط من 50 - 100 كيلو يوميا" كلهم داخل القاهرة

فايه رأيكم

أنا فكرت فى الابيزا وحبيتها وفكرت فى البولو وفكرت فى الفلشيا أو الفابيا والاسكورت وفتحت موضوع بطلبهم فيه

لكن كل ما اكلم حد عن واحدة يرشحلى واحدة تانية لحد ما طلع عيني

انا عاوز أقرب واحدة تنطبق عليها المواصفات دي
وبعدين انا مش عاوزكم تحيروني

كل واحد ياريت يقول انا برشح دي لأنها بينطبق عليها كذا وكذا وبرفض دي لأنها سيئة فى كذا
واللي عنده اقتراح تاني يقووووووووووووووووول وميتكسفش

احنا عندنا ديموقراطية
"كل واحد يقول اللي هوا عاوزه والحكومة بتعمل اللى هيا عاوزاه"

و ممكن بعد ما نقول الحكومه تلمنا و تودينا السجن .. مافيش مشاكل برضه هههههههههههه

بص يا سيدي الفاضل و اقولها للمره المليون ... بجد بجد بجد بجد الموضوع مش اني انزل اشتري ايه .. اشتري العربيه اللي تلاقي حالتها اقرب من الزيرو .. بس خلاص
طلعت ايه العربيه دي بقي .. مش مشكله ...
ممكن تنزل تتفرج علي عربيات تلاقي فيات اونو بحاله الزيرو .. و ممكن تلاقي بي ام بحاله الخرده ... و اهه اسمه بي ام برضه .... يبقي تشتري ايه ؟ البي ام علشان انا قلتلك اشتري بي ام ؟ ولا تشتري الفيات علشان حالتها زيرو ؟
هوه ده المبداء .. سيبك من اشتري ايه دي بقي ...
احنا اه بنجزاء العربيات حسب بلد الصنع .. او حسب الشرائح الماديه .. انما الشريحه الواحده فيها اكتر من عربيه واحده ...
يعني مثلاُ :
شريحه ال 40 الف تجيب ايه ؟ فيات اونو - ايبيزا - بولو - 205 - ممكن 405 - بي ام .... و حاجات كتيره ... قطع الغيار مش مهمه بالنسبه لحاله العربيه ... لان انا لو اشتريت اونو بحاله الزيرو .. مش هاتحتاج قطع غيار ... انما لو اشتريت بي ام حاله تعبانه .. هاحتاج اصرف كتيير ...
و خد بالك .. الحاله مش بس الشكل من بره و الصالون .. فيه كمان حاجه اسمها عفشه .. :)
انزل و خد لفه و شوف العربيات المعروضه في السوق و عند التجار و عند الاقارب و عند المعارف و عند اي حد بيبيع .. و اللي تلاقي حالتها حلوه اتكل علي اللي و اشتريها ...

**mohamed2002** · 25-06-2008 11:47 PM

1 بولو
2 ابيزا
3اونو

**emadspeed** · 26-06-2008 02:14 AM

بص انا كنت حرشح لك الفابيا خصوصا لو كانت 1400 cc لكن المبلغ اللى معاك صعب تجيب بيهم فابيا
برده لنفس السبب مش حتعرف تجيب بولو او ابيزا موديلات من 2000 وطالع
انما لو انت مصمم على العربيات اللى ذكرتها يبقا عندك البولو عربية محترمة وفلوسها فيها بس دور كويس لان صعب دلوقتى تلاقى حالة نضيفة منها
وربنا يوفقك

**muslem** · 26-06-2008 02:23 AM

انا ارشح بولو برضوة بس برضوة اللى تكون حالتها كويسة يكون احسن و خصوصا اللى قطع غيارها متوفرة

**sammor_28** · 26-06-2008 03:10 AM

انا برشحلك الأبيزا عربيه جامده جدا وحماله اسيه ومحترمه وقطع غيارها متوفره ومعقوله...
والأهم عمرها طويل وطبعا شكلها تحفه...
بس اهم حاجه تشوف واحده نظيفه قوي عشان متقرفكش...
وربنا يوفقك ان شاء الله

**mohamed ibiza** · 26-06-2008 05:12 AM

بص يا باشا انا هلعب في ملعبي:

ملعبي هو سيات و فولكس...

الابيزا و البولو و الفابيا

الابيزا 94 مالك ليها علي فكرة 1300 سي سي كربراتير سهلة الصيانة ناس كتير بيفهموا فيها ثبات رائع شكل لذيذ و ميعتبرش قديم و تكفي عائلة صغيرة و متوسطة كمان
قطع غيارها موجود منها كل حاجة من اول الالماني معاك لحد الصيني و اسعارها حلوة و انا دايس فيها و حافظها و لو احتاجت فيها حاجة متترددش انك تكلمي سواء قطع غيار او تصليح او صيانة اي حاجة تخص فولكس و سيات تبقي ملعبي عربية ممتازة بكل المقاييس و حمالة اسية و بتاعة فحت و ردم و شغالة زي النحلة و هتحبها جداااااااااااااا

البولو تختلف عن الابيزا في التحمل و الاعتمادية لانها مصممة اليجانس يوز اكتر من الابيزا لان الابيزا مكوناتها الميكانيكة جولف 2 مصممة للاستعمال الرياضي الشاق و العنف لكن البوبو فوكس او بولو 95 هاف انجكشن لكن اضيق من الابيزا و من جوا الابيزا احلي لان عندي التابلوه بتاع البولو و عارفه كويس و عارف بتاع الابيزا كويس

الفابيا هي هي البولو فمش هعيد الكلام تاني هي هي متفرقش في حاجة الا في الحاجت الخارجية كفوانيس و كده و الداخل بتاعها مختلف برضه او مكانك هجيب ابيزا 94 حالة نضيفة خصوصا ان مبلغ 40 الف يجيبلك حالة جيدة جدا و انا في ضهرك لو احتجت اي صيانة او قطع غيار

**msami2k** · 26-06-2008 09:30 AM

جزاكم الله خيرا جميعا على ردودكم
الواحد مكانش عارف ان شراء العربية صعب قوي كده
وخصوصا لو مستعملة

المشاركة الأصلية كتبت بواسطة sammor_28

انا برشحلك الأبيزا عربيه جامده جدا وحماله اسيه ومحترمه وقطع غيارها متوفره ومعقوله...
والأهم عمرها طويل وطبعا شكلها تحفه...
بس اهم حاجه تشوف واحده نظيفه قوي عشان متقرفكش...
وربنا يوفقك ان شاء الله

المشكلة مشكلة نظيفة قوي
تلاقيها فين وتتأكد ازاي ؟؟؟؟؟؟؟؟؟؟
دي محتاجة توفيق ربنا

المشاركة الأصلية كتبت بواسطة emadspeed

بص انا كنت حرشح لك الفابيا خصوصا لو كانت 1400 cc لكن المبلغ اللى معاك صعب تجيب بيهم فابيا
برده لنفس السبب مش حتعرف تجيب بولو او ابيزا موديلات من 2000 وطالع
انما لو انت مصمم على العربيات اللى ذكرتها يبقا عندك البولو عربية محترمة وفلوسها فيها بس دور كويس لان صعب دلوقتى تلاقى حالة نضيفة منها
وربنا يوفقك

لأ انا مش مصمم على دول
دول مجرد اقتراحات متجمعة من المنتدي بناء على كلام الناس اللي هنا
هما اللى حببوني فى العربيات دي

على فكرة انا شوفت ابيزا وبولو وفابيا 2000 بحوالي 40 الف بس حالتهم معرفش

المشاركة الأصلية كتبت بواسطة mohamed ibiza

بص يا باشا انا هلعب في ملعبي:

ملعبي هو سيات و فولكس...

الابيزا و البولو و الفابيا

الابيزا 94 مالك ليها علي فكرة 1300 سي سي كربراتير سهلة الصيانة ناس كتير بيفهموا فيها ثبات رائع شكل لذيذ و ميعتبرش قديم و تكفي عائلة صغيرة و متوسطة كمان
قطع غيارها موجود منها كل حاجة من اول الالماني معاك لحد الصيني و اسعارها حلوة و انا دايس فيها و حافظها و لو احتاجت فيها حاجة متترددش انك تكلمي سواء قطع غيار او تصليح او صيانة اي حاجة تخص فولكس و سيات تبقي ملعبي عربية ممتازة بكل المقاييس و حمالة اسية و بتاعة فحت و ردم و شغالة زي النحلة و هتحبها جداااااااااااااا

البولو تختلف عن الابيزا في التحمل و الاعتمادية لانها مصممة اليجانس يوز اكتر من الابيزا لان الابيزا مكوناتها الميكانيكة جولف 2 مصممة للاستعمال الرياضي الشاق و العنف لكن البوبو فوكس او بولو 95 هاف انجكشن لكن اضيق من الابيزا و من جوا الابيزا احلي لان عندي التابلوه بتاع البولو و عارفه كويس و عارف بتاع الابيزا كويس

الفابيا هي هي البولو فمش هعيد الكلام تاني هي هي متفرقش في حاجة الا في الحاجت الخارجية كفوانيس و كده و الداخل بتاعها مختلف برضه او مكانك هجيب ابيزا 94 حالة نضيفة خصوصا ان مبلغ 40 الف يجيبلك حالة جيدة جدا و انا في ضهرك لو احتجت اي صيانة او قطع غيار

انت قصدك ان الابيزاا 94 أحسن من 99 ولا هيا مشكلة فلوس
لأن الابيزا 99 انا لقيتها ب 39-42 ألف وال94 لقيتها 37-39 ألف
فالفرق حوالي الفيين جنيه بس وبينهم فيه خمس سنين
انا متوقع ان حالة ال 99 احسن من 94
عشان كده انا بفكر فى 99 ولا انت ايه رأيك

أنا قدامي واحدة 99 على 40 المفروض انها كويسة ماشية 190 متركبلها تكييف وبيقول انها مش محتاجة حاجة وبلاقي كتير بالمواصفات دي

لما ألاقي ابيزا إن شاء الله
أكشف عليها فين في انهي محطة بنزين أو انهي ميكانيكي يكون شاطر وأمين ويعرف يقدرها كويس من غير غش أو طلسأة
ياريت يكون قريب من مدينة نصر او وسط البلد

جزاكم الله خيرا ومعذرة على التعب

**احمدعبدالعزيز** · 26-06-2008 10:21 AM

الابيزا كويسه جدااااااااااااااااااااااا ااااااااااااا
لكن موديل 99 الموتور 1000 cc و موديلات 94 / 95 الموتور 1300 cc

وانا عن نفسى افضل الموتور 1300 cc