الموضوع: النجدة .. يا خبراء اللانوس

الأول كل سنة والجميع بخير ..
الحكاية بدأت من شهرين وانا ماشى بالعربية (لانوس 99) فجأة لقيت مفيش سحب بنزين يعنى ادوس على دواسة البنزين وكأننى بدوس عليها والعربية مش دايرة ، المهم اتصلت بالميكيانيكى بتاعى قاللى دى يا طلمبة البنزين او الكتاوت بتاعها .. وكنت قريب من الكهربائى شوية خدتها جزء جزء يعنى امشى شوية ويقف سحب البنزين اطفى العربية واستنى شوية وادورها تسحب شوية وهكذا الى ان وصلت للكهربائى قاللى نغير الطلمبة المهم جبت واحدة صينى بـ60 جنيه اللى كان موجود ساعتها فى محل قريب منه وركبها مشيت تمام حوالى شهرين والاسبوع الماضى فجأة لقيتها عملت نفس الكلام تانى .. المرة دى اتصلت بالكهربائى قاللى مستحيل تكون طلمبة يمكن فلتر البنزين المهم اتصلت بالميكانيكى قاللى الفلتر ما يعملش كده خاصة ان ده بيحصل لما تكون العربية مشيت شوية كويسيين فى الحر ده .. المهم رحت اشتريت طلمبة تانية كورى بـ150 جنيه اسمها kgf وفلتر بنزين وكتاوت للطلمبة وركبتهم .. مفيش كام يوم وعملت تانى كده النهاردة .. الغريبة النهاردة انها بتمشى وفجأة الاقى مافيش بنزين وقبل ما تقف الاقى سحب النزين رجع تانى وهكذا .. ارجوكم حد يقوللى إيه اللى بيحصل ده.

وأنت طيب ياغالي
كل الردود دي كويسة وبعد ماتجربها هأقول لك عن تجربة شخصية وراجعها يمكن تكون هى دى المشكلة ، بعد ماركبت طرمبة البنزين اشغلت كويس جدا وبعد كدة تقطع وتشتغل وبعد المراجعة ودوخة طلع سلك الكبل الي بيغذي الطرمبة كان الكهربائي الي ركبها ربط مسمار علي أحد السلوك الموصلة للطرمبة ومع الركوب والحركة تقطع وتشتغل ، طبعا انا عارف انه احتمال بعيد ولكن يمكن وربنا معامك