الموضوع: كورسا 1997

العربية عاملة كيلوات قليلة جدا ودى حاجة كويسة طبعا لو العداد مش ملعوب فيه.
التكييف مش كويس على الماتور 1200 سى سى لانه بيدى قوة احصنة فى الاربعينات عك الماتور ال1000 سى سى الايكو تك بيدى حاجة و50 حصان وبيكون مجهز بالتكييف وبيكون معقول عليها بس فى المطالع لو معاك حد فى العربية بيتقل العربية جامد.
السعر لو الحالة ممتازة بيبقى فى اوائل ال30 نات ولو حضرتك محتاج التكييف والعربية عجباك الافضل تركب ماتور 1400 سى سى ايكو تك بتاع التيجرا بالفتيس والكونترولات والتكييف وكل دائرة التبريد للعربية وفى الحالة دى هتركب عربية اقوى وتكييف جامد .
لوملكش فى حوارات التسقيط يبقىعليك وعلى الفيكترا.دة طبعا لو انتى عايز تركب اوبل

انا معايا ال 95 بتاعتها

رايى خدها توكيل اكشف عليها ... مقار مثلا فى شارع التحرير هما حافظين العربيه و هيقولولك اللى فيها

عربيتى راكبلها تكييف ... هو بيقضى الغرض مش قوى و مش ضعيف ...

العربيه سرعتها القصوى 147 و انا شخصيا محاولتش اجيب بعد ال 140 و لو انها تجيب

بالنسبه للسعر لو العربيه 100 100 و رشه بره نضافه يبقى فى حدود ال29 لحد 32 و لو فبريكا بره كمان هتبقى اعلى من كده ... بص على الاسعار فى الوسيط و كونتاكت كارز

انا متشكر ليكم جدا" يا جماعه و جزاكم الله خير فى هذا الشهر الكريم

الفكرة ان العربية كانت عاجبانى لسببين اولا" انها ألمانى و انا اساسا" ماعنديش عربية فقلت العربية الألمانى هتبقى ممتازه.
ثانيا" ان العربية عامله عدد كيلوهات قليل و حالتها مش متهانه.

لكن بعد ما عرفت من حضراتكم ان التكييف مش هينفع عليها بصراحه ابتديت اصرف نظر عنها لانكم طبعا شايفين جو الصيف اللى بنبقى فيه ده بالاضافة انى عرفت ان صاحبها طال فيها مبلغ كبير 40 الف.
انا ممكن انزل معاه بس واحد بيقولى 40 الف هانزل معاه كام يعنى بكتيره 3 الاف اللى هما كنت هاعمل بيهم التكييف.
اخر سؤال هو انا ممكن ارفع أى عربية فى مقار ولا لازم أوبل و يا ترى الرفع بكام هناك ؟

و بكده هنبدأ رحلة البحث عن عربية مستعمله إستعمال نظيف من تاااانى :)

المشاركة الأصلية كتبت بواسطة toot70

انا ندي واحدة سودا موديل 1999 وكانت 1000 ومعدلها 1400 رشه رفرفين بس

كاوتش بريجستون جديد
رخصة لسه سنتين وانا المالك
فيها dvd بايونير ولو عاوز ركبلوا شاشات في الكراسي براحتك
سماعات الابواب الباين اصلي
رادياتير اصلي جديد استخدام شهر
بطاريه جديدة
لونها اسود
زجاج كهربا
باور كهربا
فوانيس عدسات اصلي (مش معمولة)
فوانيس خلفي تحفة كوري اصلي (مش معمولة)


كل اللي هتحتاجه كومبريسور وشحن تكييف وممكن اعملك خصم لغاية 32الف (هسيب ال 1000 بتوع التظبيط بتاع الكومبريسور والشحن مع انهم ارخص من كدا )


لو عاوزها كلمني

ياريت تنزل صور للعربية لسهولة البيع .موفق ان شاء الله فى البيع

المشاركة الأصلية كتبت بواسطة exelence

انا متشكر ليكم جدا" يا جماعه و جزاكم الله خير فى هذا الشهر الكريم

الفكرة ان العربية كانت عاجبانى لسببين اولا" انها ألمانى و انا اساسا" ماعنديش عربية فقلت العربية الألمانى هتبقى ممتازه.
ثانيا" ان العربية عامله عدد كيلوهات قليل و حالتها مش متهانه.

لكن بعد ما عرفت من حضراتكم ان التكييف مش هينفع عليها بصراحه ابتديت اصرف نظر عنها لانكم طبعا شايفين جو الصيف اللى بنبقى فيه ده بالاضافة انى عرفت ان صاحبها طال فيها مبلغ كبير 40 الف.
انا ممكن انزل معاه بس واحد بيقولى 40 الف هانزل معاه كام يعنى بكتيره 3 الاف اللى هما كنت هاعمل بيهم التكييف.
اخر سؤال هو انا ممكن ارفع أى عربية فى مقار ولا لازم أوبل و يا ترى الرفع بكام هناك ؟

و بكده هنبدأ رحلة البحث عن عربية مستعمله إستعمال نظيف من تاااانى :)

40؟؟؟؟؟

ايه المميز عشان تبقى 40؟ ديه حتى من غير تكييف!! الرقم مبالغ فيه جدا ... حتى لو فابريكا بره و جوه

التكييف عليها عندى شغال ... مش جبار بس بحمد ربنا انه موجود فى الحر ده

بص فى .......Cars انا اشتريت عربيتى منه

المشاركة الأصلية كتبت بواسطة toot70

انا ندي واحدة سودا موديل 1999 وكانت 1000 ومعدلها 1400 رشه رفرفين بس

كاوتش بريجستون جديد
رخصة لسه سنتين وانا المالك
فيها dvd بايونير ولو عاوز ركبلوا شاشات في الكراسي براحتك
سماعات الابواب الباين اصلي
رادياتير اصلي جديد استخدام شهر
بطاريه جديدة
لونها اسود
زجاج كهربا
باور كهربا
فوانيس عدسات اصلي (مش معمولة)
فوانيس خلفي تحفة كوري اصلي (مش معمولة)


كل اللي هتحتاجه كومبريسور وشحن تكييف وممكن اعملك خصم لغاية 32الف (هسيب ال 1000 بتوع التظبيط بتاع الكومبريسور والشحن مع انهم ارخص من كدا )


لو عاوزها كلمني

دى عامله كام كيلو و الحاله العامة للعربية عامله ايه و ينفع نرفعها فى مقار؟