لانسر كريستالة مخنوقه ونفسي افك خنقتها :(

**engineer140** · 30-07-2012 09:11 PM

استفسار يريت الاقى اجابتو ضرورى جددددددددددددددا
عربيتى كريستالة 99
لو انا ماشى على التانى مثلا ومكنتش واخده سرعه التانى وجيت ادوس بنزين بزياده شوية العربية تخنق مرة واحده
الحاجة التانية بعد ال 100 كم العربية تجمعها بطئ جدا وبحس انها بتاكل بنزين بزياده

بالله عليكم تفسرولى المشكلة ده مع العلم فيه ميكانيكى قالى عيب كرباتير وكان عايز يحلو بس انا مردتش لانى سمعت ان كربارتير الكريستالة مش اى حد يشتغل فيه

**SASA3** · 30-07-2012 10:17 PM

طب متنضف الكربراتير كويس الاول و بعدين اتاكد ان البوجيهات تمام و شيك تانى علشان الى انت بتقول عليه ده ممكن يكون عيب فعلا فى الكربراتير و ثمنة مش قليل برضه يعنى

هات المنضف و رشه فيه الاول و جرب او روح لحد ينضفهولك

**engineer140** · 31-07-2012 04:37 AM

جربت تنضيف الكاربتير وزى مهيا لسه مخنوقة ..... ومغير بوجيهات كمان
انا بس عايز اتأكد ان العيب كربارتير مش عير حاجة تانية

**hassanin_lada** · 31-07-2012 05:24 PM

لو في دخانه سوده طالعه يبقي اتأكد انه الكاربرتير.. بس روح لواحد نضيف لان اصلا الكاربرتير لما يتلعب فيه غالبا بيبقي خلاص امره انتهي

**engineer140** · 01-08-2012 09:04 PM

المشاركة الأصلية كتبت بواسطة bkaltalamana

لو في دخانه سوده طالعه يبقي اتأكد انه الكاربرتير.. بس روح لواحد نضيف لان اصلا الكاربرتير لما يتلعب فيه غالبا بيبقي خلاص امره انتهي

مفيش دخنة سوده ولادخنة بيضة ولا اى دخنة خالص حتى لو جبت اخر الدواسة بتاع البنزين الحمد لله
لكن موضوع الخنقة ده هيجننى وعايز اتأكد ان العيب كربراتير

**M.Elgergawy** · 01-08-2012 11:39 PM

لو بتحط بنزين 80 هو فعلا بيعمل كدا

**amrelsaqqa** · 01-08-2012 11:45 PM

كربراتير وممكن تكون الكهربا مأخرة او الموبينة ضعيفة

نضف الكربراتير كويس وغير طقم الكهربا كله واظبطه

ولو اتأكدت انها مشكلة كربراتير ، ما تخليش اي حد يلعب فيه

هل فيه ريحة بنزين نى في الشكمان او عادم لونه اسود؟

**hassanin_lada** · 03-08-2012 03:10 AM

التجميع بعد ال 100كم ليه اسباب كتير ممكن يكون وش السلندر وممكن يكون كهربا وممكن يكون طقم الدبرياج ..افضل شئ اعرضها علي كذا ميكانيكي بس يكونو محترمين واللي هيقولو عليه ويتفقو عليه اتكل علي الله فيه وربنا يهون عليك الوقف مع الصنيعيه في اليومين النار دول

**aboomar22** · 04-08-2012 01:17 AM

ممكن فعلا يكون عيب طقم دبرياج طيب حضرتك بعد المائة صوت الموتور بيعلى معاك لكن العربية مبتجمعش سرعة او لو كنت ماشى على سرعة بطيئة ودوست بنزين مرة واحدة صوت الموتور بيعلى معاك لكن السحب ضعيف ولا الموتور بيتخنق ومبيستجبش لو صوت الموتور بيعلى فى الحالتين غالبا دبرياج لو المتور مبيستجبش بيقى ممكن كربراتير

**engineer140** · 12-08-2012 11:20 PM

المشاركة الأصلية كتبت بواسطة aboomar22

ممكن فعلا يكون عيب طقم دبرياج طيب حضرتك بعد المائة صوت الموتور بيعلى معاك لكن العربية مبتجمعش سرعة او لو كنت ماشى على سرعة بطيئة ودوست بنزين مرة واحدة صوت الموتور بيعلى معاك لكن السحب ضعيف ولا الموتور بيتخنق ومبيستجبش لو صوت الموتور بيعلى فى الحالتين غالبا دبرياج لو المتور مبيستجبش بيقى ممكن كربراتير

صوت الماتور بيعلى والسحب ضعيف
فيه حاجة تانية لحظتها لو حبيت اخلى العجل يفرك على الاسفلت العربية مش بتقدر صوت الماكنة يعلى لكن مبتعملهاش
وممكن على الاول احرق لدرجة ان rpm يوصل ل 6 بس سحب العربية تعبان اوى
مع العلم الماكنه بتاعة العربية حالتها ممتازة ومفيش لا دخنة سوده ولا بيضة