ايه الفرق بين مساعدين kyb الموجوده فالسوق ومساعدين النيسان فى التوكيل

**anasnora** · 30-07-2012 11:40 PM

هل هى يابانى فعلا وتتحمل العربيه ولا هيبقى فى اختلاف وترزيع فالعربيه برجاء الافاده

**hossam_elwani** · 31-07-2012 12:07 AM

عموما kyp مساعدين ممتازه انا مركبهم عندى فى النيسان صنى ....................... 83

**lamada** · 31-07-2012 01:10 AM

متابع

**Land_Cruiser** · 31-07-2012 01:40 AM

طبعا ماركه kyb ماركه محترمه جداً و حضرتك ممكن تكلم اى توكيل لنيسان و تسأل عن الماركه اللى بيركبوا و انا متأكد بنسبه كبيره انهم بيحطوها فحضرتك اتأكد من نوعها و سعرها و بلد الصنع و اسأل عليها بره التوكيل و شوف فرق السعر يستاهل و لا لأ و خللى بالك ان السبع عامل تخفيض على قطع الغيار و المصنعيه حتى اخر رمضان و لو لقيت السعر متقارب او فرق بسيط ركبهم فى التوكيل و ريح دماغك و هما بالمره يبصولك على العفشه

**Karim Ibiza** · 31-07-2012 01:58 AM

انا كنت مركبهم عندى فى لادا وكانوا Gas-A-Just ولونهم ابيض وغاز على زيت وبصراحة كنت جايبهم استعمال وعاشوا معايا 5 سنين وبعت العربية وهما لسه شغالين وادائهم كان ممتاز بس هما انشف من الفبريكة ودى بالنسبة لى كانت ميزة مش عيب
فيه KYB موديل تانى GR-2 / Excel-G وده زيت فقط بس انا مجربتوش

**MITSUKERO** · 31-07-2012 10:40 AM

انا هقولك عن تجربتي بس في ميتسوبيشي لانسر مش في نيسان

اولا المساعدين الغاز اللي في السوق ناشفين جدا جدا بالمقارنه باللي كانوا في العربية و مش عايز اقولك الموضوع ده قارفني اد ايه

ثانيا النشفان ده بيحسسك ان العربية هتتفكك في الحفر الصغيرة و المطبات الغريبة اللي في شوارعنا

ثالثا انا عمري ما هجيب مساعدين من السوق تاني لان حسيت اني رميت فلوسي علي الارض

**khaledshaheen** · 04-08-2012 02:51 PM

هما اصلا مساعدين الصنى نوعهم ايه غاز ولا غاز على زيت

**tarekiooo** · 04-08-2012 07:00 PM

التجربة خير برهان

**Ahmed.TV** · 05-08-2012 11:19 PM

حضرتك اولا لازم تقولنا عربيتك موديل كام عشان نقدر نفيدك
بس علىا لعموم .. انزل على محمد جابر فى شارع دمشق
.. واشترى منه الاصلى .. لان الkyp تجيبها من عند حد موزع اصلى لنيسان .. عشان تعيش معاك