تكييف الواجا

**SOBHY_D** · 31-07-2012 09:34 PM

السلام عليكم ورحمة الله وبركاتة السادة اعضاء المنتدى الكرام كل عام وانتم بخير بمناسبة شهر رمضان امتلك سيارة واجا موديل 2006 ولسة جايبها من شهرين تقريبا بس قابلتنى مشكلة ف التكييف ان التكييف مش بيبرد وانت ماشى بالعربية على السلانسية ودة الصبح بس لكن لما تمشى بالعربية فوق ال 20كم يبرد كويس وبليل مش بقدر اشغل التكييف اكتر من 1 لانة بيبقى تلاجة غير ان العربية فيها حاجة اول لما بشغل التكيف rpm بيوصل لحد 500 وبحس بالعربية مخنوقة وبتنتش شوية . انا وديت العربية لعصام وصفا وقالى ان شحن التكييف عالى ظبطة ومشيت بيها اول يوم كان كويس وبعد كدة رجع لحالتة تفتكروا ياترى يكون اية علشان انا قلقان ومش فاهم الموضوع سببة اية ياريت اهل الخبرة ف المنتدى يفيدونا .

**Karim Ibiza** · 31-07-2012 11:08 PM

متابع

**SOBHY_D** · 02-08-2012 12:52 AM

اية ياجماعة مفيش اى كلام ولا اى معلومة عن اى حاجة و لااية

رمضاااااااااااااااان كريم

**eng.m7md.ali** · 02-08-2012 02:24 AM

مشكلة غريبة فعلاً
ان شاء الله خير
هما مكشفوش عليها بالكومبيوتر ولا كشفو على السربنتينة ؟

**SOBHY_D** · 02-08-2012 02:38 AM

المشاركة الأصلية كتبت بواسطة eng f3lix

مشكلة غريبة فعلاً
ان شاء الله خير
هما مكشفوش عليها بالكومبيوتر ولا كشفو على السربنتينة ؟

والله مش عارف موضوع الكشف بالكمبيوتر دة تقصد بية اية . بس هما مش كشفوا على السربنتينة

هما وصلوا التكييف على جهاز ( اعتقد هو دة الكمبيوتر ) وقعد حوالى ربع ساعة سحب الفريون وظبط الكمية وضخها تانى دة الى اتقالى وطلع ريبورت كدة بيقول الكمية الى اضخت وشوية حاجات كدة بس الفنى مش قلقنى من حاجة هناك بس الموضوع حصل تانى بعدها بيوم ولا اتنين مش عارف بقى ارجع ليهم تانى ولا اعمل اية ......؟

**mada3030** · 05-08-2012 04:31 PM

ارجع لهم تانى دول ناس مش عاجبينى اساسا انا عندى واجا وعندى نفس المشكله
الظاهر علشان وزن العربيه كبير والحمل فيها بيكون كتتير والتتكيف كمان دا بياثر على اداء العربيه