عيب مش لاقة حل ليها فى مصر اية الحل

**karkor30** · 01-08-2012 11:05 AM

شكرا للمعلومات

ومتابع

**amagroup** · 01-08-2012 11:24 AM

في وحده رفع لrbm في العربية وهو المسؤل عن انه يعلي الماكنية لما يشتغل التكييف كأنك دايس سنة بنزين دور علي طبعا انا معرفش إذا عندك الكتروني ولا ميكانيزم المهم دو الاول عليهعن سلك الاسلتير وشوف هل في رفاص بيشد السلك لما تشغل التكييف ولا لأ

**zrzr1** · 01-08-2012 01:41 PM

طيب ليه محدش جاب سيره air mass ؟ هو مش احتمال برده
أو فاقد في كهربة العربيه ودا اللي بيخلي كهربه العربيه واطيه؟؟

**haitham2011** · 01-08-2012 02:29 PM

ان شاء الله الموضوع مش هيخرج عن ابدل او tps زي مالرجاله قالو
جرب تفك البطاريه لمده 10 دقايق و تعمل ريستارت و بعدين ايدل ليرن و شوف الدنيا هتظبط معاك و لا لأ

انا كان عندي نفس المشكله و ظبطت الحمد لله بعد معملت كده

**revenger_345** · 01-08-2012 03:34 PM

المشاركة الأصلية كتبت بواسطة haitham2011

ان شاء الله الموضوع مش هيخرج عن ابدل او tps زي مالرجاله قالو
جرب تفك البطاريه لمده 10 دقايق و تعمل ريستارت و بعدين ايدل ليرن و شوف الدنيا هتظبط معاك و لا لأ

انا كان عندي نفس المشكله و ظبطت الحمد لله بعد معملت كده

يعنى ايه ايدل ليرن و ازاى انضف الايدل كنترول و فين مكانه فى العربية و ياريت لو سمحتو لو ممكن صور انا عربيتى استرا 1600 موديل 2003

**احمد.محمد.عابد** · 04-08-2012 06:11 AM

المشاركة الأصلية كتبت بواسطة zizo50001

عندى مشكلة فى عربية اخويا دوخت بيها على كل ورش مصر من اول عبدة لهيثم و محمود و علام وكل الناس بتوع الاوبل اللى فى الحرافين
المهم المشكلة العربية فى العادى ممتازة
اشغل التكيف فى اى مطب مع الفرامل العربية بتبطل
فى حاجة كمان لما اشغل التكيف و ادوس بنزين جامد لحد 3 ار بى ام و اسيب العربية الار بى ام ينزل عن 0.9 اكنها هتبطل وتعلق ثنية على كدة وبعدين تعلى تانى و فى اكتريت الوقت تبطل من الحركة دى

المهم جربت موبينة غريها
تنظيف البوابة و egr و الماف
غيرت الكمبيوتر بتاع المراوح ظبط شوية ورجعت تانى جربى حوالى 10 كمبيوترات تانى نظاف بس بتبطل تانى
مش عارف اعمل اية دخت
العربية استرا 1200 الماكنة السودا بوابة كهرباء

شوف يا باشا أنا كنت في مركز الصيانة وشوفت عربية نفس الموديل بتاع حضرتك وفيها نفس المشكلة وهي حاجة بسيطة جدًا ان شاء الله لان المهندس عملها في ثواني وانا سألتو كان فيها إيه وقالي بس مش فاكر والله كان إيه بس هي حاجة بسيطة لوتحب اعرفك عنوان مركز الصيانة دا أنا تحت أمرك

**zizo50001** · 04-08-2012 08:14 PM

ياريت ياباشا

**Ahmed Selim** · 05-08-2012 12:01 AM

بما أنك عاوز تعرف مركز صيانة كويس فأنا كان ليا تجربة مع مركز صيانة أوبل معتمد فى العباسية

المركز أسمه عاطف غالي.........و بصراحة أستاذ عاطف ده ممتااااااااااز......هو صاحب المركز.

لو عارف كوبرى أحمد سعيد.....و أنت جاى من غمرة بتنزل من تحت الكوبري و بتدخل اليمين اللى بعد كوك دور بعد 100 متر هتلاقى المركز على شمالك.

الراجل ده كان عندى مشكلة فى علبة دركسيون فيكترا 97 فى سنة 2004 و غيرت بسببها حوالى 5 علب دركسيون فى فترة أقل من شهر و منهم علبتين جداد..........كل ما أركب علبة تضرب زيت
و ديتهاله بعد لفة كويسة برة.......غير واحدة مستعملة و ضربت بعدها بيوم..........غير واحدة جديدة و ضربت بعدها بيومين.........رجعتله قالى سيبلى العربية و متجيش غير بعد ما أكلمك.
بعدها بيومين كلمنى و قالى تعالى أستلم العربية.....المشكلة أن كان فيه فى طرمبة الباور بلف مسؤول عن دخول الزيت للعلبة و ده شغال عادى و بلف تانى مسؤول عن رجوع الزيت من العلبة للطرمبة و ده اللى كان بايظ........الزيت كان بيدخل و مش بيخرج و العلبة تتملى و مع الضغط تضرب.

البلف ده كان بمصنعية تغييره بحوالى 200 جم..........و العلب اللى باظت سعرها يمكن كان يعدى ال 10 ألاف :)

و برضه بصراحة الراجل كان متعاون جداً لأنى كنت بصلح عنده على طول..........لما قالى نغير جديد قولتله مش معايا فلوسها............قالى أدفع اللى تدفعه و أبقى كمل الباقى براحتك.
خرجت من عنده دافع تمن علبة جديدة بس مع أنه غير علبة مستعملة و علبة تانية جديدة و الأتنين ضربو..........بس مقليش تلت التلاتة كام و لا حاول يعمل شغل عليا.

**احمد فهمى** · 05-08-2012 09:55 AM

هو غالباً tps او الكمبروسر قافش وده وارد جدا والايدل بيعمل كده لو محتاج تنضيف بس غريبه الناس اللى انت روحتلهم المفروض بيفهمو جرب صابر ورا محطة موبيل اللى فى رابعه اللى فيها منصور

-

الموضوع: عيب مش لاقة حل ليها فى مصر اية الحل

LinkBack

أدوات الموضوع

عرض

-

-

-

-

-

-

-

المواضيع المتشابهه

هل ليها حل !!

هل ليها حل !!

هل ليها حل ياريت لو ليها حد يفيدنى

معتقدش إن ليها حل

بعون الله انا خبير اسكودا اي عضو عندة اي مشكلة يكتبها وهيكون ليها الحل ان شاء الله

الكلمات الدلالية لهذا الموضوع

المفضلات

المفضلات

ضوابط المشاركة