تحميل التكيف على موتور العربية

**mezo_1978** · 01-08-2012 03:43 AM

السلام عليكم
انا معايا كيا سيراتو خليجى هاى لاين موديل 2010 وبصراحة مكنتش بشتكى خالص من التكيف لحد ما عملت صيانة الـ 40000 والفنى فى التوكيل فك سير المجموعة علشان بيكشف علية وركبة تانى . من بعدها حاسس ان كل ما بشغل التكيف بحس ان العربية بتموت والسحب بيبقى ضعيف جداا لكن التكيف شغال كويس والبرودة بتاعتة كويسة
مش عارف السبب ممكن يكون من ايه ممكن الافادة والنصيحة من الزملاء

**weezza** · 01-08-2012 07:02 AM

اغسل السربنتينه اللي قدام الريداتير في مغسله بس يغسلها كويس وجرب

**new_man** · 09-08-2012 11:30 PM

يمكن مونت بنزبن ردىء وهو السبب فكده

**chiko** · 10-08-2012 05:23 AM

هو لا بنزين و لا سربنتينا طبعآ .. البنزين ياثر علي العربيه بتكيف و من غير تكيف و السربنتينا تعمل سخونه و ملهاش علاقه بعفية العربيه ..

اقولك بقي ايه اللي حصل ... اللي حصل ان لما العبقري بتاع التوكيل فك السير .. و ركبه خلف معاه تقسيمه .. عشان كده العربيه مش زي ما كانت و متستغربش .. و تقول ازي ده توكيل و مش عارف ايه ..

في مصر كل شيئ ممكن لانهم بيجيو الصبيان من الورش و بيدربوهم و بعدين ينزليهم علي العملاء ..

عيز اقولك انهم بيجيبو اي حد بيشغلو في المراكز .. حتي لو بيسوق جرار ..

**egyseadragon** · 10-08-2012 05:37 AM

المشاركة الأصلية كتبت بواسطة chiko

اقولك بقي ايه اللي حصل ... اللي حصل ان لما العبقري بتاع التوكيل فك السير .. و ركبه خلف معاه تقسيمه .. عشان كده العربيه مش زي ما كانت و متستغربش ..

بس هو بيقول إنو فك سير المجموعة مش الكاتينة....وده مافيهوش تقسيمة

**egyseadragon** · 10-08-2012 05:39 AM

ممكن يكون شد السير جامد أكتر من اللازم

**chiko** · 10-08-2012 07:09 PM

طيب هو غيار جاحات تانيه زي الفلتر او البوجيهات او غيره ؟

**mezo_1978** · 15-08-2012 03:54 AM

انا غيرت زيت موتور وفلتر زيت وبوجيهات وفلتر تكيف وفلتر هواء وزيت فتيس وتيل امامى
انا خايف يكون الكموريسور محتاج يتحط له زيت او شحم او يحصل بعد كده قفش للكومبريسور

**buddha** · 20-08-2012 03:55 PM

chiko
يا عم شيكو لو التقسيمة خلفت العربية اصلا متدورش

ومشكلة السحب والتكيف الواحد صراحة مش لاقى ليها حل ...بس انا لما بركب عربية النترا الشكل قبل الاخير بسم الله ماشاء الله تكيف قوى وعزم المكنة فوق الممتاز ومش بيتاثر نهائى بالتكيف حتى لو طالع مطلع قوى وطويل

على العموم يارب حد يكون عارف السبب والحل