السلام عليكم ورحمة الله وبركاته

الحمد لله رب العالمين انا اشتريت رينو ميجان 2007 (مواصفات خليجي) الفئة الثانية (بدون فتحة سقف و مثبت سرعة) - عداد الكيلوميتر 69000 ، فابريكية بالكامل ، قبل ما اشتريها كشفت عليها النهاردة في الميكانيكون العرب و لاقيت فيها حبة مشاكل في العفشة ، لكن العربية حالتها كويسه عموما وصاحبها كان مهتم بيها ، علي العموم انا استخرت ربنا ونزلت في السعر واشتريتها ، محتاج مساعدتكم في تصليح المشاكل دي ، واسعار قطع الغيار وفين ممكن اصلحها ، لان اسعار الميكانيكون العرب غالية جدا جدا ، المشاكل اللي لاقتها واسعارها مشتمله المصنعية كالتالي:

1- علبة دريسكسيون ( ممكن امشي بيها كمان 20 ألف كيلو متر وسعرها بالمصناعية 3650 جنية)
2- بطاحة مساعد شمال (مقطوعة تماماً وسعرها 1150 بالمصنعية)
3-قاعدة فتيس (سعرها 315 جنية)
4-مساعد امامي شمال بعد الفك(770 جنية)
5- ترشيح زيت في البداية من المساعدين الخلفيين (لم يسعر عشان لسه في البداية)
6-كوتشة كوبلين خارجي يمين(510 جنية بالمصنعية)
7-كوبلين يمين بعد الفك (لو الوكتشة لم تصلح في ايقاف التلييك - سعر الكوبلن بالمصنعية 2950)
8- عدد 2 جنط خلفي يجب استعدالها (لم يسعر)
9- بلية عجل امامي شمال (750 جنية بالمصنيعة)


محتاج نصائحكم ......... ابدأ من فين ، وايه اللي ليه اولوية في التصليح ........ اشكركم