الحمد لله اشتريت ميجان 2007 ..... محتاج نصائكم

**t_kha83** · 02-08-2012 06:29 PM

المشاركة الأصلية كتبت بواسطة mohammedaladel

ألف مبروك ع العربية بس أنا مستغرب أزاى 2007 ومفيهاش مثبت سرعة ؟ أول فئة فى 2007 فيها مثبت سرعة بالنسبة للتصليح صلح فى محلات فى الحرفيين صقر قريش

هي الفئة الثانية مش الاولي ............ وهي مواصفات خليجي ............. فمفهاش مثبت سرعة

طيب حضرتك تعرف حد معين يكون ثقة و اتعاملت معاه؟ ويكون متخصص في العفشة

**t_kha83** · 02-08-2012 06:35 PM

المشاركة الأصلية كتبت بواسطة mohammedaladel

بغد ذكر الإصلاحات دى كلها ممكن حضرتك تقولنا انطباعك عنها وإنت سايق حاسس بإن العربية فعلا مش مظبوطة ياريت توصفلنا حاسس بإيه أثناء السواقة عشان نستفيد وإيه أعراض الأعطال دى اللى ظاهرة ليك وإيه اللى مش ظاهر ومظهرش غير فى الكشف

الحمد لله حالتها كويسه . محستش انها مش مظبوطة ......... العفشة نشفه سنة صغيرة ..... الزويا بتاعتها مظبوطة ......... المناورة بتاعتها في الملفات كويسه .......... في صوت طقطقة خفيف في الكبلن الأيمن وانا بكسر الدريكسيون جامد في الملفات ، مفيش اعطال ظاهره علي الشاشة ، مش بسمع صوت من ناحية العفشة عموما غير الكبلن وفي الملفات فقط ......... غير كدا هي جميلة وهي بحالتها دي ، ماشاء الله الميجان عربية محترمة جداً حتي ولو فيها مشاكل.....

لكن انا محتاج اصلح المشاكل دي عشان ماتزيدش .......... دعواتك الاقي حاجه ارخص من التوكيل وكويسه ..

**t_kha83** · 02-08-2012 06:37 PM

المشاركة الأصلية كتبت بواسطة ahmad--ezzat

مش عارف والله اقلك مبروك ولا اقلك حرام عليك

ليه كدا بس :) ........... الحمد لله رب العالمين .......... انا صليت استخارة وربنا كان مطمني اني اشتريها ...... دعواتك :)

**MohammedAladel** · 02-08-2012 07:06 PM

المشاركة الأصلية كتبت بواسطة t_kha83

ليه كدا بس :) ........... الحمد لله رب العالمين .......... انا صليت استخارة وربنا كان مطمني اني اشتريها ...... دعواتك :)

طبيعى إن بعد اللى كتبته وناس متعاملتش مع ميجان قبل كدا وواخدين عنها فكرة تانية خالص إنهم يتخضوا من اللى حضرتك كتبته عشان كدا أنا قصدت أسألك عن حالتها فى السواقة................. بالنسبة للصنايعية وكدا أنا لحد الوقت دا ما اتعاملتش مع حد ولكن انتظر فيه أعضاء كتير هيفيدوك بناس كويسة أسمع عن محل اسمه المصطفى فى صقر قريش

**MohammedAladel** · 02-08-2012 07:22 PM

دول شوية أرقام ناس أنا متعاملتش معاهم لكن صاحب السيارة اللى اشتريتها منه نصحنى بيهم
شركة الإيمان قطع غيار استيراد وجديد .... جمال القاضى
بلوك 12_محل رقم 9 أمام مسجد العزيز _الحرفيين
رقم التليفون :01008999208
شركة سيف وعدى بالزيتون
0198764420
0112299824
رينو عين شمس ....... مصطفى كامل
16 عين شمس الشرقية
م: 0127468514
ت:24914010
رينو حاتم لقطع غيار السيارات ( حاتم ومحمد محمود)
31ش العشرين عين شمس الشرقية ت:22971032
م:01008342813
01006578015
01007862964
عادل بالمعادى 211 أ عمارات صقر قريش بالمعادى
م :01001718256
شوف أى محل بيبيع وقارن بين الأسعار والأنواع المعروضة وهات الأفضل وإبقى قول لنا عملت إيه ....... بالتوفيق

**Ahmed Selim** · 02-08-2012 08:28 PM

ألف مبروك عليك العربية و ربنا يديك خيرها و يكفيك شرها إن شاء الله.

بص يا باشا..............هو الكشف فى التوكيل أو مراكز الخدمة فيه حاجة.........أنه بيطلعلك القطط الفطسانة فى العربية..............بمعنى أن لو قطعة حالتها 60 أو 70% هيقولك عاوزة تتغير.

ده ممكن تعتبره عيب و ممكن تعتبره ميزة لأنه بيعرفك كل الحاجات اللى ممكن تقابلك فى العربية.

أنا مرة أشتريت فيكترا B و كشفت عليها فى التوكيل و من ضمن الحاجات اللى قالولى عليها ان كمبرسور التكييف عاوز يتغير..........أنا أشتريت العربية و بعتها بعدها بسنتين تقريباً بدون ما أعمل حاجة فى التكييف خالص :)

عموماً أنت عندك صقر قريش.....فيها المصطفى و عادل أسمع أنهم كويسين....بس أنا متعاملتش معاهم.
و عندك فى الحرفيين ممكن تنزل للعقيد خالد و هو هيقولك تشترى منين و تعمل أيه.
و ممكن تكلم أيمن momo10000 يبعتك لحد يخلصلك الحوار ده.

بالنسبة للأسعار...........حسب معلوماتى.
- علبة دريسكسيون ( من 1200 ل 1500 لو هتغير.............لو هتحشى بتبقى فى حدود ال 200 جم)
2- بطاحة مساعد شمال ( البطاحة جزئين.......الكاوتش و البلية......أعتقد الأتنين من برة التوكيل يعملو فى حدود 350 جم)
3-قاعدة فتيس ( أعتقد كانت فى حدود ال 150 جم )
4-مساعد امامي شمال بعد الفك( مش فاكر لأنى مغيرتش مساعدين قبل كده..........بس معلوماتى بتقول أن الأتنين الأمامى فى حدود 900 جم)
5- ترشيح زيت في البداية من المساعدين الخلفيين (مش عارف)
6-كوتشة كوبلين خارجي يمين(مش هتعدى ال 100 او 150 جم)
7-كوبلين يمين بعد الفك (ده فعلاً اللى ممكن يكون مكلف شوية...........لو قصدك على الكوبل الداخلى مش الخارجى.......اللى بيكون داخل فى الفتيس مش العجلة.....أعتقد أستيراد هيكون فى حدود نص تمنه فى التوكيل جديد بدون المصنعيات)
8- عدد 2 جنط خلفي يجب استعدالها (مش هيعملوهم.........مش بيستعدلوا جنوط.....بيغيروا بس)
9- بلية عجل امامي شمال (مش عارف)

أعتقد الأولى أنك تشوف الكوبلن طالما بيطقطق معاك فى الملفات

و بالنسبة للعلبة.........هل لو مشيت فى حتة مكسرة بتحس بتخبيط فى الدركسيون جامد ؟ ولا نص نص ؟ ولا بسيط ؟
لو جامد يبقى عاوزة تتغير قريب..........و لو نص نص يبقى براحتك فى التغيير.....و لو بسيط يبقى أنساها خالص دلوقتى.

البطاحة زى ما قولتلك جزئين.......و ممكن يكون عندك الكاوتش بس اللى عاوز يتغير و أعتقد أنه مش هيكون غالى
و لما تيجى تعمله أتأكد من تشحيم البلى بتاع البطاحات علشان لو التشحيم نشف البلى هيبوظ هو كمان.

**hossam_elwani** · 02-08-2012 10:25 PM

المشاركة الأصلية كتبت بواسطة humo

مبرووك عليك ويكفيك شرها
بالنسبة للعفشة دا موضوع عادي جدا وماتقلقشي
بس الاسعار كلمة مبالغ فيها حاجة قليلة
البطاحة سعرها عند عمران في الحرفيين ب 200 جنيه
وكاوتشة الكوبلن ب80 جنيه
الكوبلن دا سعره بيتراوح من 1450 ل 2100 وتركيبه ب 100 جنيه ودا الكوبلن كااامل مش يمين بس او شمال بس وكان اقل سعر عند وليد اللي في الحرفيين
ولو انت من طنطا او الغربية انا اعرف حد تمام بعمل شغلي عنده

الكوبلن فرنساوى ولا تركى ؟؟؟

وليه غالى كده ؟؟؟

**Ahmed Selim** · 02-08-2012 10:42 PM

المشاركة الأصلية كتبت بواسطة hossam_elwani

الكوبلن فرنساوى ولا تركى ؟؟؟

وليه غالى كده ؟؟؟

يا باشا كده مش غالى............هو بيتكلم على كوبلن كامل مش راس الكوبلن اللى بتركب فى العجل و تطقطق فى الملفات......زى اللى فى الصورة كده.

قارن بين السعر ده و سعر الكوبلن بتاع إلنترا كامل أستيراد هتلاقيه فى نفس الحدود.....يقل أو يزيد شوية.

الموضوع: الحمد لله اشتريت ميجان 2007 ..... محتاج نصائكم

LinkBack

أدوات الموضوع

عرض

-

-

المواضيع المتشابهه

محتاج مشورتكم ميجان 2007 ولا لانسر 2007 ولا ايه

اشتريت ميجان 2006 الحمد لله وعاوز رايكم في كام ملاحظة كده على السريع

اشتريت ميجان و محتاج رايكم

الحمد لله اشتريت ميجان بعد عناء لمده 3 شهور

اشتريت صني 2007 و محتاج مساعده

الكلمات الدلالية لهذا الموضوع

المفضلات

المفضلات

ضوابط المشاركة