سؤال عن موتور كورولا عيون

**nashwa.s.m** · 02-08-2012 07:29 PM

السلام عليكم دى اول مره ليا فى المنتدى هنا و اول سؤال اساله و اتمنى انى الاقى اجابته هنا عندكم
انا لسه شاريه عربيه كورولا عيون و لما رحت بيها للميكانيكى بيقولى الموتور محتاج عمره فكنت عاوزه اعرف لو حبيت اعمل عمره للموتور تتكلف كام و لو حبيت اجيب موتور استيراد هيبقى بكام و موتور العربيه 1300 يا ترى لازم لو جبت واحد استيراد لازم يكون 1300 بردو و لا ينفع 1600 و يا ريت لو تمن الاتنين تقريبا كام

**S O P H O S** · 02-08-2012 07:35 PM

اعتقد مفيش داعي لتغير السعة اللترية للماتور
مناسب جدا 1300 وعموما حضرتك متأكدة ان الماتور محتاج عمرة وايه الاعراض
ياريت تتأكدي ان الماتور فعلا محتاج عمرة من ميكانيكي موثوق فيه او مركز خدمة
ولو كده وتعرفي مكان موثوق فيه للعمرة مفيش مشكلة لو متعرفيش حد
يبقي وفري الفلوس افضل وهاتي ماتور وبلاش عمرة
وان شاء الله خير
مجرد راي ..

**hany63** · 04-08-2012 04:31 AM

طالما موتور هيتسقط يبقى ال ١٨٠٠ و ده اللي راكب في عربيات الشرطه بالمناسبه او ال ١٦٠٠ و بالتوفيق

**wlng76** · 05-12-2012 02:07 PM

عندى نفس المشكلة وبأفكر أشترى موتور استيراد أفضل بس لما سألت فى الحرفيين عرفت ان سعر 1300 حقن وقود بـ 5 آلاف جنيه وده طبعا هيحتاج تجهيزات خاصة أو يركب عليه الكاربيراتير القديم ... وبالنسبة للموتور 1300 كاربيراتير بـ 6 آلاف جنيه.

بس أعتقد انه فى بورسعيد هيكون أرخص .. وحاليا بأدور على صديق يكون فى بورسعيد يسألى عليه هناك