الكورى اتطور فى اية؟؟؟ سمسم يسال و الهيونداوية تجيب :)

**SAMEH_FOUAD** · 04-08-2012 05:57 PM

[frame="3 80"]
ماهية المشكلة انى بشوف حاجات غريبة على الكمبيوتر دة و يعنى لما تلاقى الكمبيوتر قارى 380 كم مسافة فاضلة وتمش شوية وتزود سرعة عربيتك 5 كم بس زيادة تلاقى القراية بقت 378 ثم 376 عشان بس زودت 5 كم , معلش انا شايفة غير صحيح بالمرة
[/frame]

ماهو بيتغير تبعا لتغير متوسط الاستهلاك لأن لما بتغير السرعة ممكن متوسط الاستهلاك بيعلي لأنك ممكن تكون حرقت شوية و الكمبيوتر بيعيد حساباته بناء علي المتوسط الجديد

و ممكن يحصل العكس أن متوسط الاستهلاك ينخفض فالمسافة المتبقية تزيد و ده تقدر تلاحظه بعد التفويل مباشرة أن قراءة المسافة المتبقية بتكون فيحدود ال 510 أو 520 كم و متوسط الاستهلاك بيكون علي أكثر من 11 لتر/ 100 كم و بمجرد التحرك و ان العربية تأخد سرعتها يبدأ متوسط الاستهلاك ينخفض تدريجيا الي 8 لتر/ 100 كم (انا باتكلم عن عربيتي) و هنا بترتفع قراءة المسافة المتبقية و قد تصل الي 530 كم بالرغم من أني قد أكون قطعت مسافة 5 أو 10 كم مثلا

واضح ان تكنولوجيا الالنترا لسه ماوصلتش هوندا علشان كده مش قادر تفهمها ياسمسم و ده اكبر دليل أن هيونداي أتطورت و قفزت بشكل أنتوا مش قادرين تلاحقوه

اما باقي كلامك فلن أعلق عليه و هأترك الاخوة نجوم هيونداي يعلقوا عليه او مايعلقوش

**SAMEH_FOUAD** · 04-08-2012 06:33 PM

المشاركة الأصلية كتبت بواسطة SE_coralsea

ماهو بيتغير تبعا لتغير متوسط الاستهلاك لأن لما بتغير السرعة ممكن متوسط الاستهلاك بيعلي لأنك ممكن تكون حرقت شوية و الكمبيوتر بيعيد حساباته بناء علي المتوسط الجديد

و ممكن يحصل العكس أن متوسط الاستهلاك ينخفض فالمسافة المتبقية تزيد و ده تقدر تلاحظه بعد التفويل مباشرة أن قراءة المسافة المتبقية بتكون فيحدود ال 510 أو 520 كم و متوسط الاستهلاك بيكون علي أكثر من 11 لتر/ 100 كم و بمجرد التحرك و ان العربية تأخد سرعتها يبدأ متوسط الاستهلاك ينخفض تدريجيا الي 8 لتر/ 100 كم (انا باتكلم عن عربيتي) و هنا بترتفع قراءة المسافة المتبقية و قد تصل الي 530 كم بالرغم من أني قد أكون قطعت مسافة 5 أو 10 كم مثلا

واضح ان تكنولوجيا الالنترا لسه ماوصلتش هوندا علشان كده مش قادر تفهمها ياسمسم و ده اكبر دليل أن هيونداي أتطورت و قفزت بشكل أنتوا مش قادرين تلاحقوه

اما باقي كلامك فلن أعلق عليه و هأترك الاخوة نجوم هيونداي يعلقوا عليه او مايعلقوش

دة على اساس اية معلش فى الهوندا ياباشا الاستهلاك بيطلع مظبوط فعلا واللى احنا بنستهلكة هو دة اللى بنمونة

لكن فى الهيونداى معلش ياباشا القرايات غير مظبوطة بالمرة , وبعدين انا بقولك زودت خمسة كم , هو كدة ابقى حرقت , ههههههههههههه

وتكنولوجيا اية ياباشا صلى على النبى خلى الطابق مستور

شركة هيونداى دية بالظبط عاملة زى المستهلك المصرى ,بيشترى ويركب وشكرا , هية بقى بتشترى وتركب وشكرا , عشان كدة ولا احنا تطورنا ولا هية عمرها هتتطور

هوندا لما اخترعت نظام ال vtec بهر العالم بقوتة , وتطورتة الى ان اصبح i-vtec
ودة النظام الوحيد اللى بيخرج قوة عالية من سى سى قليل بدون شواحن , ومايماثلة من انظمة من شركات يابانية كل الناس عارفاها

هيونداى بقى عملت اية اشتريت نظام مشابهة وركبتة على مواتيرها وياريتة نافع انما نظام تعبان و لا لية اى لزمة والله تشيلة احسن , عمرى ماسوقت عربية هيونداى وحسيت بوجودة فى المحرك بالعكس بشك كل مرة انة مش موجود اصلا واسم وخلاص زى حاجات كتير ماهية اسم ومنظر

وكويس اوى ياباشا كلمة (انا بتكلم عن عربيتى ) يعنى على كدة ممكن اركب هيونداى مالاقيش الارقام دية والاقى الاستهلاك زايد زى الشكاوى الكتير اللى عندكوا فى القسم

طيب قول بقى الحمد لله ان عربيتك مافيهاش العيب دة

**SAMEH_FOUAD** · 04-08-2012 07:39 PM

المشاركة الأصلية كتبت بواسطة SE_coralsea

ماهو برضه و انا باتكلم عن التجربة في عربيتي اللي الكمبيوتر بيطلعه بيكون مطابق لحسباتي و اللي بأمونه

اما الشكاوي فواحد او اثنين مش شكاوي و قبل كده أنت قولت نفس الكلام و عملت موضوع لتجميع الشكاوي لاقيت 2 أو 3 و هما عاملين مواضيع مكررة و بعد كده ماحدش أشتكي

و أنا لما شرحت طريقة الاستفادة من ميزة الايكو ماحدش أشتكي بعد كده و بالعكس كل اللي قابلتهم و معاهم ألنترا md ماحدش بيشتكي من الاستهلاك بالعكس بيشكروا في العربية

بطل أشاعات ياسمسم و شيل الالنترا من دماغك

ياباشا هو كام واحد معاة ال md فى القسم ؟؟؟؟؟؟

معلش ياباشا الeco mode مالوش اى تأثير فى العربية سواء فى استهلاك او فى محرك والله انا سوقتها بية محستش بأى حاجة نهائى

وانتوا نفسكوا اعترفتوا ان فعلا نظام ال eco mode منظر بس

معلش ياباشا انا مش بطلع اشاعات , حضرتك ممكن تشوف استطلاع رأى كدة اللى معاة النترا و rb وتشوف الاستهلاك معاهم كام على سرعات ماتعديش ال 100 كم داخل المدينة
وساعتها هتعرف انا بطلع اشاعات ولا لأ ؟؟؟

وانا هحط الالنترا لية فى دماغى ياباشا انتوا اللى شيلوا الهوندا من دماغكوا وماتحاولوش تتدخلوها فى مقارنة مع هيونداى لان لسة بدرى جدااااااااااا

**abdulkhaleq** · 04-08-2012 08:42 PM

الى الأخ العزيز صاحب الموضوع
الفئه الاقدم من الالانترا كانت تعليق خلفي افضل وكانت abs والفئه الاعلى ارخص من الفئه الأعلى الحاليه بحوالي حاجه وتلاتين الف جنيه
حضرتك قايل تطور
وفي العربيات تطور = اختراعات
ممكن تحدثنا عن (اختراعات) هيونداي ؟

**abdulkhaleq** · 04-08-2012 09:58 PM

العربيات الكوري بصراحه عامله زي العطسه اللي مابتجيش :)

تحس انك معاك موتور بعزم جبار (مجرد احساس تخميني لحاجه لسه ماشفتهاش)
وفجأه drop down والموتور بيصوت عالفاضي

**devil_storm** · 04-08-2012 10:21 PM

المشاركة الأصلية كتبت بواسطة abdulkhaleq

الى الأخ العزيز صاحب الموضوع
الفئه الاقدم من الالانترا كانت تعليق خلفي افضل وكانت abs والفئه الاعلى ارخص من الفئه الأعلى الحاليه بحوالي حاجه وتلاتين الف جنيه
حضرتك قايل تطور
وفي العربيات تطور = اختراعات
ممكن تحدثنا عن (اختراعات) هيونداي ؟

مش معنى انها تعليق خلفى مستقل تبقى اثبت!!! انت ماش ورا كلام سمسم بس انت فاهم غلط :))) و الا كدة نقدر نقول الفيرنا اثبت من الالنترا الجديدة و الكروز و الفلوينس و الصنى و الكورلا و .... و .. و اثبت من الجيتا 2012 كمان!!!!

كمان تعليق الانسر بوما مستقل و تعليق الاوكتافيا كذلك هل ثبتهم ذى بعض ؟؟؟؟ الثبات مش مجرد نظام تعليق

الثبات بيعتمد على عوامل كتير جدا و حسابات معقدة مش مجرد نظام تعليق... يعنى بيعتمد على مساحة قاعدة العجلات و حجم الجنوط و ارتفاع السيارة عن الارض و السوست و المساعدين و ايروديناميكية السيارة و علبة الدركسيون و دقة التوجية و الباور و ... و .... يا باشا ده نوع الكوتش مش بس حجمه بيفرق فى الثبات تصور!!!

يعنى بجانب ثبات الالنترا انا كمان سوقت الكروز و الفلوينس و ثبتهم كويس جدا جدا... و الثلاثة اثبت طبعا من الانسر بوما اللى بتعليق مستقل... و طبعا الالنترا الجديدة اثبت من الموديل اللى قبلها مش عايزة كلام و انا باكدلك كده.

بخصوص تطور هيونداى فانا كتبت بعض الحجات اللى اتطورت فى الالنترا عن الموديل السابق... اما الاختراعات اللى انت بتسال عنها فالاول حدثنى عن اختراعات المنافسين:

سيفيك 2012 بالمقارنة بالموديل السابق
مازدا 2012 زوم بالمقارنة بالموديل السابق
كورولا 2012 بالمقارنة بالموديل السابق
لانسر شارك بالمقارنة بالبومة
جيتا 2012 بالمقارنة بالموديل السابق
فانتازيا 2012 بالمقارنة بالموديل بال a5

كلمنى عن الاختراعات اللى عملوها فى موديل 2012 علشان افهم يعنى ايه كلمة اختراع و اقدر اجوبك.

**Omar100** · 04-08-2012 10:27 PM

المشاركة الأصلية كتبت بواسطة semsem kane

معلش يااستاذ سمير مافيش عربية النترا بتعمل 250 كيلو فى الصفيحة , اقصى تقدير يوم ماتكون ماشى على سرعة 90 كم العربية ممكن تعمل معاك 210 كم

وبعدين معلش ياباشا حضرتك كاتب سرعة 30-40 , هو مين فى البلد بيمشى على سرعة 30-40 لية ماشى فين فى حارة

اكيد طبعا السرعة فى مصر مابتقلش عن سرعة 70 كم

وبعدين عشان حضرتك تبقى عارف ان افضل سرعة ليك فى استهلاك البنزين هية سرعة 90 بعد كدة وقبل كدة استهلاك بنزين عالى

انا صاحبى معاة ال rb العداد بيكتب 450 كم فى التفويلة وطبعا بتبقى اقل من كدة فعلى دة بالنسبالى رقم وهمى لان العربية مابتعديش ال400 كم فى افضل الاحوال

.........................

تنبيه بمراعاة اداب الحوار
فى حالة التكرار سيتم وقفك لمخالفة القاعدة 13
يرجى مراجعة قواعد المنتدى
10:02am 5/8/2012
م.ع.4

-

-

-

الموضوع: الكورى اتطور فى اية؟؟؟ سمسم يسال و الهيونداوية تجيب :)

LinkBack

أدوات الموضوع

عرض

-

-

المواضيع المتشابهه

لكل الهيونداوية . هام

العالم اتطور و احنا لسه بنقول تكييف تاتش ولا بكره

إلى كل الهيونداوية

الموضوع اتطور والتكييف باظ خالص ساعدوووووووووووووونى

لكل من يسال عن تكييف الماروتى

الكلمات الدلالية لهذا الموضوع

المفضلات

المفضلات

ضوابط المشاركة