الموضوع: الكورى اتطور فى اية؟؟؟ سمسم يسال و الهيونداوية تجيب :)

المشاركة الأصلية كتبت بواسطة mody3on

اكسيل واكسنت ! يا ديني

على اساس انك ماشوفتش الفيرنا والالنترا هههههههههه حبيبى والله يامودى بس انا بتكلم عن الهيونداى عموما بس عادة بحب اقارن العربيه بمثيلتها يعنى فى التسعينات الاكسيل والاكسنت كانو بيتقارنو بالسيفيك زى دلوقتى السفيك بتتقارن بالانترا

المشاركة الأصلية كتبت بواسطة mody3on

اللي بيتكلم على البلوتوث وبيسأل ببراءة هو البلوتوث اوبشن ؟ احب اقولك اقرا شوية عن الماركة اللي بتستميت عليها
او اعرف شوية معلومات عن تحفة هوندا سيفيك 2012 ، خش كده عالموقع بتاعكوا
honda egypt
واقرا كده بس تكون كويس في الانجليزي
bluetooth hands free telephone system ( hft ) / o
يعني موجود في ال vti بس
ومش موجود في ال lxi
يعني اختياري
يعني optional
يعني اوبشن مش ستاندرد
يعني fakultativ
يعني वैकल्पिक
يعني 任意の
يا ربي عالمكابرة ، لا المصريين فاهمين وبيتضحك عليهم وبياخدوا خوازيق ولا الاجانب فاهمين

سيبك يامودى ماتقنعنيش انى اروح اشترى عربية موديل 94 بتمن فيرنا جديدة الناس مش هبلة علشان تشترى عربية موديل 94 ب 60 الف جنية فاهمنى ولا لا يا اخى من ناحية الاوبشن كاسيت ب 500 جنية تجيب كل اللى انت عاوزو وزيادة شويتين تلاتة بس ماينفعش الهوندا تتقارن بالهيونداى اطلاقا وكل واحد ليه وجهة نظرو بس لازم الحقيقة تبان

المشاركة الأصلية كتبت بواسطة koshary

على اساس انك ماشوفتش الفيرنا والالنترا هههههههههه حبيبى والله يامودى بس انا بتكلم عن الهيونداى عموما

والفيرنا برضه من 1999 !
انا مش عارف فين الكلام اللي مش واضح ، ماضي هوندا ( العربيات القديمة ) يدي ماضي هيونداي بالجزمة القديمة ، وجديد هيونداي بيتفوق على هوندا دلوقتي في بعض الحاجات لو مكانش كلها
متجيش تقولي اكسيل ولا اكسنت بقى لان دي عربيات عفى عليها الزمن وهيونداي كانت بتجرب فيهم
:)

المشاركة الأصلية كتبت بواسطة koshary

سيبك يامودى ماتقنعنيش انى اروح اشترى عربية موديل 94 بتمن فيرنا جديدة الناس مش هبلة علشان تشترى عربية موديل 94 ب 60 الف جنية فاهمنى ولا لا يا اخى من ناحية الاوبشن كاسيت ب 500 جنية تجيب كل اللى انت عاوزو وزيادة شويتين تلاتة بس ماينفعش الهوندا تتقارن بالهيونداى اطلاقا وكل واحد ليه وجهة نظرو بس لازم الحقيقة تبان

مش موضوع كاسيت هي مش شقة عشان اجهزها والف اجيبلها بلوتوث من هنا وسنسور من هنا وكاميرا من هنا ومثبت سرعة من هنا ، ايوة البلوتوث اوبشن لو حاجة اساسية عند هوندا كان نزل ستاندرد ، وهوندا بتتقارن بهيونداي والله واتعملت مقارنات ومحصلش حاجة عادي يعني
وبسيرش بسيط على جوجل اكتب civic 2012 vs elantra 2012 هتلاقي مقارنات كتييييييييييير اقرأ شوية وهاتلي واحد بيقول هوندا لا تقارن بهيونداي :)

المشاركة الأصلية كتبت بواسطة semsem kane

والله الراجل بيتكلم على العربيات اللى كانت بتتسابق يوم الجمعة على ال n/a والصراحة فية تعليق جامد اتقال مافيش داعى نقولة
وبعدين انت اقصى محرك هيونداى النترا فى مصر بيخرج 130 حصان وفى الخارج بيخرج 135 حصان , احنا بقى ورينا امبارح كشرى ال 137 حصان اللى بجد مش هزار



ياعم والنبى بقى سيبك من الاوبشن الفاكس دة بلوتوث مين والناس ناييمن ,ياباشا احنا هوندا يعنى بنفكر فى حاجات اعلى من كدة بكتيييييييييييييييييييير ولا يهمنا بلوتوث ولا اى حاجة وهوندا اصلا منزلاها منظر بس , لكن اصل الهوندا ( محرك - ثبات - اعتمادية - امان - انظمة امان الخ الخ ) كل دة ينجمع ويتحط فى هوندااااااااااااااااااااا ا

لكن لو عايز بلوتوث - aux - usb - navigation - camera , حضرتك فية جهاز صينى بيتباع فية كل دة وب 500 جنية بس اية رأيك بقى واوفر عليك 10 الاف جنية بيضحك بيهم التوكيل على الناس عشان حبة التفاهات دول

ياباشا انتوا لية مش مقتنعين والله العظيم اللى احنا شوفنا امبارح انسى مافيش غير bmw هية اللى تسد فى الغرز لكن انسى بقى كورى والكلام دة دية عربيات عايزة معاملة حلوة وحنية , مالهاش دعوة بالوحوش اللى كانت بتجرى امبارح

هههههههههههههههههه والله كان نفسى تشوفوا , تخيل بقى لما كل الكلام كلة يتغير او تبطلوا تدخلوا قسم هيونداى اصلا

الالنترا برة 148 حصان راجع معلوماتك
بلوتوث مين والناس نايمين اه ، كلمني اكتر عن انظمة الامان المتطورة في هوندا وعن ال الخ الخ الخ ، كل اللي يهمك ثبات على 180 ودي اهتماماتك ، انا اهتماماتي غير كده لاني مش مهتم اني اجري على طرق بايظة واعرض حياتي للخطر ، وبعدين الصيني ده اللي بيركبه بتوع هوندا لما مبيلاقوش الحاجات دي في عربيتهم :)

المشاركة الأصلية كتبت بواسطة mody3on

الالنترا برة 148 حصان راجع معلوماتك
بلوتوث مين والناس نايمين اه ، كلمني اكتر عن انظمة الامان المتطورة في هوندا وعن ال الخ الخ الخ ، كل اللي يهمك ثبات على 180 ودي اهتماماتك ، انا اهتماماتي غير كده لاني مش مهتم اني اجري على طرق بايظة واعرض حياتي للخطر ، وبعدين الصيني ده اللي بيركبه بتوع هوندا لما مبيلاقوش الحاجات دي في عربيتهم :)

طيب تعالى ناخدها واحده واحده يارجالة واحنا ماورناش حاجة من رأيك يامودى ...

1- مين اثبت الانترا ولا السيفيك انا ركبت الاتنين ومن نظرى السيفيك اثبت بمراحل

2- التسارع هوندا بنظام i.vtec نظام متطور مالوش حل فى التسارع ولو ركبت العربيه وجريت بيها هتحس بكدا مش مشكلتى بقا الطرق بايظة الطرق سليمة اللى عاوز يجرى بيجرى وفى مثل عندنا بيقول ( اللى بيتعب بيلاقى ) وهوندا اخترعت نظام i.vtec وماشاء الله محدش يقدر يقول عليه كلمة ..

3- اعتمادية محدش يقدر يقول الهوندا غير اعتمادية لان اسمها معروف من زمان وقدرات عربياتها واضحة جداا وبدون تغير للاسوء وكل عربية تنزل لازم يكون فيها تكنيك انما الهيونداى فى هجوم شديد عليها من الناس اللى فاهمه فى العربيات وفاهمه يعنى ايه تكنيك

4- من حيث القوة والتحمل صاج الهوندا ميتقارنش بصاج الهيونداى تماما

5- ارجع لنقطة التكنيك هاتلى ميكانيكى يعرف يشتغل فيها الا لما يكون دارس وفاهم نظم معقدة جدا ودى فصالح الركيب ( صاحب العربية واللى بيركبها علشان تكنولوجيتها ) نيجى لهيونداى تكنولوجيا بدائية جدا وسهل اختراقها وتلفها

6- من حيث العفشة هوندا جمعت بين العفشه الرياضية والعفشة العادية متحسش جوة العربية بأى شىء ووقت ماتجرى تلاقى عفشة بجد مش تيجى عند 120 كيلو وتهيس اكيد الناس فاهمانى وعيب فحق شركة عاوزة تشتغل صح وتبيع صح تنزل عربية فيرنا عفشتها سيئة بالمنظر ده

7- من حيث قطع الغيار معاك ان قطع الغيار الهوندا غالية بس معمرة جدا وده من ملاكها بدليل انى ماشوفتش هوندا عطلانة ومفيش صاحب هوندا بيشتكى من قطع الغيار من حيث هيونداى بتقولو قطع الغيار فى فانوس النترا ب 1200 جنية وبتقولو قطع الغيار رخيصة


فى مقارنات تانية كتييييييييييير بس انا بشهد شهادة حق ان الهوندا تتفوق على الالنترا 2012

م الاخر مش اى حد يركب هوندا ومن حق اى حد يركب هيونداى ويتمتع بكل حاجه حلوة من وجهة نظركو فيها

طبعا نقطة الفرامل دى ليها موضوع لوحدها بس انا بجد دلوقتى مشغول جدا جدا وكنت عاوز اكمل حديث بس ورايا حاجات هعملها وراجعلكو تانى

المشاركة الأصلية كتبت بواسطة semsem kane

طيب يا devil مش انتوا قبل كدة عملتوا موضوع وcrypton قال ياجماعة ال eco mode مابيأثرش فى حاجة فى العربية دية ؟؟؟؟؟؟؟؟

يبقى ازاى بقى دلوقتى هيفرق ؟؟؟؟؟؟؟؟ فهموهالى ؟؟؟؟؟؟؟؟

انا ركبت ال rb ومافيش اى احساس بقلة استهلاك البنزين نهائى ولا فرق حاجة , العربية بتفول بعد الحركة بتعمل 455 كم داخل المدينة ودة قراية العداد بتاعت ال rb سيبكوا منى انا , انتوا مش عملتوا الموضوع دة

http://www.nilemotors.net/Nile/27986...de-2012-a.html

يا باشا اقرا ردودى فى الموضوع ده حتلقينى قلت 100 مرة ان ال eco mode بيفرق فى السحب و الاستهلاك, انا عن نفسى جربتة كتير و لقيتة بيفرق و فرق محسوس طبعا و قلت ده فى مشاركاتى ... انت بقى و كام عضو قالوا مش بيفرق اعملكم ايه, اضربكم يعنى ان بقول اللى شايفة و جربيتة بنفسى كذا مرة... اللى عايز يقتنع يقتنع اللى مش عايز ان شالله ما اقتنع حعمله ايه يعنى!!!!

و ادينى بقولها تانى ال eco mode بيفرق طبعا فى السحب و الاستهلاك يا جماعة و الكلام ده قلته كتير قبل كدة و انا جربتة بنفس كتير و من غير ما ابص على العداد ببقى عارف ال eco mode on or off من طلعت العربية و سحبها, ميهمنيش بقى انت تقتنع بالكلام ده ولا لا.