الموضوع: ليه توكيل رينو مابيعملش صيانة للعربيات الخليجي؟

السلام عليكم

انا اشتريت رينو ميجان 2007 من اسبوع تقريباً وهي قربت علي صيانة ال 70 الف ، والجميل في الموضوع انها عملت صيانة ال 60 الف في توكيل رينو اللي في العبور ومعايا الفواتير والكشف ، ومع ذلك اتصلت بيهم النهاردة عشان احجز ميعاد للصيانة ، ردوا عليه انهم مابيعملوش صيانة اصلاً للعربيات الخليجي ، مع اني كررت كذا مرة اني سألت في التوكيل قبل ما اشتري العربية وقالولي انها عملت صيانة ال 60 الف وكمان معايا الفواتير بتاعتها ، هي هي نفس الاجابة مابنعملش صيانات للعربيات الخليجي ، بدون اي توضيح ؟ وقالولي لو عايز تعمل صيانة روح لمراكز الخدمة المعتمدة زي الميكانيكيون العرب ، حاولت اكلم حد في الادارة ، النهاردة اجازة؟!!

حد عنده تفسير للكلام دا؟ وايه اخبار الميكانيكيون العرب في الصيانة ، انا كشف علي العربية عندهم والتقرير بتاعهم كان مختصر وبيوضح العيوب فقط ........ الحقيقة ماعجبنيش