الموضوع: نقاش مفتوح عن تعديل مقاس الجنوط والكاوتش لنيسان صنى الشكل الجديد

المشاركة الأصلية كتبت بواسطة ahmad--ezzat

احمد باشا صباح الفل اسمحلى اختلف معاك ونتخانق شويه :)...انا معاك ان ال 17 هيكون متعب على العربيه وطبعا عشان البلالين وشغل الرزع ومصر متتوصاش يعنى

بس ليه الجنط ال16 انت ضده !
بلعكس هيكون شكله شيك جدا جدا على الصنى الجديده ومش هيبقى متعب للعفشه ولما يكون ماركه محترمه مش هياثر على العفشه ولا حاجه
بصراحه صعب اوى اغير حنط 15 حديد ب جنط 15 سبور...مش هحس انى عملت انجاز يعنى

انا لو هغير بقى اغير مقاس الكاوتش فقط على الجنوط الحديد ومفيش داعى لاي جنوط سبور الا لو هكبر الجنط

انا كان عندى فى النوبيرا حنوط حديد مقاس 14..تعبت معاها جدا ضعيفه وبتتنى وشكلها زباله...وربنا وفقنى وجبت جنط المانى bbs مقاس 16
هو اينعم احساسى بالنقر زاد شويه انما شكله شيك ووازن العربيه جدا جدا...والمقاس عندى لو قلتهولك هتضحك...205/40/16 طبعا المره الجايه لما هغير الكاوتس هجيب ال 45 لان دة المقاس الصح عندى

فانا من راى ان ال 16 على النيسان هيبقى جميل جدا مع كاوتش مناسب وطرى + نيتروجين واجرى بقى برحتك

مفيش خناق ولا حاجة .. كلنا اخوة .. ومفروض اننا نحترم اراء بعض .. حتى لو ارائنا مختلفة مع بعض ..
وحضرتك انسان محترم ويشرفنى النقاش معاك
انا مش ضدد الجنط ال16 بالعكس .. انا معاه .. اللى ضدده هو اكتر ال17

انا فى عربيتى عندى جنوط سبور الاصلية بتاعت العربية .. مش جنط حديد عادى .. ومركب عليه الكاوتش العريض 205/55/55
وشكل الكاوتش والعرض حلو .. وممكن كنت اركب 16 كمان مش حيقول لا وحيكون احلى كمان فى الجنوط .. وعربيتى حتقول معاها لانه من المقاسات المرشحة ليها

لكن حدخل فى قصة مصاريف اكبر .. سواء من حيث سعر الجنوط عشان تجيب جنوط محترمة .. لان الجنوط الصينى بتتقطم وده عن تجربة .. والجنوط ال16 التايلاندى المحترمة مش اقل من 2800 .. وغير الكاوتش مقاسات ال16 المحترمة مش اقل من 750 لو مقاسا 205 على ما اتذكر من بريدج ستون وده سعر الفردة

فهى ده النقطة اللى بتكلم فيها

فا ممكن فى الاخر يجيب جنوط 15 سبور محترمة .. ويركب عليها نفس الكاوتش الراكب موقت
وبعد فترة .. يجيب كاوتش 205 كمان ويعرض عن المقاس 185

وهى فى الاخر اراء .. وممكن يعجبه الفكرة وممكن لا .. وهكذا

تحياتى ليك
واتشرفت بيك