هل ينفع اغير بين الدى وال 3 و 2 و 1 فى حالة الحركة والا لازم اوقف العربية خالص؟؟
وسؤال كمان لو العربية ماشية سلانسيه وخلاص هتقف ينفع اجيب الإن واسيبها تتحرك قد نص متر كدة وهية على الإن والا غلط عالفتيس؟؟
عرض للطباعة
هل ينفع اغير بين الدى وال 3 و 2 و 1 فى حالة الحركة والا لازم اوقف العربية خالص؟؟
وسؤال كمان لو العربية ماشية سلانسيه وخلاص هتقف ينفع اجيب الإن واسيبها تتحرك قد نص متر كدة وهية على الإن والا غلط عالفتيس؟؟
مجربتهاش قبل كده بس عادي
بالنسبة للنقل من ال d ل 1.2.3 عاادى و انت مااشى بس بشررط وااحد بس تختار النقلة الصح بمعنى مثلا العربية ماشية رابع ع 80 مجيش منزلها ل 2 ده كدة غلط جدااااا جدااا
و بالنسبة انك تسيبها ماشية ع ال N برضو عاادى بس انت كدة بتخسر قوة فراامل ( فرملة الموتور )
و فرملة الموتور دى معناها
وو انت ع الN انت بتفرمل العربية الفراامل بتوقف العجل يبقى تستعمل الفرامل العادية بس و مثلا ع سرعة 60 تقف ب 5 متر
انما اما تدى ال d و العربية بتفرمل بتسقط غياار اوتوماتيك و بالتالى سرعة الموتور بتقل و مثلا ع سرعة 60 تقف بعد 3.5 متر ( مثلا )
ف الافضل اما تقف خااالص اديها N عشاان اللى انا قولتو فووق انما عموما مفيش مشكلة خااالص انك تنقل n و تسيبها لحد اما توقف خااالص :)
و ياريت لو فى معلومة غلط حد يصلحها ليا :)
متابع
تمشى مسافة صغيره مفيش مشكلة انما مسفات كبيره غلط
بالنسبة ل 1 و 2 و 3 دول ليهم ظروف معينة الأول دا عشان الطرق المرتفعة بيدى أكبر عزم من غير ما العربية تنقل ع الغيار اللى بعده يعنى بيثبت العربية ع الغيار الأول وانت ماشى مثلا على سرعة 100 أو 80 مينفعش تيجى وتدى 2 أو حتى 3 كإنك بتعمل كيك داون بالظبط بس لو ماشى 60 وإنت ع الدى وجبت ع ال 3 مش هتتأثر قوى والله اعلم وجايز العربية ما تقبلش الغيار لو كانت على سرعة أعلى منه بس إنت متجربش لأنه مفيش داعى عايز تعمل كيك داون دوس فجأة ع دواسة البنزين العربية هتفهم وهتعمل كيك داون لوحدها بالنسبة للمشى ع ال n أنا شايف إنه عادى جدا بس العربية هتستهلك فرامل بصورة اسرع بس ما تبقاش ماشى ع الطريق السريع على 120 مثلا وتجيب ال n ,وبعدين تجيب ع ال d تان دا غلط جدا لأنك بمجرد ما بتمور العربية الموتور بيهدى ولفاته بتقل وانت بترفع رجلك من على دواسة البنزين والعربية سريعة تيجى مديها الغيار تانى الموتور هيزعق والموتور هيفرمل العربية بصورة فجائية ودا خطر جدا ع العربية وبيقصر عمر الموتور والفتيس ولو عملت كدا بمجرد ما تديها الغيار تدوس بنزين جامد عشان تعوض السرعة ونصيحة متجبش الفتيس على المور إلا لما تقف خالص
انا دايما بجيب ال n لما أجي أقف لاني بحس إن الفرامل بتساعد أكتر...لما تبقي d بتبقي قوة الموتور محملة علي الفرامل لأن سلانسية الأتوماتيك عالي فبحس ان العربية بتقف أصعب...
لما تكون سلانسيه لازم تقف على ال n عشان تريح الموتور والفتيس ومتوقفش على ال d عشان كدا إنت محمل على الموتور والفتيس والعربية مش ماشية وفى نفس الوقت العربية مش هتبطل عارف ليه ؟ عشان ا لعربية الاوتو فيها محول عزوم وهو دا اللى بيخليها ما تبطلش مع إنها معشقة وواخدة غيار لكن الطاقة دى بيشتتها محول العزوم
عاااااادى انك تجيب ال n وانت على سرعه
واعتقد انه عادى وانت على ال n وماشى 60 تجيب ال d بس على شرط متدوسش بنزين الا بعد 3 ثوانى مثلا تكون النقله اتزبطت
فعلا عادى إنك تجيب على N وإنت على سرعة بس مش عادى إنك ترجعه تانى على d وإنت على سرعة عالية لأن بكل بساطة لفات الموتور بتقل بمجرد رفع رجلك من ع البنزين فمجرد إنك تجيب تانى على ال d إنت كدا بتعمل فرملة بالموتور بس دى فرملة بتجهد الموتور والفتيس عشان يقدر يكيف سرعة الفتيس مع العجل وأنا بصراحة مش بحب أعملها لأنها حركة سخيفة جدا وبتهين العربية لكن لو على سرعة وناوى تقف أو تهدى خالص هات على N عادى لأنك كدا كدا هتقف بالعربية وبرضه ملهاش لازمة لأن والعربية واخدة غيار هتقف أسرع واستهلاك التيل هيقل والعربية هتقف فى مسافة أقل يعنى الخلاصة إن أفضل حاجة لوضع المور إنك تمور لما تقف فى إشارة أو لما تبطل العربية عادى تبطلها ع المور وتشد فرامل اليد لو مش عايز تجيبها على الباركينج أو لا قدر الله لما تعطل العربية عشان تجرها غير كدا ملهوش لازمة فى العربية الأوتوماتيك فى المانيوال لازم تعدى عليه رايح جاى عشان بتفصل الحركة وتنقل لترس مختلف أما الأوتو مفيهاش دبرياج وهى بتنقل لوحدها
بس فعلا لما اجيب الفتيس على n بنفس تحميلة الفرامل العربية بتقف اسرع ، لما تكون عال d بتقعد تسقط غيارات ومع كل تسقيطة غيال العربية بتنطر نطرة لقدام كل ده وانا رجلى عالفرامل طبعا
جرب حضرتك وانت دايس فرامل ولما توصل مثلا لسرعة 40 او 45 افصل الفتيس وهات ال n واحكيلنا علي الفرق
انا عايز اقولك ان ده غلط من ناحية فنيات القيادة الأمنة مش من الناحية الميكانيكية بس انا بعمله لانه بيريح رجلي علي الفرامل وبيقلل من القوة المطلوبة للوقوف التام (مش متأكد أوي من الناحية الميكانيكية دي)
وانت ممور هيبقى الحمل ع الفرامل أكبر وإنت ع ال دى هيبقى الحمل أخف ع الفرامل عن تجربة فى عربية أوتوماتيك حتى فى العربية المانيوال الدبرياج المفروض ما تستخدموش غير وقت نقل الغيار فقط يعنى ما تهديش بيه العربية عادى ترفع رجلك من ع البنزين وتحمل ع الفرامل بس طبعا بحساب وبعدها تنقل على غيار أقل الكلام دا على حد معلوماتى والله أعلم
أنا هسوق اتوماتيك لأول مرة .
وفعلا عايز اعرف افضل توقيف للعربية .
لأني في المانيوال بمور العربية علي اي سرعة واسيبها لحد ما تهدي مع الفرامل وتقف .
والله المانيوال أحسن من الأوتوماتيك بس أنا عايز حد يجاوب على السؤال دا بس حد فاهم ميكانيكا كويس جدا طبعا أنا بديهى لما بقف بالعربية الأوتوماتيك بجيب على N عايز أعرف إيه الخطورة فى إنى أفضل واقف على d مبدئيا العربية مش هتبطل عشان محول العزوم بس هل دا ليه تأثير على الفتيس والموتور حتى لو كان تأثير بسيط على المدى البعيد أو عادى العربية مصممة لكدا ؟؟؟؟؟؟؟
هقولكم علي حاجة
الأوتو غير المنوال في الغيار
يعني لو انت محمل الغيار في المنوال وبتدوس فرامل يبقي كده الغيار هيوقف معاك العربية اسرع
لكن في الأوتو مش بتساعد يعني مش هتفرق معاك مدي غيار او لأ
وموضوع انك لو لسة هتقف تجيب ال n
فا عادي جدا بس انصحك بلاش انا عن نفسي مش بعمل كده بس لو هقف اكتر من نص دقيقة يبقي بجيب ال n علشان ماتبقاش العربية محملة
كلام كتالوجات عشان نجيب من الآخر
العربية الأوتو تبدأ الحركة على d لكن مينفعش وإنت ماشى تجيب على ال N ليه الله أعلم أعتقد عشان دورة تبريد الفتيس بتكون واقفة لذلك عند جر السيارة فى حالة الأعطال الطوارئ فقط السيارة تتجر لمسافة لا تزيد عن 30 كيلو متر
وبسرعة أقل من 20 كيلو متر فى الساعة وهى على وضع N
دا تعديلا لكلامى السابق