الموضوع: سؤال فنى فى قيادة الاتوماتيك

المشاركة الأصلية كتبت بواسطة mohammedaladel

لما تكون سلانسيه لازم تقف على ال n عشان تريح الموتور والفتيس ومتوقفش على ال d عشان كدا إنت محمل على الموتور والفتيس والعربية مش ماشية وفى نفس الوقت العربية مش هتبطل عارف ليه ؟ عشان ا لعربية الاوتو فيها محول عزوم وهو دا اللى بيخليها ما تبطلش مع إنها معشقة وواخدة غيار لكن الطاقة دى بيشتتها محول العزوم

تمام كدة شكرا على معلوماتك الجميلة يابوحميد

المشاركة الأصلية كتبت بواسطة blazer

عاااااادى انك تجيب ال n وانت على سرعه

واعتقد انه عادى وانت على ال n وماشى 60 تجيب ال d بس على شرط متدوسش بنزين الا بعد 3 ثوانى مثلا تكون النقله اتزبطت

فعلا عادى إنك تجيب على N وإنت على سرعة بس مش عادى إنك ترجعه تانى على d وإنت على سرعة عالية لأن بكل بساطة لفات الموتور بتقل بمجرد رفع رجلك من ع البنزين فمجرد إنك تجيب تانى على ال d إنت كدا بتعمل فرملة بالموتور بس دى فرملة بتجهد الموتور والفتيس عشان يقدر يكيف سرعة الفتيس مع العجل وأنا بصراحة مش بحب أعملها لأنها حركة سخيفة جدا وبتهين العربية لكن لو على سرعة وناوى تقف أو تهدى خالص هات على N عادى لأنك كدا كدا هتقف بالعربية وبرضه ملهاش لازمة لأن والعربية واخدة غيار هتقف أسرع واستهلاك التيل هيقل والعربية هتقف فى مسافة أقل يعنى الخلاصة إن أفضل حاجة لوضع المور إنك تمور لما تقف فى إشارة أو لما تبطل العربية عادى تبطلها ع المور وتشد فرامل اليد لو مش عايز تجيبها على الباركينج أو لا قدر الله لما تعطل العربية عشان تجرها غير كدا ملهوش لازمة فى العربية الأوتوماتيك فى المانيوال لازم تعدى عليه رايح جاى عشان بتفصل الحركة وتنقل لترس مختلف أما الأوتو مفيهاش دبرياج وهى بتنقل لوحدها

بس فعلا لما اجيب الفتيس على n بنفس تحميلة الفرامل العربية بتقف اسرع ، لما تكون عال d بتقعد تسقط غيارات ومع كل تسقيطة غيال العربية بتنطر نطرة لقدام كل ده وانا رجلى عالفرامل طبعا

المشاركة الأصلية كتبت بواسطة swimmer25

جرب حضرتك وانت دايس فرامل ولما توصل مثلا لسرعة 40 او 45 افصل الفتيس وهات ال n واحكيلنا علي الفرق
انا عايز اقولك ان ده غلط من ناحية فنيات القيادة الأمنة مش من الناحية الميكانيكية بس انا بعمله لانه بيريح رجلي علي الفرامل وبيقلل من القوة المطلوبة للوقوف التام (مش متأكد أوي من الناحية الميكانيكية دي)

وانت ممور هيبقى الحمل ع الفرامل أكبر وإنت ع ال دى هيبقى الحمل أخف ع الفرامل عن تجربة فى عربية أوتوماتيك حتى فى العربية المانيوال الدبرياج المفروض ما تستخدموش غير وقت نقل الغيار فقط يعنى ما تهديش بيه العربية عادى ترفع رجلك من ع البنزين وتحمل ع الفرامل بس طبعا بحساب وبعدها تنقل على غيار أقل الكلام دا على حد معلوماتى والله أعلم

أنا هسوق اتوماتيك لأول مرة .
وفعلا عايز اعرف افضل توقيف للعربية .
لأني في المانيوال بمور العربية علي اي سرعة واسيبها لحد ما تهدي مع الفرامل وتقف .

والله المانيوال أحسن من الأوتوماتيك بس أنا عايز حد يجاوب على السؤال دا بس حد فاهم ميكانيكا كويس جدا طبعا أنا بديهى لما بقف بالعربية الأوتوماتيك بجيب على N عايز أعرف إيه الخطورة فى إنى أفضل واقف على d مبدئيا العربية مش هتبطل عشان محول العزوم بس هل دا ليه تأثير على الفتيس والموتور حتى لو كان تأثير بسيط على المدى البعيد أو عادى العربية مصممة لكدا ؟؟؟؟؟؟؟