لو تم تمرير قانون مرور بتحدبد عمر الملاكي بـ 30 سنة تفتكر ليه

**mo3tazelgamal** · 27-06-2008 07:54 PM

أنا مش دارس قانون بس أعتقد أن الموضوع دة ما ينفعش يطبق لأسباب تتعلق بالدستور الذى ينص على إحترام الملكيه الخاصه
(بس طبعا سيد قرارة ممكن يطلع بأى مادة عن حمايه الغير أو المفتى يتمطع ويتحفنا بفتوى أن العربيه لو مر عليها أكتر من 30 سنه فهى حرام علشان كيت وكيت أى كلام و خلاص المهم ينفذوا إللى هما عايزينه)

**Islam_galal** · 29-06-2008 05:42 PM

بعمل تصفيه للإقتراحات المجمعه (5و6و7و8) علي الإقتراحات الأساسية (1و2و3و4)

وجد الآتي:

الإقتراح الأول: 6 أصوات
الإقتراح الثاني: 25 صوت
الإقتراح الثالث: 21 صوت
الإقتراح الرابع: 19 صوت

توقع سؤ النية في القرار واضح و خاصة لإقتراح السبوبة

**Goodle** · 29-06-2008 06:06 PM

توب علينا يا رب

**Islam_galal** · 30-06-2008 10:59 AM

بعمل تصفيه للإقتراحات المجمعه (5و6و7و8) علي الإقتراحات الأساسية (1و2و3و4) (بعد التحديث)

وجد الآتي:

الإقتراح الأول: 7 أصوات
الإقتراح الثاني: 32 صوت
الإقتراح الثالث: 23 صوت
الإقتراح الرابع: 23 صوت

توقع سؤ النية في القرار واضح و خاصة لإقتراح السبوبة

**AhmedElsayed** · 30-06-2008 11:26 AM

طول ماحنا قاعدين نشتكى من التلوث وعادم العربيات
وعارفين كويس ان الصيف بيبقى كارثة للعربيات الكهنة
واول مالصيف يجى العربيات القديمة تعطل فى اى حتة وتعطل الدنيا كلها
العربيات القديمة مفهاش اى عناصر امان نهائيا
التاكسيات غالبيتها عربيات قديمة = تلوث وخدمة زفت ومناظر مقرفة

ورغم اننا عارفين كل ده
ورغم ان كل متفتح جرنال ولا تفتح التلفزيون تلاقى الناس بتعترض على عربايت عمرها 70 سنة ولسه ماشية

لكن اول مالحكومة تفكر فى القرار ده
يبقى لازم علطول فى نية سيئة
وفى مصالح عليا لمش عارف مين
ولازم تطلع الحكومة بنت ستين فى سبعين

مش عارف ليه بفتكر قصة جحا وابنه والحمار دايما
البلد دى بجد مينفعش فيها اى حاجة

**Islam_galal** · 30-06-2008 11:31 AM

المشاركة الأصلية كتبت بواسطة AhmedElsayed

طول ماحنا قاعدين نشتكى من التلوث وعادم العربيات
وعارفين كويس ان الصيف بيبقى كارثة للعربيات الكهنة
واول مالصيف يجى العربيات القديمة تعطل فى اى حتة وتعطل الدنيا كلها
العربيات القديمة مفهاش اى عناصر امان نهائيا
التاكسيات غالبيتها عربيات قديمة = تلوث وخدمة زفت ومناظر مقرفة

ورغم اننا عارفين كل ده
ورغم ان كل متفتح جرنال ولا تفتح التلفزيون تلاقى الناس بتعترض على عربايت عمرها 70 سنة ولسه ماشية

لكن اول مالحكومة تفكر فى القرار ده
يبقى لازم علطول فى نية سيئة
وفى مصالح عليا لمش عارف مين
ولازم تطلع الحكومة بنت ستين فى سبعين

مش عارف ليه بفتكر قصة جحا وابنه والحمار دايما
البلد دى بجد مينفعش فيها اى حاجة

عندك حق شعب غريب بيحب القديم ، مع ان كل واحد معاه عربية قردة يقدر يجيب عربية زيرو ، بس هو غاوي فقر
أما القوانين فهي ممتازة و تساعد علي التحديث، داحنا أغلي سعر للعربيات عندنا بسبب الجمارك ، طبعا علشان نعرف غلاوة العربية عندنا بندفع تمنها و ندفعه تاني للحكومة علشان العلاقة بيننا و بين الحكومة علاقة شراكة
أنا في البنطلون جيبين جيب لي و جيب للحكومة

ربنا مايحرمكوا من الحكومة دي ابدا

**muslem** · 30-06-2008 11:46 AM

اخونا احمد هو اقرب واحد رد منطقي لكن للاسف باقي الردود مع احترامى لهم طبعا مش حاسين بالفقراء اللى بيفضلوا بالساعات علشان يركبوا موصلة
يعني يقدر كل واحد من اللى قالوا بتكهين العربيات القديمة انه ينزل يركب اتوبيس عام ولة يفضل يتخانق مع سواق ميكروبص علشان ربع جنية؟!!!
و ازى تصح المقارنة باوروبا مع مصر!!!!
اوروبا فى صحة مجانية و فلوس للعاطلين و موصلات مظبوطة مش علب سردين زي عندنا
المشكلة كل واحد عنده عربية بتكييف يقول ليه اللى عنده قديم ميشتريش زيناكده
زي ما يكون شعب مصر ده من اغنى اغنياء العالم لكن بيستهبل و مصر على القديم الموصلات اللى بتتزنق فيها بناته و زوجاته فى الموصلات اللى اصبح شئ عادى جدا!!!!
هل اللى عمال يتكلم الكلام ده عارف ان فى تكسيات من اللى حيتكهنوا حيبطل يشتغل تاكسي علشان مش ملاقي يجيب جديد يعني عمله اللى يعرفه مش حيشتغله و مش حيعرف يصرف على بيته
يا ريت كل واحد من اللى بيأيد العربيات الجديدةعلى حساب القديمة يجرب يركب اتوبيس لمدةاسبوع كده و بعدين يقول لنا اللى بيتشري قديم ياترى بيشتريه ليه؟؟
و حيعرف لان الموصلات بتصرف اكتر و بتبهدل بناته و زوجاته و حتى امه
و اذا حب يشترى جديد مش حيقدر كفاية الاجراءات مين اللى يضمنه مثلا؟؟!!
و اللى معندهوش اصلا عربية لما يجد عربية قديمة تستر بناته من الموصلات اللى بتتزنق فيها بناته يقول لا!!!
والناس اللى مس حاسة بيه يقول ليه مينفعش يركب قديم لان شكلها مش عاطفى زى فى الغردقة مثلا اللى فى اجانب اللى بنضرب لهم المصريين بالجزم علشان الاجانب يجوا مصر يعملوا اللى هم عايزينه من خمور لزنا واحنا نحميهم!!!

**AhmedElsayed** · 30-06-2008 11:47 AM

المشاركة الأصلية كتبت بواسطة Islam_galal

عندك حق شعب غريب بيحب القديم ، مع ان كل واحد معاه عربية قردة يقدر يجيب عربية زيرو ، بس هو غاوي فقر
أما القوانين فهي ممتازة و تساعد علي التحديث، داحنا أغلي سعر للعربيات عندنا بسبب الجمارك ، طبعا علشان نعرف غلاوة العربية عندنا بندفع تمنها و ندفعه تاني للحكومة علشان العلاقة بيننا و بين الحكومة علاقة شراكة
أنا في البنطلون جيبين جيب لي و جيب للحكومة

ربنا مايحرمكوا من الحكومة دي ابدا

انا مقلتش انا ملاك العربيات القديمة اغنيا بس فى المقابل هل مطلوب المجتمع كله يتحمل علشان ملاك العربيات القديمة بس
مانتم بنفسكم كلكم معترفين ان مفيش حد فى الدنيا بيفضلوا محتفظين بعربيات بالحالة ده ابدا طول الفترة دى
ياراجل عربية بقالها اكتر من 30 سنة ولسه عايزها تمشى فى الشوارع
كان نفسي ان التركيز يبقى على ازاى نخلى الناس تتحول ايه برامج المساعدة اللى ممكن تتعملهم لكن التفكير فى انه اى قانون وراه شبهة ووراه سوء نية حتى لو هى حاجة احنا مقتنعين انها صح بقت حاجة متعبة اوى

**muslem** · 30-06-2008 11:58 AM

بالمناسبة مش شرط ان اللى عنده قديم يبقي ملوث للبيئة ابدا يعني لو حكاية تلوث يبقي اول حاجة تبدأ الحكومة بنفسها مش بالغلابة اللى مش لاقين حق الاكل حتى!!!
ولة حق العلاج والناس اللى بتموت لانها مش ملاقي علاج
يعني يا ريت تحطوا فى حساباتكم ان فىناس بتموت فقط لانها مش ملاقي فلوس علشان تتعالج و فاقد الش لا يعطيه يعني الحكومة عايزة بيئة نظيفة كما تدعى لكن هى اول ملوث للبيئة!!!
و ارجع تانىواقول مش شرط ان القديم بييلوث اكتر عربيات الاقيهاملوثة هى اللى الميكروبسات و النقل اللى هم معروف انهم تبع بتوع مجلس الشعب و الضباط لكن نادر لما تلاقي تاكسي ملوث بالنسبة للنقل الجماعى و النقل الثقيل اللى سحبوا له القانون علشان مجلس الشعب بتاع الوطنى يوافق
يعني الكلام ده على سبيل المثال و في مصايب اكتر من كده
قبل ما انسي حكاية انالقديم كل يوموالتانىبتتصلح ده مش بسببالعربية ده بسبب الميكانيكي اللىبيكون مش عارف يصلح اونصاب وصاحب العربية مش عارف يلاقي واحد كويس ده عن تجربة يعني مش كلام من فراغ
يعني انا لماوجدت ميكانيكي كويس العربية بقت الحمد لله مفيش مشاكل لكن طول ما الميكانيكي منيل يبقي حتى الجديد مش حيتصلح اصلا

**ahmed karm** · 30-06-2008 12:18 PM

المشاركة الأصلية كتبت بواسطة tutankhamoun

بيني و بينك يا أستاذ إسلام
هما مش محتاجين قرار زي ده
خلاص البترول ............................. بيشطب مع معدلات الإستهلاك الحالية و عدد السكان العالي

يعني في أوروبا مثلا مفيش قوانين زي كدا
بس في عوامل في السوق بتخليهم يرموا العربيات بعد 10 سنين أو 15 سنة كحد أقصى

البترول غالي
التأمين على السيارات إجباري و غالي
الضرائب مرتفعة
العملة مرتفعة

فقيمة العربية بتقل تدريجيا لدرجة أنها بتكون سلعة مش مطلوبة لدرجة أنك لما بتكون عايز تتخلص منها
بتدفع لعربية نقل علشان تيجي تأخدها ترميها في مقلب السيارات

بس أنا مع هذا القانون لإختلاف الظروف قليلا في الوقت الحالي
العربيات هنا الناس بتخللها
شكرا على الموضوع و إثارة هذه النقطة المهمة
بارك الله فيك

كلام حضرتك صح 100 % حيث ان جميع الدراسات تفيد بأن الأحتياطي العالمي يكفي لمدة 40 سنه بمعدل الأستهلاك الحالي وطبعاً معدل الأستهلاك بيزيدو خلاص في الاتحاد الاروبي بيخلطوا البنزين بالايثانول و الديزل بالديزل الحيوي اللي اصله من زيوت نباتيهز واعتقد ان بعد 15 سنه مش اي حد متوسط الدخل حيقدر يركب عربيه

مشاهدة نتائج الإستطلاع: لو تم تمرير قانون مرور بتحدبد عمر الملاكي بـ 30 سنة تفتكر ليه

الموضوع: لو تم تمرير قانون مرور بتحدبد عمر الملاكي بـ 30 سنة تفتكر ليه

LinkBack

أدوات الموضوع

عرض

-

-

-

-

المواضيع المتشابهه

من فضلكم عايز اجابة هل هناك قانون مرور فى مصر يمنع ركوب الاولاد فى الكراسى الاماميه

قريبا جدا قانون استبدال السيارات الملاكي التي مر عليها 20 عام فقط

مرور سنة على قانون المرور الجديد

مرور فيصل قمة المهازل تحت شمسية قانون المرور العبيط

بعد مرور اسبوعين من قانون المرور الجديد

الكلمات الدلالية لهذا الموضوع

المفضلات

المفضلات

ضوابط المشاركة