الموضوع: قناة كايرو سينما - انا فتحنا لك فتحا مبينا!!

المشاركة الأصلية كتبت بواسطة Haytham4ever

طيب متفقين ان شاء الله
بس خلي بالك من نقطة ... اذكار الصباح و المساء صحيح فيها كتير ايات قرآنية بس احنا مختارناش الآيات دي من دماغنا ... عندنا ادلة عن الرسول عليه الصلاة و السلام ان الايات دي تتقال في الصباح و المساء
يعني لو واحد اختار ايات من القرآن من غير اي دليل و فضل يقولها في الصباح و المساء ... تفتكر ده يبقى ايه؟
بخصوص قراءة الفاتحة ... حضرتك بتقول شيء حميد اننا نبدأ الخطبة او العلاقات التجارية بقراءة الفاتحة ... هرجع اسألك ... عرفت انه حميد منين ؟
الاجتهاد الفكري الشخصي دون اي دليل شرعي غير مقبول ابداً في كل ما يخص الشرع ... يبقى لازم يكون عندي دليل شرعي على ان الفعل ده حميد او على الاقل جائز ... الدليل يبقى من القرآن او السنة او الاجماع ... و فيه مصادر تانية مختلف فيها زي قول و فعل الصحابي و فعل اهل المدينة و غيره
فهل ورد جواز قراءة الفاتحة قبل هذه الامور من اي مصدر من المصادر السابقة ؟
ان لم يرد جواز او منع فالاصل في العبادات هو التوقف ... يعني معلمش اي عباده الا بدليل ... مفيش دليل يبقى معملش
ربنا نزلنا قرآن و حفزنا اننا نقراه معظم الوقت ... انما عشان اخص سورة معينه اقراها في وقت معين ... ده بقه عايزله دليل و الا بقى بدعة
مع ان الفعل مجرد قراءة قرآن عليه ثواب كتير المفروض ... لكم ملابسات القراءة بتغير الوضع تماما
زي بالضبط اللي بيصلي قيام في ليلة رأس السنة سواء الهجرية او الميلادية
مع ان صلاة القيام ليها فضل كبير الا ان تخصيص هذا اليوم بالقيام يحتاج الى دليل و الا يكون بدعة
و عموما كل البدع ظاهرها الحسن ... متلاقيش ابدا بدعة سيئة ظاهرياً ... و هي دي المشكلة ان المبدعه بيستدلوا بدليل عام زي قراءة القرآن في اي وقت و يخصوا هذه القراءة بوقت و صورة معينه ليس لها اي دليل
فكل عبادة لها اصل و وصف ... الاصل هو الدليل و الوصف هو قرائن الفعل كقراءة الفاتحة عند الخطبة و هذا لم يرد !

و اذكر كلمة سفيان الثوري: ان استطعت الا تحك رأسك الا بأثر فأفعل
يعني: لو تقدر انك قبل ما تهرش في راسك تدور على دليل ان الرسول عليه الصلاة و السلام هرش في راسه ... لو لقيته اهرش ... لو ملاقتش متهرش
طبعا هذا مجاز عن شدة اتباع الرسول في كل شي حتى لو كان بعيد عن الشرع ... فما بالك باتباعه فيما يخص الشرع ؟

و جزاكم الله خيرا

هو يمكن موضوع قراية الفاتحة انا شايفاه عرف اعتاد الناس عليه مش نوع من أنواع العبادة، بس مش هايضر في شئ. بس معنى كده يا هيثم انك بإذن الله لما تيجي تخطب و اهل العروسة قالوا ياللا بأه نقرا الفاتحة هاتقول لهم لأ ما باقراش؟ :)

على فكرة كمان في حاجات كتيرة تعتبر من العرف بنعملها عادي زي مثلا اشتراك العروسة مع العريس ماديا في تأثيث بيت الزوجية و ده على ما أعرف ليس من الشرع في شئ.. هل انت مستعد فعلا انك تلتزم بالشرع في الناحية دي و تفرش بيتك من الألف للياء بدون أي مشاركة من عروستك؟ :)

المشاركة الأصلية كتبت بواسطة OlaOsman

هل انت مستعد فعلا انك تلتزم بالشرع في الناحية دي و تفرش بيتك من الألف للياء بدون أي مشاركة من عروستك؟ :)

و لا بمشاركتها و لا من غير مشاركتها ...
مش حافرشه اصلا ..

المشاركة الأصلية كتبت بواسطة OlaOsman

هو يمكن موضوع قراية الفاتحة انا شايفاه عرف اعتاد الناس عليه مش نوع من أنواع العبادة، بس مش هايضر في شئ. بس معنى كده يا هيثم انك بإذن الله لما تيجي تخطب و اهل العروسة قالوا ياللا بأه نقرا الفاتحة هاتقول لهم لأ ما باقراش؟ :)

على فكرة كمان في حاجات كتيرة تعتبر من العرف بنعملها عادي زي مثلا اشتراك العروسة مع العريس ماديا في تأثيث بيت الزوجية و ده على ما أعرف ليس من الشرع في شئ.. هل انت مستعد فعلا انك تلتزم بالشرع في الناحية دي و تفرش بيتك من الألف للياء بدون أي مشاركة من عروستك؟ :)

اتمنى ان اللي هتجوزها اهلها و هي طبعا ميكونوش بيقروا الفاتحة اصلا في الموقف ده ... اقصد يكونوا على علم بهذه الامور
و عموما لما بكون في مكان في اتفاق على زواج او غيره و يقروا الفاتحة ... مش بقرا معاهم

بخصوص مصاريف الزواج ... الموضوع ده في بالي من زمان و اتمنى ان ربنا يقدرني و مكلفش ابو العروسة جنيه واحد
و عقبال الجميع :)